"2018 წლის საპრეზიდენტო არჩევნებზე აქტიურად მივლენ მხოლოდ სააკაშვილის მხარდამჭერები და "ოცნების" მიერ ადმინისტრაციული და ფულადი რესურსით მიყვანილი ადამიანები, ვინც ხმას მისცემს "ოცნების" მიერ მხარდაჭერილ კანდიდატს" - ასეთ პროგნოზს გამოთქვამს პოლიტოლოგი პეტრე მამრაძე, რომელსაც "მთელი კვირა" წინასაარჩევნო გარემოსა და არჩევნებში მონაწილე კანდიდატებზე ესაუბრა.

ტელეკომპანია „იბერიის" ჟურნალისტი არჩილ გამზარდია აცხადებს, რომ მალე გახდება ცნობილი იმ კონკრეტული ადამიანების ვინაობა, რომლებიც დამფუძნებლებისგან პირდაპირ ტელეკომპანიის წართმევას ცდილობენ.

მართლმადიდებლურ სამყაროში დიდი დაპირისპირებაა. რუსეთის ეკლესია მსოფლიო პატრიარქს ბართლომეოსს ემუქრება. ამის მიზეზი კი ამ უკანასკნელის მიერ უკრაინაში თავისი წარმომადგენლების დანიშვნა გახდა. ამ გადაწყვეტილებას მოსკოვის საპატრიარქო მის "კანონიკურ ტერიტორიაზე უხეშ შეჭრად" აფასებს. ამის შესახებ რუსეთის მართლმადიდებელი ეკლესიის საზოგადოებასთან და მასობრივი ინფორმაციის საშუალებათა ურთიერთობის სინოდალური განყოფილების თავმჯდომარემ ვლადიმერ ლეგოიდამ განაცხადა.

თვითგამოცხადებული დონეცკის სახალხო რესპუბლიკის ლიდერის, ალექსანდრ ზახარჩენკოს დაღუპვის შემდეგ, ზუსტად ერთ კვირაში სეპარატისტულ რესპუბლიკაში ახალი გადაადგილებები დაიწყო.

ზახარჩენკოს აფეთქების შემდეგ, 2018 წლის 31 აგვისტოს, დონეცკის არაღიარებული სახალხო რესპუბლიკის მინისტრთა საბჭოს თავმჯდომარის ყოფილი მოადგილე და დე ფაქტო რესპუბლიკის ლიდერის ადმინისტრაციის ხელმძღვანელის ყოფილი პირველი მოადგილე დიმიტრი ტრაპეზნიკოვი დონეცკის სახალხო რესპუბლიკის მმართველის მოვალეობის შემსრულებლად დასახელდა.

საქართველოში დაკავებული 35 წლის რუსი ჰაკერი ანდრეი ტიურინი, რომელსაც ბრალად ედება ათეულობით ამერიკული ფინანსურ ორგანიზაციაზე, მათ შორის ამერიკის უდიდეს ბანკ "მორგან ჩეიზზე", ორგანიზებული კიბერშეტევა, საქართველოდან ნიუ-იორკში 7 სექტემბერს იქნა ექსტრადირებული.

ბრიტანელი დეტექტივები, რომლებიც "აეროფლოტის" გენერალური დირექტორის ყოფილი მოადგილის ნიკოლაი გლუშკოვის მკვლელობას იძიებენ, თვლიან, რომ 2018 წლის 12 მარტს ლონდონში მის დახრჩობამდე, 2013 წელს რუსებმა მისი მოწამვლა სცადეს. ამის შესახებ ინფორმაციას "გარდიანი" ავრცელებს.

საქართველოს პრეზიდენტი გიორგი მარგველაშვილი ტელეკომპანია "იბერიას" წარმომადგენლებს შეხვდება. შესაბამისი განცხადება პრეზიდენტის ადმინისტრაციაში გაკეთა.

პოლიცია მთელი ღამის განმავლობაში კითხავდა ბიჭს, რომელმაც არსებული ინფორმაციით, 15 წლის და თეონა ტაკიძე, შემთხვევითი გასროლის შედეგად მოკლა. ბიჭიც არასრულწლოვანია, ამიტომ პოლიციას ის არ დაუკავებია.

"ოცნება" ამაზე უკეთეს ვარიანტს ვერ მოიფიქრებდა, საპრეზდენტო კანდიდატისადმი საზოგადოებაში ინტერესი გააჩინოს და ყოველდღიურად ყურადღება ამაზე გადაიტანოს. მედიაც დაინტერესებულია, ეყოლება თუ არა მმართველ გუნდს თავისი კანდიდატი. "ოცნება" პოლიტიკურ პიარს აკეთებს," - ასე აფასებს პოლიტოლოგი ვახტანგ ძაბირაძე მმართველი პარტიის მანევრს საპრეზიდენტო კანდიდატთან დაკავშირებით.

ტყიბულში, მინდელის შახტში არსებულ შრომის პირობებს გერმანული კომპანია DMT Group შეისწავლის და ექსპერტიზას ჩაატარებს, - გადაწყვეტილება აღნიშნული კომპანიის შესახებ სამმხრივი კომისიის დღევანდელ სხდომაზე მიიღეს.

თვითგამოცხადებულ დონეცკის სახალხო რესპუბლიკაში 31 აგვისტოს მოწყობილი ტერაქტის მიზანი მხოლოდ მისი ლიდერის, ალექსანდრე ზახარჩენკოს ლიკვიდაცია არ იყო. დონეცკელი სეპარატისტების სახელმწიფო უსაფრთხოების ექსმინისტრმა ანდრეი პინჩუკმა "მოსკოვსკი კომსომოლეცთან" თქვა, რომ უკრაინული სპეცსამსახურები ზახარჩენკოსთან ერთად აფხაზეთის ან სამხრეთ ოსეთის სეპარატისტული რესპუბლიკების ლიდერების ლიკვიდაციასაც გეგმავდნენ.

საქართველოს 28 მოქალაქე, რომლებსაც თურქეთში სეზონური სამუშაოების შემდეგ კუთვნილი ანაზღაურება არ მისცეს, დღეს სარფის გამშვებ პუნქტის გავლით საქართველოში დაბრუნდა. მათ სამშობლოში დასაბრუნებლად თურქეთის შესაბამისმა მუნიციპალიტეტმა, საკონსულოს დახმარებით, ავტობუსი გამოუყო, სარფში კი საკვებით გაუმასპინძლდნენ.