ანალიტიკოსი გია ხუხაშვილი „რეზონანსთან“ საუბრისას ბესელიას პოლიტიკურ შანსებს ძალიან პესიმისტურად აფასებს. ამბობს, რომ ელექტორატის თვალსაზრისით მის მიმართ კითხვები რჩება. ის პრობლემები, რაზეც ბესელია საუბრობს, უკვე დიდიხანია არსებობს და დღეს არ დაწყებულა. 

„ხრამისკენ“ გაქანებული „ოცნებიდან“  ეკა ბესელიამ უბრალოდ გამოასწრო - ასე აფასებენ ანალიტიკოსები  „რეზონანსთან“ დეპუტატ ბესელიას პარტიიდან წასვლის გადაწყვეტილებას. 

"მივდივარ იქ, სადაც არის საქართველოს მოსახლეობის აბსოლუტური უმრავლესობა," -ეს განცხადება  ბესელიამ  ბრიფინგზე გააკეთა და მმართველი გუნდი ოფიციალურად დატოვა. 

"ოცნების" შიდაპარტიული ომი, დიდი ურთიერთლანძღვის შემდეგ, საბოლოოდ ე.წ. ახლების გამარჯვებით დასრულდა. 45 მომხრე, 17 წინააღმდეგი - ბესელიას კანონპროექტი მოსამართლეების უვადოდ დანიშვნის შეჩერების შესახებ ჩავარდა და უკვე განაჩენიც გამოტანილია - თავად ბესელია, ლევან გოგიჩაიშვილი და გედევან ფოფხაძე უმრავლესობას ტოვებენ. ბესელიამ დაანონსა, რომ პარასკევს 12 საათზე საგანგებო განცხადებას გააკეთებს. გოგიჩაიშვილმა უმრავლესობის რიგები უკვე დატოვა. ასევე უმრავლესობა დატოვა ბექა ნაცვლიშვილმა. ამ 4 კაცს შეუერთდება თუ არა კიდევ ვინმე, ჯერ უცნობია.

საერთაშორისო ბაზარზე ნავთობის ფასი იზრდება. ბოლო მონაცემით, 1 ბარელის ღირებულება 67 დოლარია, რაც ბოლო სამი თვის მაქსიმუმია. საქართველოში გაძვირება ჯერჯერობით მხოლოდ საბითუმო ქსელში აისახა. მალე მცირედით, თუმცა ფასის მატებას უნდა ველოდოთ საცალო ქსელშიც.

წელს ზამთრის ტურიზმი ბოლომდე ჩავარდა. ცალკე უამინდობამ, ცალკეც ღორის გრიპთან დაკავშირებით შექმნილმა აჟიოტაჟმა მთის კურორტებზე სერიოზული პრობლემა შექმნა. გუდაურსა და ბაკურიანში მდებარე სასტუმროების წარმომადგენლების ინფორმაციით, ტურისტებმა საქართველოში დასვენება გადაიფიქრეს და ჯავშნების დიდი ნაწილი გააუქმეს. ამჟამად კურორტები თითქმის ცარიელია.

ბოლო პერიოდში ტაქსით გადაადგილება გაძვირდა. მიზეზი ტექნიკური დათვალიერების ხარჯი და ტაქსის რეგისტრაციის ახალი რეგულაციაა. საწვავის ფასი არ შეცვლილა, მაგრამ მიუხედავად ამისა, მძღოლებს მანქანის შენახვა ძვირი უჯდებათ. შესაბამისად, მათ თადარიგი დაიჭირეს და მომსახურება 1-2 ლარით გააძვირეს. ამ ტენდენციას ადასტურებენ როგორც მძღოლები, ასევე ის ადამიანები, რომლებიც ტაქსით ხშირად სარგებლობენ.

"4 დღის წინ ადამიანი აცხადებდა, რომ არაფერს დათმობდა, რასაც მისგან ითხოვდნენ, 4 დღის შემდეგ კი ამბობს, ბანკს ვთმობ და უფრო ძვირადღირებულ პორტს ვიტოვებო. ე.ი. მიდის ვაჭრობა, ხაზარაძემ ივანიშვილს დრო მისცა მოსაფიქრებლად," - ასე ეხმიანება პარტია "თავისუფალი საქართველოს" ლიდერი კახა კუკავა მამუკა ხაზარაძის განცხადებას.

სამშენებლო სფეროში პროფესიული კადრების დეფიციტის აღმოსაფხვრელად სოციალური პასუხისმგებლობის ფარგლებში დეველოპერულმა კომპანია m²-მა პროფესიული სასწავლებელი "კონსტრუქტ2" დააფუძნა.

"ანაკლიის პორტთან დაკავშირებით მთავრობის გადაწყვეტილება არასწორი რომ იყო, ეს ცხადია და ამაში ბრალი ხაზარაძეს არ მიუძღვის. თუ რომელიმე ბიზნესმენი საქართველოს მთავრობას და ეროვნულ ბანკს მომსახურების სერვის-ცენტრად გაიხდის, რატომ არ გააკეთებს ამას? მთელ მსოფლიოში აკეთებენ, მაგრამ განვითარებული ქვეყნები ამის უფლებას ბიზნსემენს ნაკლებად აძლევენ" - ასე ეხმაურება ექსპერტი და ანალიტიკოსი ეკონომიკის საკითხებში დემურ გიორხელიძე მამუკა ხაზარაძის განცხადებას, რომ მიდის ბანკიდან, მაგრამ მთელ თავის ძალისხმევას მოახმარს ანაკლიის პორტის პროექტს.

ვენესუელას შემდეგ დიდი არეულობები და პროტესტი, შესაძლოა, ნიკარაგუაშიც დაიწყოს. ვაშინგტონიდან კეთდება განცხადება, რომ დანიელ ორტეგას დღეები დათვლილია და ნიკარაგუელი ხალხი მალე თავისუფალი იქნება. ნიკარაგუა კი ვენესუელას შემდეგ მეორე ქვეყანაა ამერიკის კონტინენტზე, რომელმაც რუსული ფულის და მხარდაჭერის სანაცვლოდ ჩვენი ოკუპირებული ტერიტორიები აღიარა. ამიტომაც ამ ორ ქვეყანაში რეჟიმების ცვლილება საქართველოსთვის დიდი ინტერესის საგანია.

რატომ მიიღო ხაზარაძემ ბანკის დატოვების გადაწყვეტილება და რა შემთხვევაში შეიძლება ის პოლიტიკაში ვიხილოთ - ესაა მთავარი კითხვა მას შემდეგ, რაც თიბისი ბანკის დამფუძნებელმა სოცილურ ქსელში განცხადება გამოაქვეყნა. ანალიტიკოსების აზით, ის  განცხადებაშიც ამბობს, რომ თიბისი ბანკიდან მისი წასვლა იძულებით გადადგმული ნაბიჯია, თუმცა ამ იძულების ავტორი თავად უნდა დაასახელოს.  

,,ჩვენ რომ „ნაციონალურ მოძრაობას" ვებრძოდით და ტყვიების ზუზუნში ვიდექით, ამ სიტყვებს ავტორი გოგლი-მოგლს მიირთმევდა და ჭუჭრუტანიდან გვიყურებდა, გადავრჩებოდით თუ არა. გოგლი-მოგლზე გაზრდილი პატარა ბიჭები თავს უფლებას რომ აძლევენ და ასეთი ტონით ლაპარაკობენ, აი, ამის პასუხს მიიღებენ დღეს, ჩემს ბოლო დასკვნაში," ასე მიმართ ეკა ბესელიამ პარლამენტის პლენარულ სხდომაზე თანაპარტიელებს.