„ლიდერებიდან ერთადერთი კაცი, ვინც ბოლომდე იდგა, ეს ირაკლი ბათიაშვილი იყო. დანარჩენებმა, ყველამ დატოვა ტერიტორია. იქ იდგა ხალხი, - ახალგაზრდა გოგოები და ბიჭები," - აცხადებს კინორეჟისორი გოგა ხაინდრავა „რეზონანსთან" საუბრისას ქაშვეთის ტაძრის დეკანოზ ელიზბარ ოდიშვილის ბრალდების საპასუხოდ, რომელმაც განაცხადა, რომ 9 აპრილს რუსთაველის გამზირზე ლიდერებმა ხალხი მიატოვეს და დატოვეს ტერიტორია.

"ხელისუფლებისთვის სასიცოცხლოდ მნიშვნელოვანია, რომ ზუგდიდში არჩევნები მოიგოს და ამისთვის ყველაფერს გააკეთებს" - აცხადებს პოლიტოლოგი იგორ კვესელავა, რომელსაც "რეზონანსი" 19 მაისს შუალედურ არჩევნებში ოპოზიციისა და ხელისუფლების გამარჯვების შანსებზე ესაუბრა.

უკრაინაში რუსული სარაკეტო სისტემა "ისკანდერისთვის" მახეებია დაგებული. უკრაინელმა სამხედროებმა გამოსცადეს კონტრბატარეის რადარი, რომელიც შორი მანძილიდან ჭურვების, ბომბებისა და რაკეტების გაშვების დანახვის საშუალებას იძლევა. ამის მეშვეობით უკრაინის შეიარაღებული ძალები რუსი არტილერისტების ადგილსამყოფელის გაგებას და მათ განადგურებას გეგმავენ.

პრეზიდენტის სახელით  9 აპრილთან დაკავშირებულმა  საზეიმო მიღებამ  დღის მთავარი გმირების გარეშე ჩაიარა.  უზენაესი საბჭოს  დეპუტატების ნაწილმა, რომლებმაც საქართველოს დამოუკიდებლობის აღდგენის აქტს ხელი მოაწერეს, ავლაბრის რეზიდენციაში დაგეგმილ მიღებაზე დასწრებაზე უარი განაცხადეს. პროტესტის მიზეზი, მათი თქმით, პრეზიდენტის განცხადებებია.  

პოლიტიკური ექსპერტი მამუკა არეშიძე კახი კალაძისა და ირაკლი ღარიბაშვილის შიდა დაპირისპირებას არ გამორიცხავს, რადგან ხელისუფლებაში დაბრუნებულ ღარიბაშვილს იგივე საკითხების მოგვარება დაევალა, რასაც აქამდე პარტიის გენერალური მდივანი კახი კალაძე ასრულებდა.

ეკონომიკური დანაშაულის დონით რუსეთი მსოფლიოს ხუთეულშია შესული. ამის შესახებ სააუდიტორო კომპანია Pricewaterhouse Coopers (PwC)-ის მიერ გამოქვეყნებული რეიტინგი იუწყება, რომელიც მსოფლიოს 54 ქვეყანაში ჩატარდა. უგანდასთან ერთად გაყოფილი მეოთხე ადგილი რუსეთმა ფულის ხშირი მიტაცების, მექრთამეობის, კორუფციისა და საქონლის, სამუშაოს ან მომსახურების შესყიდვისას თაღლითობის გამო დაიმსახურა.

„ჩემი პირადი აზრი სრულიად განსხვავებულია. ჩემი იდეა იყო, რომ ეს შენობა კულტურის ცენტრი ყოფილიყო. როგორც ჩანს, მთავრობას მიაჩნია, რომ მიღებები საჭირო საქმეა, მაგრამ მე მიმაჩნია, რომ უპირველესი საქმეა ეროვნული ღირსების საკითხი. ამიტომ ეს შენობა დაპროექტებული იყო, როგორც „საქართველო - რუსთაველის სახლი" ანუ ჩვენი რაობა, ჩვენი როლი მსოფლიო კულტურაში და მსოფლიო კულტურის როლი ჩვენში - ეს ყველაფერი უნდა ყოფილიყო აქ წარმოდგენილი, ეს იქნებოდა უმთავრესი ობიექტი მთელ ქართულ კულტურულ სივრცეში," - აცხადებს „ინტერპრესნიუსთან" საუბრისას ავლაბრის რეზიდენციის პროექტის ავტორი, არქიტექტორი გიგა ბათიაშვილი პრეზიდენტის ყოფილი სასახლის შენობის სახელმწიფო ცერემონიების სასახლედ გადაკეთებაზე.

საპენსიო სისტემის დატოვება 40 წელს გადაცილებულ მოქალაქეებს რამდენიმე დღეა, უკვე შეუძლიათ. საპენსიო სააგენტოს ინფორმაციით, პირველ რვა დღეში სისტემა 70-მა ადამიანმა დატოვა. მსგავსი გადაწყვეტილების სისრულეში მოყვანა საქართველოს მოქალაქეებს კიდევ ორი თვის განმავლობაში შეეძლებათ. სავარაუდოდ, ეს რიცხვი მკვეთრად გაიზრდება, რადგან, საზოგადოებრივი აზრის კვლევის მიხედვით, სისტემა 53%-ს არ მოსწონს.

კომპანია "ომეგას" ქონება აუქციონზე აღარ გაიყიდება, "ომეგამ" ხელისუფლებას საერთაშორისო საარბიტრაჟო სასამართლოში ბრძოლის პირველი რაუნდი მოუგო. სტოკჰოლმის არბიტრაჟმა საქართველოს ხელისუფლებას კომპანიის ქონების გაყიდვა აუკრძალა და პლუს, სასამართლო ხარჯების გადახდაც იუსტიციის სამინისტროს დააკისრა. პასუხად, სამინისტრო აცხადებს, რომ ამ გადაწყვეტილებას გაასაჩივრებს და ხარჯებსაც არ გადაიხდის.

საქართველოში რუსული ცხვარი შემოდის და ექსპორტზე როგორც ქართული, ისე გადის. ოფიციალური სტატისტიკით დასტურდება, რომ ცხვრის ექსპორტი ქვეყანაში არნახულად გაიზარდა, თუმცა ირკვევა, რომ ქვეყნიდან გასული ცხვრის ხორცის დიდი ნაწილი რეალურად არაქართული პროდუქტია. 2019 წლის იანვარ-თებერვალში საქართველომ უცხოეთიდან ცოცხალი ცხვრის შეძენაზე 1.5 მლნ აშშ დოლარი დახარჯა, ანუ ორჯერ უფრო მეტი, ვიდრე შარშანდელ იმავე პერიოდში.

კორპუსებში გაზის სენსორული დეტექტორების დამონტაჟება სავალდებულო ხდება. ჯერჯერობით რეგულაციის ავტორებმაც არ იციან, რა ეღირება და ვისი ვალდებულება იქნება აპარატურის საცხოვრებელ ბინებში დამონტაჟება - "ყაზტრანსგაზის", მერიის თუ მოსახლეობის. სემეკ-ის ინფორმაციით, რეგულაციები აპრილის ბოლომდე შევა ძალაში.

საქართველოში შემოტანილი და სავაჭრო ქსელში გასაყიდად გამოტანილი ტანსაცმელი და ფეხსაცმელი ჯანმრთელობისათვის საშიშია. რაც დრო გადის, სულ უფრო მეტი ადამიანი იწამლება როგორც საკვებით, ჭურჭლითა და სამზარეულო ნივთებით, ასევე ქსოვილებით, რომლებსაც ყოველდღიურად მოვიხმართ. არაერთი საერთაშორისო კვლევით დასტურდება მავნე ზეგავლენა, რასაც სინთეტიკური ქსოვილები და საღებავები იწვევენ.