„ადევნება, ეს არის თანხლება, რომ ამერიკულმა ხომალდმა, როგორც რუსები ამტკიცებენ, არ გადაამეტოს თავის უფლებამოსილებას და რუსეთის წყლებში არ გადაუხვიოს. ეს ასევე ითვალისწინებს გარკვეული ზომების მიღებასაც," - ასე აფასებს „რეზონანსთან" საუბრისას ანალიტიკისი სამხედრო საკითხებში ვახტანგ მაისაია შავი ზღვის აკვატორიაში რუსეთის კიდევ ერთ მანევრს, სადაც ამჯერად, სამიზნეს ამერიკული ხომალდი „როსი" წარმოადგენს.

„რუსეთს ყველაფერზე, რაც მისი საზღვრების სიახლოვეს ხდება, ავადმყოფური რეაქცია აქვს; ის ამის წინააღმდეგ წავა და ასევე, საპასუხო მცდელობებიც ექნება. რაც იმაში გამოიხატება, რომ იგი გააძლიერებს ოკუპირებული ყირიმის ნახევარკუნძულის კიდევ უფრო მილიტარიზაციას და ოკუპირებული აფხაზეთის სანაპიროზე დამატებითი სამხედრო ინფრასტრუქტურის შექმნას მოახდენს" - ასე აფასებს „არსენალის" მთავარი რედაქტორი ირაკლი ალადაშვილი „რეზონანსთან" საუბრისას ბათუმის პორტში ამერიკული ხომალდის „დონალდ კუკის" შემოსვლას.

აჭარა, გურია, სამეგრელო და იმერეთი - ამ რეგიონების ბავშვების სისხლში ტყვიის შემცველობა დასაშვებ ნორმაზე მაღალი აღმოჩნდა. მასშტაბური კვლევა გაერო-ს ბავშვთა ფონდმა იუნისეფ-მა ჩაატარა და დადგინდა, რომ გამოკვლეული ბავშვების 41%-ში ტყვიის შემცველობა დასაშვებზე მაღალია. ყველაზე ცუდი მდგომარეობა აჭარაშია, სადაც ბავშვების 85%-ს სისხლში მომატებული აქვს ტყვიის შემცველობა.

მოარული ხმები იმის თაობაზე, რომ „ქართულ ოცნებაში“ დაპირისპირება პარლამენტიდან მთავრობაში გადაინაცვლებს, უფრო და უფრო აქტიურდება. მედიაში გავრცელებლი ინფორმაციით, პარტიაში  დაბრუნებული ირაკლი ღარიბაშვილი, რომელიც პოზიციებს იმყარებს და შეიძლება ივანიშვილმა უახლოეს დღეებში პერმიერობაც კი შესთავაზოს, დიდად არ სწყალობს რამდენიმე მინისტრს და ქალაქის მერს. ექსპერტ გია ხუხაშვილის თქმით კი, ხელისუფლებაში ძალის ცენტრების გადანაწილება იმდენად შეიცვალა, რომ ძალაუფლებისათვის ბრძოლა კულისებში უკვე მიმდინარეობს.

საქართველოს პრეზიდენტის ყოფილი მრჩეველი ეროვნული უმცირესობების საკითხებში, ვან ბაიბურთი გადაჭრით უარყოფს რუსული მედიით გავრცელებულ ცნობას, რომ მოსკოვში ადგილობრივი სომხები ანტიქართულ აქციას მართავენ. უფრო კონკრეტულად კი, აქცია სომხეთის მიერ ისტორიის განმავლობაში ტერიტორიების დაკარგვას ეძღვნება და მისი მსვლელობისას გაკეთდება იმ ტერიტორიების „ცოცხალი“ რუკა, რომლებიც, ორგანიზატორთა აზრით, სომხეთის ისტორიული საკუთრებაა, თუმცა დღეს სხვა ქვეყნების შემადგენლობაში შედის და ერთ-ერთი ასეთი ტერიტორია ჯავახეთია.

„ეს არის პრიმიტიული კლონების გამოჩენა, თუმცა არ არის ეფექტიანი, როდესაც მჭიდროდ დასახლებულ ოლქებზე გვაქვს საუბარი და ყველა ერთმანეთს იცნობს. იმის გარჩევა, თუ ვინ არის იქ ნამდილი კანდიდატი, ადგილობრივ მოსახლეობას არ გაუჭირდება," - ასე აფასებს „რეზონანსთან" საუბრისას სოციოლოგი ვალერიან გორგილაძე ხულოში იდენტური სახელის და გვარის მერობის ორი კანდიდატის გამოჩენას.

„სააკაშვილის ნებისმიერი განცხადება ნებისმიერ თემაზე არასერიოზულია და ვერანაირ კომენტარს ვერ გავაკეთებ.  ამჟამინდელ ხელისუფლებასთან არანაირი შემხებლობა არ მაქვს და არც ბიძინა ივანიშვილთან მაქვს კონტაქტი. ამ თემაზე ძალიან ბევრი მისაუბრია და ახლაც ვაცხადებ, რომ ეს იყო მკვლელობა და არა უბედური შემთხვევა და ამის დასაბუთება ძალიან მარტივია.  ამიტომ მე ველოდები ხელისუფლებისგან ფაქტის დადგენას და დამნაშავეების დასჯას“, - ასე ეხმაურება საქართველოს ყოფილი პრემიერ-მინისტრის ზურაბ ჟვანიას ძმა გოგლა ჟვანია სააკაშვილის განცხადებას, რომელიც ამბობს, რომ ივანიშვილი ზურაბ ჟვანიას გარდაცვალების თემის გააქტიურებას აპირებს.

პორტუგალიაში ლეგალურად დასაქმებას საქართველოს ნებისმიერი მოქალაქე ვერ შეძლებს. ამ თემაზე ჯერჯერობით მხოლოდ პოლიტიკური შეთანხმებაა მიღწეული და კონკრეტული დეტალები - თუ რამდენ ადამიანს შეეხება ან რა სპეციალობებზე იქნება გაცემული პორტუგალიაში ოფიციალურად მუშაობის ნებართვა, ამაზე ჯერ კიდევ სამუშაოა შესაბამის მხარეებთან. ამის შესახებ „რეზონანსთან" საუბრისას პარლამენტის ევროინტეგრაციის კომიტეტის თავმჯდომარე თამარ ხულორდავამ განაცხადა.

„საპრეზიდენტო არჩევნებიდან მოყოლებული „ოცნების" მიერ წამოწეული ყველა თემა „ოცნების" საწინააღმდეგოდ მუშაობს. ამიტომაა, რომ მათი რეიტინგი სულ უფრო ეცემა, ამას თვითონ უწყობენ ხელს და რატომ აკეთებენ ამას, ან რისი იმედი აქვთ, არ მესმის", - აცხადებს ანალიტიკოსი ვახტანგ ძაბირაძე.

ლიბანელ შიიტთა დაჯგუფება „ჰეზბოლა" აქტიურობას აზერბაიჯანში იწყებს, ამის შესახებ ამერიკის სახელმწიფო დეპარტამენტი იტყობინება. რა საფრთხის შემცველია საქართველოსთვის აშშ-ს მიერ ტერორისტულ დაჯგუფებად აღიარებული ორგანიზაციის გააქტიურება მეზობელ ქვეყანაში - ამ საკითხებთან დაკავშირებით „რეზონანსი" უსაფრთხოების საკითხებში ექსპერტს ვახტანგ მაისაიას ესაუბრა.

მაისიდან ახლო აღმოსავლეთში ვითარება შეიძლება უკიდურესად გამწვავდეს და აშშ-ირანის შეიარაღებული დაპირისპირება დაიწყოს, რომელშიც საქართველოც აღმოჩნდება ჩათრეული, - ასეთ პროგნოზს აკეთებს „რეზონანსთან" აშშ-ის ახალ ანტიირანულ სანქციებსა და ირანის საპასუხო ნაბიჯებზე საუბრისას ანალიტიკოსი ვახტანგ მაისაია.

მიუხედავად პარლამენტის თავმჯდომარის ირაკლი კობახიძის განცხადებისა, რომ საქართველოს პრეზიდენტი ვალდებულია იუსტიციის საბჭოდან არამოსამართლე წევრი ანა დოლიძე გაიწვიოს, სალომე ზურაბიშვილი ამის გაკეთებას არ აპირებს. „ამასთან დაკავშირებით დღეს უკვე გავაკეთე კომენტარი - დღეს ეს საკითხი არ განიხილება," - განუცხადა „რეზონანსს" პრეზიდენტის პრესსპიკერმა ხატია მოისწრაფიშვილმა.