„პაატა დავითაიასგან არ მახსოვს ოდესმე რამე სწორი პროგნოზი გაეკეთებინა. როდესაც დავითაია ხელისუფლებაში იყო, რუსეთმა მიიღო ის, რაც უნდოდა. ეს არის მცდელობა ამომრჩევლამდე არ მივიდეს ინფორმაცია, რა დანაშაული აქვთ ჩადენილი „ნაცმოძარობას" საქართველოს წინაშე," - ასე აფასებს „რეზონანსთან" საუბრისას შერიგებისა და თანასწორობის ყოფილი სახელმწიფო მინისტრი პაატა ზაქარეიშვილი „ევროპელი დემოკრატების" ლიდერის პაატა დავითაიას განცხადებას, რომ რუსეთის გენშტაბის 1954 წლის რუკის მიხედვით ოკუპაციის საფრთხის წინაშე საქართველოს მთავარი ავტომაგისტრალიცაა.

გორის მუნიციპალიტეტის სოფელ გუგუტიანთკარში დღეს რუსი ოკუპანტები აღარ გამოჩენილან. რაზმაძეებისა და გუგუტიშვილების ოჯახებმა უკვე დაცალეს საცხოვრებელი სახლები და რისი გატანაც შეძლეს, გაიტანეს. ადგილზე ჩავიდნენ სხვადასხვა პოლიტიკური პარტიების წარმომადგენლები. ანტისაოკუპაციო მოძრაობის „ძალა ერთობაშიას" ლიდერის, დავით ქაცარავას ინფორმაციით შეიძლება ითქვას, რომ ამ დროისათვის სოფელში სიმშვიდეა, თუმცა მორიგი პროვოკაცია კვლავ მოსალოდნელია.

„თუ მოლოდინი აქვთ, რომ ამ ცვლილებების შედეგად „ქართულ ოცნებას" რეიტინგი მოემატება, ან ამომრჩეველი გულს მათკენ მოიბრუნებს, ეს ასე არ იქნება. მაგრამ ის, რომ როგორც გახარია, ისე ღარიბაშვილი ორივე პიროვნება საკმაოდ ხისტები არიან, ეს გარკვეულწილად მიანიშნებს იმას, რომ ხელისუფლება მზად არის „მკაცრი ხელის" პოლიტიკა გაატაროს, ან მოსახლეობას და საზოგადოებას აჩვენოს, რომ მკაცრი თუ მტკიცე ხელი აქვთ", - ასე ეხმიანება "რეზონანსთან" ანალიტიკოსი ვახტანგ ძაბირაძე შესაძლო სამთავრობო ცვლილებებს.

„ანაკლიის განვითარების კონსორციუმიდან" ამერიკული „კონტი ჯგუფი" გავიდა. შესაბამისად, პროექტის განხორციელების საკითხი უკვე კითხვის ნიშნის ქვეშ დგას. ანალიტიკოსი გია ხუხაშვილი მიიჩნევს, რომ ხელისუფლების მიზანი „ანაკლიის განვითარების კონსორციუმის" მოშორებაა. რაც შეეხება პროექტს, აცხადებს, რომ მისი ბედი ჯერ კიდევ ბუნდოვანია.

რამდენიმე დღეში საქართველო აშშ-სთან თავდაცვის სფეროში თანამშრომლობის შესახებ სამწლიან შეთანხმებას გააფორმებს. ამის შესახებ თავდაცვის მინისტრმა ლევან იზორიამ აშშ-ის თავდაცვის ახალ ატაშესთან, პოლკოვნიკ სტეფანი ბეგლისთან შეხვედრის შემდეგ განაცხადა.

ევროპარლამენტის დეპუტატმა, მარკეტა გრეგოროვამ ევროსაბჭოს წერილით მიმართა და ქართული ტურიზმის მხარდაჭერა პიარ-კამპანიით, კერძოდ კი სოციალურ ქსელში გამოყენებადი ჰეშტეგით შესთავაზა, შესაბამისი ოფიციალური წერილით ჩეხეთის წარმომადგენემლმა დეპუტატმა ევროპარლამენტს 15 აგვისტოს მიმართა.

„რუსთავი 2"-ის 100%-იანი წილის მფლობელი, ქიბარ ხალვაში ტელევიზიას ყიდის და კონკურსს აცხადებს. ტელევიზიის ყიდვის სურვილი ღიად პრორუსული მედიასაშუალება „საქინფორმის" რედაქტორმა, არნო ხიდირბეგიშვილმა გამოთქვა. ამის შესახებ განცხადება მან საკუთარი გამოცემის ვებგვერდზე გაავრცელა. „რუსთავი 2"-ის შესაძლო მყიდველთა შორის განიხილებიან ასევე გავლენიანი ბიზნესმენები ვანო ჩხარტიშვილი და გია ჯოხთაბერიძე.

"ბორდერიზაცია კონფლიქტის მოუგვარებლობის გამოვლენაა, თუ კონფლიქტს მოვაგვარებთ ესეც გაჩერდება, მაგრამ მხოლოდ ბორდერიზაციის წინააღმდეგ ბრძოლით არ მგონია რომ ეს პროცესი შევაჩეროთ," - ასე ეხმიანება "რეზონანსთან" პოლიტოლოგი პაატა ზაქარეიშვილი რუსეთის მხრიდან საქართველოს ტერიტორიებზე ბორდერიზაციის პროცესს.

„თბილისის აქციები აფხაზეთის ტურისტული სეზონის ჩავარდნასთან არანაირ კავშირში არ არის. აფხაზეთში ძალიან მძიმეა კრიმინალური სიტუაცია, ტურისტული ინფრასტრუქტურა საერთოდ არ არსებობს და განუვითარებელია, აფხაზეთის მოსახლეობის, ფაქტობრივად, 45%-ზე მეტი გახიზნულია დე ფაქტო აფხაზეთის ტერიტორიიდან და წასულია სამუშაოს მოსაძებნად და მეოთხე მომენტი ისაა, რომ აფხაზეთში ძალიან რთული პოლიტიკური სიტუაციაა", - „რეზონანსთან" საუბრისას ასე გამოეხმაურა ექსპერტი ვახტანგ მაისაია აფხაზეთში ტურისტული სეზონის ისევ ჩავარდნას.

გორის მუნიციპალიტეტის სოფელ გუგუტიანთკარში დიპლომატიური კორპუსის წარმომადგენლები იმყოფებიან. ისინი სოფელთან განახლებულ ე.წ. საზღვრების გავლების გამო შეშფოთებას გამოხატავენ. ოკუპანტების ამ ქმედებას ისტორიკოსი გიორგი ოთხმეზური გამოეხმაურა, რომელმაც ამ ფაქტს „საშინელი ისტორიული უკანონობა" უწოდა. მისი თქმით, აუცილებელია მხარეები სასწრაფოდ მოლაპარაკების მაგიდას მიუსხდნენ.

"ფაქტია, ხელისუფლებამ ყველაფერი გააკეთა იმისათვის, რომ ანაკლიის კონსორციუმს შექმნოდა პრობლემები. ხელისუფლების ამოცანა პროექტის ჩაშლა იყო თუ მისი საკუთარი კონტროლის ქვეშ აყვანა, ეს უახლოეს პრიოდში გამოჩნდება," - აცხადებს პოლიტოლოგი გია ხუხაშვილი ანაკლიის პორტთან დაკავშირებულ ბოლოდროინდელ პერიპეტიებზე საუბრისას.

გორის მუნიციპალიტეტის სოფელ გუგუტიანთკარში უკვე რამდენიმე დღეა რუსი სამხედროები ე.წ. საზღვრების გავლებას განაგრძობენ და ადგილობრივი მოსახლეობის ეზოებში ძელებს ამაგრებენ. ადგილზე უცხოელი დიპლომატები და შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი იმყოფებიან.