მიხეილ სააკაშვილს ღიად პრო-აზერბაიჯანული განცხადების შემდეგ ერევნის უნივერსიტეტმა საპატიო დოქტორის წოდება ჩამოართვა. მაშინ, როცა საქართველო ჩვენი ორი მეზობლისა და მეგობარი ერის კონფლიქტში მაქსიმალურად ცდილობს ნეიტრალობის გამოჩენას, რამდენად სახიფათოა ექსპრეზიდენტის ასეთი მკვეთრი განცხადებები, ამის შესახებ ექსპერტებს შევეკითხეთ, რომელტა მოსაზრებები გაიყო.

ექსპერტი ვახტანგ მაისაია ამბობს, რომ პრემიერ გახარიას განცხადება ბრძოლაში ჩართულ სომხეთსა და აზერბაიჯანს შორის სამშვიდობო მოლაპარაკებებზე შემთხვევითი არ ყოფილა და ეფუძნებოდა მეცნიერების მიერ შედგენილ სპეციალური დოკუმენტს, რომელსაც რამდენიმე თანაავტორი ჰყავს, მათ შორის თავადაცაა. მეტიც, დარწმუნებულია, რომ სხვადასხვა ვარიანტიდან მხარეები ასეთი მოლაპარაკებებისთვის ადგილად სწორედაც რომ თბილისს შეარჩევენ, რადგან ყველა სხვა მხარე შეიძლება ან ერთმა ან მეორე ქვეყანამ მიკერძოებულობაში დაადანაშაულოს.

„ოცნებაში" არ ადასტურებენ გავრცელებულ ცნობებს იმის შესახებ, რომ მმართველ პარტიას ინფექციური საავადმყოფოს დირექტორი თენგიზ ცერცვაძე საარჩევნო სიაში შეჰყავს. ამას წინ უძღვოდა ცნობები ცერცვაძის გადადგომაზე. თუმცა ოფიციალურად არც ამ ინფორმაციას ადასტურებენ. მიუხედავად ამისა, ბევრი ფიქრობს, რომ ერთი მხრივ ცერცვაძის პოპულარულობა და მეორე მხრივ მის მიერ მმართველი გუნდის გაცხადებული მხარდაჭერა საკმარისი წინაპირობაა, რათა ის საარჩევნო სიაში ვიხილოთ. თუმცა არიან ისეთებიც, რომლებიც ცერცვაძის სავარაუდო გადადგომას ჯანდაცვის სამინისტროსთან მის კონფლიქტს უკავშირებენ.

„მთავრობამ ყარაბაღში სომეხი და აზერბაიჯანელი მოქალაქეების მოხალისედ წასვლა მაქსიმალურად უნდა შეზღუდოს, თუმცა ჭიდაობა და ომი არ არის საჭირო", - აცხადებს „რეზონანსთან" საუბრისას ექსპერტი კავკასიის საკითხებში მამუკა არეშიძე. მისი თქმით, არც ერთი ქვეყნის ინტერესები არ უნდა შეილახოს, თუმცა მთავარი საქართველოს ინტერესებია.

საქართველოში კორონავირუსის რეკორდული მაჩვენებელი დაფიქსირდა, ამასთან ყოველდღიურად იზრდება გარდაცვლილთა რიცხვი. მეტიც, უკვე თავად დაავადებათა კონტროლის ცენტრიც კი ამ საგანგაშო ნიშნულზე საკმაოდ შემაშფოთებელ განცხადებას აკეთებს.

თუ სომხეთი აღიარებს მთიანი ყარაბაღის დამოუკიდებლობას, საბრძოლო მოქმედებები ფართომასშტაბიან ომში გადაიზრდება - „საქართველომ უნდა შეინარჩუნოს ნეიტრალიტეტი, ამაში ორი აზრი არ არსებობს, თუმცა, არსებობს საფრთხე, რომ ომი საქართველოს შეეხება.

გიორგი გახარია პირველად პრემიერ-მინისტრის რანგში, ორდღიანი ვიზიტის ფარგლებში ბრიუსელს ესტუმრა - შეხვედრები სტრატეგიული პარტნიორებისგან პერსპექტიული გზავნილების ფონზე მიმდინარეობდა, რა ინიციატივა გააჟღერა შეხვედრებისას თავად გახარიამ და იქონიებს თუ არა ნატოში საქართველოს ინტეგრაციის პერსპექტივაზე გავლენას აღნიშნული შეხვედრები, ამ საკითხთან დაკავშირებით „რეზონანსთან" ანალიტიკოსებმა ისაუბრეს.

„მმართველი პოლიტიკური ძალისთვის ნებისმიერი ძალადობა მიუღებელია. ჩვენ ყველა რეიტინგით, ყველა კვლევით მთელ ოპოზიციაზე მეტი მხარდაჭერა გავქვს", - ასე გამოეხმაურა „რეზონანსთან" თავდაცვისა და უშიშროების კომიტეტის თავმჯდომარე ირაკლი სესიაშვილი ბოლო პერიოდში არსებულ დაპირისპირებას, მათ შორის 29 სექტემბერს მარნეულში მომხდარ კონფლიქტს, რომლის დროსაც „მთავარი არხის" ჟურნალისტსა და „პირველი არხის" ოპერატორს ფიზიკური შეურაცხყოფა მიაყენეს.

ყოველდღიურად კორონავირუსით ინფიცირებულთა რიცხვი ანტირეკორდებს ხსნის, ყოველ მომდევნო გარდაცვლილს შორის ინტერვალი კი რეამდენიმე საათია - ვხედავთ, რომ საერთო შეზღუდვების გარეშე, მხოლოდ სპეციალისტების რეკომენდაციებმა ქვეყანაში პანდემიური თვალსაზრისით არაფერი შეცვალა, რა არის ის რაოდენობრივი ზღვარი „წითელი ხაზი" რის შემდეგაც გარდაუვალი გახდება შეზღუდვების დაწესება?

სომხეთსა და აზერბაიჯანს შორის დაწყებული შეიარაღებული კონფლიქტის მასშტაბები დღითიდღე იზრდება და უკვე ჩნდება ცნობები და დაპირისპირებაში სხვა ქვეყნების შესაძლო ჩართულობაზე. თურქეთის ხელისუფლება აცხადებს, რომ მზადაა ომში ჩაერთოს. სომხეთის ხელისუფლება კი ბრძოლებში თურქული ავიაციის მონაწილეობას უკვე ოფიციალურად ადასტურებს. ქართველი ექსპერტების შეფასებით, თუ მოვლენები ამ სცენარით განვითარდა, ჩვენ მივიღებთ ფართომასშტაბიან საერთაშორისო კონფლიქტს, რაც დამანგრეველი იქნება რეგიონისთვის და მათ შორის საქართველოსთვის.

საქართველოს მოსახლეობის დაახლოებით 10%-ს სომხები და აზერბაიჯანელები შეადგენენ. აქედან გამომდინარე, სომხეთ-აზერბაიჯანის სამხედრო კონფლიქტი, ბუნებრივია აისახება საქართველოზე. ხოლო თუკი ეს კონფლიქტი დროში გაიწელა და მისი არეალი მნიშნელოვნად გაფართოვდა, ეს უკვე 31 ოქტომბერს დაგეგმილ საპარლამენტო არჩევნებზეც მოახდენს გავლენას - ამის შესახებ „რეზონანსთან" ქართველი ანალიტიკოსების საუბრობენ ყარაბაღში მიმდინარე მოვლენების კომენტირებისას.

„ბატონ რეზოს თავისი აზრი გაუჩნდა და თქვა. რა თქმა უნდა, არ ვეთქნხმები. რომ ვეთანხმებოდე, ამ კომენტარს ხომ მეც გავაკეთებდი", - ასე აფასებს „რეზაონანსთან" საუბრისას საპარლამენტო უმრავლესობის წევრიი ნუკრი ქანთარია მისი თანაგუნდელისა და კოლეგის რევაზ არველაძის განცხადებას ქვეყანაში კოვიდინფიცირებულთა მატების გამო კომენდანტი საათის შემოღების შესახებ.