კორონავირუსმა არსებული ეკონომიკური მოდელები მთლიანად გადააწყო. ის, არც აქამდე მსოფლიო ეკონომიკის მამებს პრიორიტეტებად მიაჩნდათ და ამაში ლამის მთელი პლანეტის დარწმუნება შეძლეს, თანდათან მიმზიდველობას კარგავს. გლობალურ ეკონომიკასთან ერთად შეიცვალა სარეიტინგო კომპანიების მიერ შემოთავაზებული რეიტინგები. მათი შეფასებები  მიმდინარე პროცესებს ჩამორჩა და ნდონაც დაკარგა.  ტენდენცია იქითკენ მიდის, რომ მთელი დოვლათი ერთბაშად უფასურდება, ნავთობის ფასი განულებისკენაა, ფასიანი  ქაღალდების ღირებულება დღით დღე ეცემა.

ორშაბათიდან საქართველოში, ეკონომიკის დიდი ნაწილი იხსნება. აღდგება სამუშაოებიც, თუმცა ხელისუფლება ჯერ კიდევა არაფერს ამბობს, როგორ უნდა შეძლონ დასაქმებულებმა სამსახურამდე მისვლა. საზოგადოებრივი ტრანსპორტის აღდგენის თარიღი კვლავ უცნობია. ,,რეზონანსთან“ საუბრისას სპეციალისტები ამბობენ, რომ 11 მაისიდან, მთავრობა ამის აუცილებლობას უშუალოდ ხალხისგან დაინახავს.

საქართველო ეკონომკური შეზღუდვების მოხსნის მოლოდინშია. გაჩერებული ეკონომიკით მიღებულ ზარალის გარდა, ბიზნესი გაუფასურებული ლარის შედეგებსაც ითვლის. ქვეყანაში ყველაზე დიდი ბიზესის მფლობელები და ბიზნეს ასოციაციის ხელმძღვანელი ამბობენ, რომ დევალვაციის ახალი ტალღა ბიზნესს კლავს. ისინი ითხოვენ მთავრობამ დროულად გამოასწოროს სავალუტო ბაზარზე შექმნილი სიტუაცია.

11 მაისიდან, საქართველოს დაპაუზებული ეკონომიკა ამოქმედებას დაიწყებს. შეზღუდვები, ფაქტობრივად, ყველა სექტორში მოიხსნება, გარდა ტანსაცმლისა და ფეხსაცმლის მაღაზიებისა. 6-პუნქტიანი შემსუბუქების გეგმა, როგორც ჩანს, ქვეყანამ დაჩქარებული ტემპით გაიარა. ახლა დღის წესრიგში ბიზნესის მდგომარეობა დგას, რომელიც იმდენად განადგურებულია, რომ ყველა სექტორი, ხელისუფლებისაგან შეღავათებს ითხოვს.

უძრავი ქონების ბიზნესი რთულ მდგომარეობაშია. კორონავირუსმა დიდი დარტყმა სამშენებლო სფეროსაც მიაყენა. საქართველოში ამოქმედებული საგანგებო რეჟიმის შემდეგ ბინების გაყიდვებმა 37.6%-ით იკლო. მიუხედავად იმისა, რომ სამშენებლო კომპანიები მშენებლობას აგრძელებენ, უძრავი ქონების ბაზარი მაინც კრიზისულ ვითარებაშია, რადგან ყიდვა-გაყიდვაზე მოთხოვნა აღარ არსებობს.

საქართველოს 2020 წლის ბიუჯეტი მთლიანად შეიცვლება და ვალებით გაიბერება. მალე მთავრობა პარლამენტში ცვლილებას წარადგენს და ბიუჯეტის ხარჯვითი ნაწილი 16.2 მილიარდ ლარამდე გაიზრდება, რაც  ამჟამინდელზე 1.8 მილიარდი ლარით მეტია, ხოლო შემოსავლების ნაწილში მნიშვნელოვანი კლება იქნება და წელს სახელმწიფო 12.14 მლრდ ლარაზე მეტს ვერ მიიღებს. სპეციალისტები მიიჩნევენ, რომ დანაკლისის დაბალანსება უცხოეთიდან მიღებული ვალით მოხდება, თუმცა როგორ შეძლებს ქვეყანა ამ ვალის გადახდას, ამაზე ფიქრისათვის ჯერ დრო არავის აქვს.

საქართველოში მომსახურების გაძვირება გარდაუვალია. ქვეყანაში შექმნილი კრიზისული ვითარების გამო, ეს გასაკვირი არც უნდა იყოს. როდესაც ყველაფერი გაიხსნება, ფასები აიწევს. სილამაზის სალონებმა და სტომატოლოგიურმა კლინიკებმა თავიანთი მომსახურების გაძვირება უკვე დააანონსეს და, დიდი ალბათობით, მათ სხვებიც მიჰყვებიან.

კორონავირუსმა მსოფლიო და, მათ შორის, ავიაბაზარიც შეცვალა. სავარაუდოდ, იაფი ფრენა წარსულს ჩაბარდა და ახალ რეალობაში ავიაინდუსტრია ისეთი ვეღარასოდეს იქნება, როგორიც აქამდე იყო. ბილეთის ფასს, ყველაზე მეტად, ფიზიკური დისტანცირების აუცილებლობა გააძვირებს, რის გამოც თვითმფრინავის ბორტზე ყველა ადგილის შევსება ვეღარ მოხდება.

საქართველოში საგანგებო მდგომარეობა თვე-ნახევარია, მოქმედებს. მის ამოწურვამდე 16 დღე რჩება. ქვეყანაში დაწესებული შეზღუდვები თანდათან იხსნება, თუმცა მმართველ პარტიაში ზუსტი პასუხი არ აქვთ, 22 მაისის შემდეგ ქვეყანაში ისევ იმოქმედებს თუ არა არსებული რეჟიმი. ამასობაში, ეკონომიკა ზარალს ზარალზე ითვლის და შეზღუდვების გახანგრძლივებით მას კიდევ ერთი დიდი დარტყმა მიადგება.

ინფლაციის მოთოკვის ყველა შესაძლებლობა, ჯერჯერობით, უშედეგოა. აპრილში ფასების ზრდის მაჩვენებელმა 6.9% შეადგინა. ფასები განსაკუთრებით გაზრდილი სურსათსა და პირველადი დანიშნულების საგნებზეა. მიუხედავად იმისა, რომ მთავრობა 9 პროდუქტზე ფასებს ასუბსიდირებს, ეს გაძვირებას ვერ აჩერებს. მომავალი კიდევ უფრო სავალალოა. სადისტრიბუციო კომპანიების წარმომადგენლები პირდაპირ ამბობენ, რომ უარესის მოლოდინი აქვთ.

საქართველოს ჰესებში ჭარბი გამომუშავებაა, რის გამო შესაძლოა, წყლის დაღვრა გახდეს საჭირო. ენერგეტიკული სექტორი ადრეც იყო, როცა წყალსიუხვის გამო მოთხოვნა-მიწოდების მხრივ პრობლემა შეიქმნა და ჰესებს სხვა გამოსავალი არ დარჩათ. დღეს ქვეყანას ელექტროენერგიის გაყიდვის შანსიც არ აქვს, რადგან ეპიდემიამ მეზობელ ქვეყნებსაც პრობლემა შეუქმნა, ყველგან შემცირდა მოხმარება და ელექტროენერგიის ექსპორტი, პრაქტიკულად, შეუძლებელი გახდა.