„საკარანტინე რეჟიმის წესები ყველაზე თანაბრად უნდა გავრცელდეს, იქნება ის უცხო ქვეყნის, თუ საქართველოს მოქალაქე, რომელიც ქვეყანაში შემოდის. ლამის ყოველდღე იკრიბება საკორდინაციო საბჭო და ვფიქრობ, რომ ამ საკითხზე აუცლებლად უნდა იმსჯელონ“, - ასე აფასებს „ოცნების“ დეპუტატი რევაზ არველაძე პანდემიის შედაგად დაწესებულ შეზღუდვებს.

აფხაზეთის დე ფაქტო პრემიერ-მინისტრს ალექსანდრ ანქვაბს ადგილობრივ ვეტერანთა გაერთიანება „არუაა" აქციებით ემუქრება. „არუაას" უკმაყოფილება გამოიწვია ანქვაბის გაცხადებამ, რომ იგი გალში მცხოვრებ ქართულ მოსალხეობას, რომლებიც აფხაზების წინააღმდეგ არ იბრძოდნენ, აფხაზეთის მოქალაქეებად მიიჩნევს. „არუაა" ცინიზმად მიიჩნევს იმ ფაქტს, რომ ანქვაბის განცხადება წინ უძღოდა „აფხაზეთის ხალხის სამამულო ომის დაწყებიდან 28-ე წლისთავს" და საპროტესტო აქციებს აანონსებს.

ოპოზიციის წარმომადგენლები საქართველოს ხელისუფლებისაგან ბელარუსის მოვლენებთან დაკავშირებით კონკრეტული განცხადების გაკეთებასა და დემოკრატიული პროცესების ღიად მხარდაჭერას ითხოვენ. თუმცა, ბელარუსის 2010 წლის საპრეზიდენტო არჩევნების დროს, როდესაც დასავლეთის ქვეყნებმა მკაცრად გააკრიტიკეს ეს არჩევნები, ხელისუფლების მიერ პოლიტიკური ოპონენტების დაკავება და ბელორუსს სანქციებიც კი დაუწესეს, საქართველოს მაშინდელმა ხელისუფლებამ ღიად დაუჭირა მხარი პრეზიდენტ ალექსანდრ ლუკაშენკოს.

რუსეთში გამოკითხულ მედიკოთა უმეტესობა ამბობს, რომ ისინი არ გააკეთებენ აცრებს კორონავირუსის საწინააღმდეგო იმ ვაქცინით, რომელიც რუსეთის გამალეის ცენტრში შექმნეს. ამ გამოკითხვაში 3000-ზე მეტი ექიმი მონაწილეობდა და მათი 52% ამბობს, რომ არ ენდობა ვაქცინას, 24.5% კი- თანახმაა მის გამოყენებაზე.

სკოლებსა და სხვა სასწავლებლებში სწავლა ზუსტად ერთ თვეში 15 სექტემბერს იწყება. განათლების სამინისტრომ კოვიდ-19-ის პრევენციის მიზნით სკოლებისთვის სპეციალური რეკომენდაციები შეიმუშავა, რომლის მიხედვითაც მოსწავლეები საკლასო ოთახებში უსაფრთხოდ სწავლას შეძლებენ. სკოლაში შესული ყოველი პირისთვის, გარდა მოსწავლეებისა, პირბადის ტარება სავალდებულო იქნება. ხოლო თუ მოსწავლეს სკოლაში მაღალი ტემპერატურა, ან სხვა რაიმე რესპირატორული სინდრომი დაუდასტურდება, დროებით იზოლირებულ ოთახში გადაიყვანენ.

სახალხო დამცველი ნინო ლომჯარია გენერალურ პროკურატურას მოუწეოდებს არ დააკმაყოფილოს რუსეთის ხელისუფლების მოთხოვნა და არ გადასცეს რუსეთს უკრაინის მოქალაქე ვადიმ ალტმანი. საპარლამენტო უმრავლესობის წევრი კობა კობალაძე „რეზონანსთან" საუბრისას აცხადებს, რომსაქმის მასალებს არ იცნობს და კომენტარს ვერ გააკეთებს, თუმცა მიიჩნევს, რომ „არავინ არ უნდა ისჯებოდეს თავის ქვეყნისა და სამშობლოს დაცვისთვის".

საქართველოში საარსებო შემწეობის მიმღებთა რიცხვი მკვეთრად გაიზარდა. სოციალური მომსახურების სააგენტოს მონაცემებით, 2020 წლის ივლისში შემწეობის მიმღებთა რაოდენობა, წინა წლის ანალოგიურ პერიოდთან შედარებით, 42 199 ადამიანით გაიზარდა. შედეგად, საქართველოს ყოველი მეშვიდე მოქალაქე აღნიშნულ შემწეობაზე დამოკიდებულია. აღსანიშნავია ისიც, რომ ყოველი არჩევნების მოახლოებასთან ერთად ეს რაოდენობა საგრძნობლად იზრდება.

საპარლამენტო არჩევნებამდე სამი თვით ადრე, რეიტინგების ომი დაიწყო. ორმა ორგანიზაციამ სოცილოგიური კვლევების შედეგები მიყოლებით გამოაქვეყნა, სადაც პოლიტიკურ პარტიებს მნიშვნელოვნად განსხვავებული რეიტინგები უფიქსიდებათ, ანალიტიკოსები მიიჩნევენ, რომ სამი თვე, რაც არჩევნებთან გვაშორებს, ძალიან დიდი დროა და დღეს კვლევის შედეგებით ტენდენცია უფრო იკვეთება, ვიდრე რეალური პროცენტული რეიტინგი.

„როცა ჩვენ ძალიან გვიჭირდა, ბელორუსმა, მიუხედავად დიდი ზეწოლისა, არ აღიარა აფხაზეთის და სამხერთ ოსეთის დამოუკიდებლობა და დღემდე ძალიან მტკიცე პოზიცია უკავია არაღიარების პოლიტიკასთან დაკავშირებით. ვფიქრობ, ჩვენც ფრთხილი პოზიცია უნდა დავიკავოთ“, - აცხადებს „ოცნების“ დეპუტატი გუგული მაღრაძე ბელორუსში მიმდინარე მოვლენებთან დაკავშირებით.

ბელარუსში საპროტესტო აქციები კვლავ გრძელდება. უკვე მეოთხე დღეა, რაც მოსახლეობა მასობრივად გამოდის ქუჩებში და არჩევნების შედეგებს აპროტესტებს. მასობრივი პროტესტი არჩევნების შედეგების გამოცხადებას მოჰყვა, რომლის მიხედვითაც მოქმედმა პრეზიდენტმა ალექსანდრე ლუკაშენკომ ხმების 80% მიიღო. დასავლეთი არჩევნების შედეგებს არ სცნობს და ხელახალ არჩევნებს ითხოვს.

მთავრობამ მნიშვნელოვანი ნაბიჯი გადადგა და ავტოიმპორტიორებისთვის დაწესებული შეღავათი 2021 წლის მარტამდე გაახანგრძლივა. 6-თვიანი მორატორიუმი ავტობიზნესს გაკოტრებისგან იხსნის, მაგრამ თავისებურ პრობლემებსაც წარმოქმნის.

„ოქროს კარად“ წოდებული, ალევის სამების ოქროსკარიანი ეკლესია, რომელიც ახალგარში, ალევის მთაზე მდებარეობს, პლატონ იოსელიანის ცნობით, დავით აღმაშენებლს აუგია ლომისის საყდართან ერთად. სხვა ისტორიული წაყროებით კი, „ოქროსკარიანი“ ეკლესია ბევრად უფრო ძველია და მე-8-9 საუკუნით თარიღდება. მთელს აღმოსავლეთ საქართველოში განთქმული და მდიდარი ეკლესიის „ოქროსკარიანი“ სამების მოსალოცად მოდიოდნენ ქსნის ხეობიდან, ბაზალეთიდან, არაგვისპირიდან და კახეთიდან.