„რუსეთს ჰქონდა, აქვს და, ჩვენდა სამწუხაროდ, კვლავაც ექნება მათზე ის არაოფიციალური გავლენა, რასაც ნიშნავს რუსეთის მხრიდან შეფარვითი მუქარა", - ასე აფასებს საქართველოს ნატო-ში გაწევრიანების შესაძლებლობებს სამხედრო-ანალიტიკური ჟურნალ „არსენალის" მთავარი რედაქტორი ირაკლი ალადაშვილი „რეზონანსთან" საუბრისას.

ოპოზიციურ პარტიებში პრემიერ-მინისტრობის კანდიდატსა და ჩრდილოვან კაბინეტზე მოლაპარაკებები ჯერ კიდევ მიმდინარეობს. „ახალმა საქართველომ" გიორგი ვაშაძის კანდიდატურა საარჩევნო კამპანიის დაწყებისთანავე გააჟღერა, თუმცა „ნაციონალური მოძრაობა", „ევროპული საქართველო", „ლელო" და სხვა პარტიები სექტემბრამდე კანდიდატების დასახელებისგან თავს იკავებენ.

იანვარ-ივლისში დიზელის საწვავის იმპორტი, წინა წლის ანალოგიურ პერიოდთან შედარებით, გაიზარდა. ნავთობპროდუქტების იმპორტიორთა კავშირის ცნობით, ეკონომიკის გახსნამ, ინფრასტრუქტურული და სასოფლო-სამეურნეო სამუშაოების გააქტიურებამ ნავთობპროდუქტების იმპორტი საგრძნობლად წაახალისა. 

"თამარ მეფის ციხიდან ექვსი ვერსის დაშორებით აღმართულია ერთი მთა, რომლის შესახებ გადმოცემა არსებობს, ამ მთას ელიას მთა ჰქვია - ძირს მლაშე ტბა ევლება. შუა მთაში გამოჭრილია ფართო მღვიმეში აშენებული სამრეკლო.

ბელარუსში საპროტესტო ტალღა არ ნელდება, მოსახლეობა საპრეზიდენტო არჩევნების შედეგების გაყალბებას აპროტესტებს და ლუკაშენკოს გადადგომას მოითხოვს. მრავალათასიან აქციებს ესწრებიან ოპოზიციის ლიდერები, სამოქალაქო აქტივისტები, ბელარუსის თითქმის ყველა მსხვილი ქარხნის მუშები და მოსახლეობა, რომელიც ლუკაშენკოს მრავალწლიანი მმართველობით დაიღალა და ქვეყანაში დემოკრატიას მოითხოვს.

სპეციალისტები აღნიშნავენ,რომ დღეს საქართველოში ეპიდსიტუაცია სრულიად კონტროლირებადი და მართვადია, თუმცა რეგინალური თვალსაზრისით სამი საყურადღებო ლოკაცია გვაქვს - მესტია, ყაზბეგი და ქობულეთი, ინფექციონისტების აზრით, ამ ადგილებში ეპიდაფეთქებები რეკომენდაციების უგულებელყოფამ გამოიწვია და აუცილებელია, რომ ადამიანმა კორონავირუსთან დაკავშირებული ყველა წესის დაცვით იმოგზაუროს.

ეგეოსის ზღვაში საბერძნეთსა და თურქეთს შორის ვითარება კვლავ დაძაბულია. კონფლიქტი ჯერ კიდევ გასულ თვეში დაიწყო, მას შემდეგ, რაც თურქულმა გეოლოგიურმა გემებმა ნავთობისა და ბუნებრივი აირის სავარაუდო მარაგების შესასწავლად სადავო ტერიტორიის კვლევა დაიწყეს.

„2008 წლის აგვისტოში რა მოხდა, ხალხს უკვე აღარ ადარდებს, უკვე სხვა პრობლემები აქვთ და კონფლიქტის თემამ მეშვიდე-მერვე ადგილზე გადაინაცვლა. ამ ფონზე ევროსაბჭოს რეზოლუცია ძალიან ბევრ ამომრჩეველს სასაცილოდაც კი არ ეყოფა, რომელსაც სხვა ამოცანები აქვს გადასაწყვეტი, როგორიცაა სიღარიბის დაძლება და ა.შ."- ასე შეაფასა „რეზონანსთან" საუბრისას კონფლიქტოლოგმა პაატა ზაქარეიშვილმა, „ევროპული საქართველოს" ერთ-ერთი ლიდერის დავით ბაქრაძის აღიარებაზე 2008 წელს საქართველო-რუსეთის ომთან დაკავშირებით ევროსაბჭოს რეზოლუციის შესახებ.

ეროვნული უსაფრთხოების საკითხებში აშშ-ის პრეზიდენტის ყოფილმა მრჩეველმა, ჯონ ბოლტონმა განაცხადა, რომ ნოემბრის საპრეზიდენტო არჩევნებამდე დონალდ ტრამპმა შესაძლოა ნატოდან აშშ-ის გასვლის შესახებ გააკეთოს განცხადება. თბილისში მიიჩნევენ, რომ ეს ნაკლებად მოსალოდნელია, თუმცა, თუ ტრამპმა ეს ნაბიჯი მაინც გადადგა, საქართველოს თავის სტრატეგიულ პარტნიორებთან ორმხრივ ურთიერთობებზე უფრო მეტად მოუწევს ორიენტირება.

იმ შემთხვევაში თუ 2020 წლის საპარლამენტო არჩევნების შემდეგ კოალიციური მთავრობის ფორმირების აუცილებლობა შეიქმნება, მმართველი გუნდი არ გამორიცხავს „ევროპულ საქართველოსთან" თანამშრომლობის საკითხს.

„ამ პერიოდში ზუსტად ხდება იმის განსაზღვრა ადამიანი ნამდვილად ინფიცირებულია თუ არა. აღმოჩნდა, რომ ეს ინკუბაციური პერიოდი ძირითადად 10-12 დღემდეა და არა 14 დღემდე", - ასე ხსნის „რეზონანსთან" საუბრისას ინფექციონიოსტი ირაკლი ხმალაძე სავალდებულო კარანტინისა და იზოლაციის ვადის 2 დღით შემცირებას.

გიორგი შაქარაშვილის განზრახ მკლველობის საქმე, ბოლო პერიოდის ერთ-ერთ ყველაზე გახმაურებული და განხილვადი თემაა, რომელშიც აქტიურადაა ჩართული როგორც მედია, ისე საზოგადოება. 12 აგვსიტოს საქართველოს პროკურატურამ მკვლელობაში ბრალდებული 5 პირის ადვოკატი დაავალდებულა ხელი მოეწერა გაუთქმელობის შეთანხმებაზე, რომელის თანახმადაც, დაცვის მხარეს არ აქვს უფლება გაავრცელოს და გაასაჯაროოს საქმის მასალები. სახალხო დამცველი მიიჩნევს, რომ ამით შესაძლოა დაირღვეს მხარეთა თანასწორობის პირინციპი. იურისტთა მოსაზრებები კი ამ თემასთან დაკავშირებით ორად გაიყო. იურისტი და უფლებადამცველი ლია მუხაშავრია „რეზონანსთან" საუბრისას ამბობს, რომ ადგილი აქვს თანასწორობის პირონციპის აშკარა დარღვევას, ხოლო ყოფილი გენერალური პროკურორი გია მეფარიშვილი ამ საქმეში ვერც შეჯიბრებითობის და ვერც თანასწორობის პრინციპის დარღვევას ვერ ხედავს.