სატელეფონო საუბრის აუდიო ჩანაწერი, რომელშიც „ქართული მარშის" ლიდერი სანდრო ბრეგაძე რუს დეპუტატსა და „კა-გე-ბე"-ს ყოფილ თანამშრომელს იგორ მოროზოვს საქართველოში ბიზნესის დაწყების შესაძლებლობაზე ელაპარაკება, პოლიტიკური სკანდალის მიზეზი გახდა. თავად ბრეგაძე „რეზონანსთან" საუბრისას აცხადებს, რომ პოლიტიკური ამაში არაფერია და უბრალოდ რუსმა მეგობარმა მას სთხოვა ინფორმაციის მოძიება, რამდენად მომგებიანი იქნებოდა საქართველოში ერთი კონკრეტული ბიზნესის დაწყება.

ერთ კვირაზე მეტია, რაც ქვეყანაში კორონავირუსის ორი ასეული დღიური მაჩვენებელი ფიქსირდება, ვირუსმა თითქმის ყველა სფეროში შეაღწია, ვკარგავთ თუ არა თანდათან კონტროლს სიტუაციაზე და არის თუ არა აუცილებელი, რომ ინფექციის შესაჩერებლად მკაცრი ზომები დაწესდეს?

წინასააარჩევნოდ ოპოზიციურ პარტიებს შორის დაპირისპირებები მწვავდება. საქართველოს ყოფილი პრეზიდენტის მიხეილ სააკაშვილის განცხადებას, „ოპოზიციური პარტიების ერთიანი საარჩევნო სიის" შექმნაზე უარყოფითად აფასებენ ოპოზიციაში, რადგან მიაჩნიათ, რომ სააკაშვილის ინიციატივია არასერიოზულია, მიზანი კი მისი კონკურენტი პარტიების შესუსტებაა.

რუსეთის მე-8, 49-ე და 58-ე არმიებმა საქართველოს დედაქალაქიდან 116 კილომეტრში, ცხინვალის მიმართულებით მასშტაბური სამხედრო წვრთნები დაიწყეს. "საქართველოს საფრთხეს უქმნის რუსეთის სტრატეგიული სამხედრო წვრთნები „კავკასია 2020". ეს არის მუსკულების დემონსტრირება. აგრესიის შემთხვევაში, წვრთნებში მონაწილე სამხედრო არმიებს შეუძლიათ მონაწილეობა მიიღონ საქართველოს სამხედრო აგრესიაში - განაცხადა "რეზონანსთან" საერთაშორისო ექსპერტმა ვახტანგ მაისაიამ. მისივე თქმით, „კავკასია 2020" ერთგვარი პრელუდიაა.

პოლიტოლოგი პაატა ზაქარეიშვილი, ოკუპირებულ აფხაზეთში, ამ მომენტში, არსებულ კორონავირუსით გამოწვეულ მდგომარეობაზე გვესაუბრება და უახლეს მონაცემებს გვაწვდის. მისი თქმით ვირუსმა რთული ვითარება შექმნა, თუმცა, მოსახლეობა შეძლებისდაგვარად უმკლავდება მდგომარეობას.

ინფექციონისტი ალექსანდრე გოგინავა, დაავადებათა კონტროლის ეროვნული ცენტრის ხელმძღვანელის, ამირან გამყრელიძის მიერ, ბოლო პერიოდში გაჟღერებულ განცხადებებს ეხმაურება. გამყრელიძის აზრით პანდემია მინიმუმ 1 წელი კიდევ გაგრძელდება, თუმცა რის საფუძველზე ასახელებს 1 წელს, უცნობია.

31 ოქტომბერს საზოგადოება განსხვავებულ არჩევნებს ელოდება, გარდა იმისა რომ სისტემაა შეცვლილი, ბარიერი კი თითქმის 1%-იანია, ანალიტიკოსები მოვლენების განვითარების განსხვავებულ სცენარს ელოდებიან.

საქართველოში აქტიური საარჩევნო კამპანია უკვე დაიწყო. პოლიტიკოსები თავიანთ ამომრჩევლებთან შეხვედრებს ყოველდღიურად მართვენ. პოლიტოლოგი გია ხუხაშვილი ფიქრობს, რომ ქვეყანაში წინასაარჩევნო პროცესი მშვიდად მიმდინარეობს. ხუხაშვილის პროგნოზით, წინასაარჩევნო პერიოდი აჟიოტაჟისა და მძიმე დაპირისპირებების გარეშე ჩაიშვლის.

შვიდი თვე გავიდა მას შემდეგ, რაც ჯანდაცვის მსოფლიო ორგანიზაციამ (ჯანმო) კორონავირუსი მსოფლიო პანდემიად გამოაცხადა, პრაქტიკამ აჩვენა, რომ ინფექცია ძირითადად მოხუცებს აზარალებს, თუმცა „ნიუ იორკ თაიმსი" წერს, რომ პანდემია ღარიბ ქვეყნებში ისეთ კატაკლიზმად გადაიქცა, სადაც ბავშვები ყველაზე მეტად დაზარალდნენ.

აშშ-ს საქართველოს მიმართ ორპარტიული მხარდაჭერა აქვს - ვინ იქნება ამერიკის პრეზიდენტი, ამას მნიშვნელობა არ აქვს, რადაგან ორივე კანდიდატი საქართველოს ღირსეულ, მნიშვნელოვან და სერიოზულ პარტნიორად აღიქვამს - აშშ-ს საპრეზიდენტო არჩევნებთან დაკავშირებით საერთაშორისო ექსპერტი თენგიზ ფხალაძე „რეზონანსთან" საუბრობს და აცხადებს, რომ დონალდ ტრამპსა და ჯონ ბაიდენს არჩევნებში გამარჯვების თანაბარი შანსი აქვთ.

არჩევნებამდე თვენახევარია დარჩენილი, პოლიტიკური პარტიები კი ამომრჩევლის ნდობის მოსაპოვებლად ცდილობენ, რომ საარჩევნო კამპანია რაც შეიძლება უფრო დამაჯერებელი იყოს, რომელ პოლიტიკურ ძალას შეუძლია დარჩენილ დროში არსებული შედეგი გააუმჯობესოს და რის ხარჯზე? ამ საკითხთან დაკავშირებით ანალიტიკოსები ფიქრობენ, რომ ეს პროცესი თავად პარტიებზე და პოლიტიკურ სუბიექტებზეა დამოკიდებული.

რუსეთის საგარეო საქმეთა მინისტრის, სერგეი ლავროვის განცხადებას „საქართველო-რუსეთის" ურთიერთობების დალაგების შესახებ, პოლიტოლოგი თენგიზ ფხალაძე ქართველი საზოგადოების დეზორიენტირების იარაღად მიიჩნევს და ამბობს, რომ ამ განცხადებაში სიახლე არაფერია.