საკონსტიტუციო სასამართლომ არაკონსტიტუციურად სცნო ადმინისტრაციულ სამართალდარღვევათა და სისხლის სამართლის კოდექსების ის მუხლები, რომლებიც პატიმრობას ითვალისწინებს ისეთ ნარკოტიკულ საშუალებებზე, რომლებიც არ იწვევს სწრაფ მიჩვევას ან აგრესიულ ქცევას. ამ გადაწყვეტილებამ სპეციალისტებში არაერთგვაროვანი რეაქცია გამოიწვია.

2020 წლის საპარლამენტო არჩევნების მოახლოებასთან ერთად იზრდება ყურადღება მედიის მიმართ. განსაკუთრებით იმის გათავლისწინებით, რომ სტრასბურგის სასამართლომ „რუსთავის 2“-ის დასაკუთრებაში ქიბარ ხალვაშს მწვანე შუქი აუნთო. უკვე დაანონსდა, რომ შემოდგომისთვის ორი ახალი ტელევიზია იხსნება, ორივე  გარკვეული პოლიტიკური დღის წესრიგით. ყოველ შემთხვევაში ნიკა გვარამიამ და დავით კეზერაშვილმა ტელეკომპანიების შექმნის შესახებ საჯარო განცხადებები უკვე გააკეთეს. 

„საქართველოს საგარეო საქმეთა სამინისტროს განცხადება, აფხაზეთსა და სხვა ქვეყნებს შორის საერთაშორისო საჰაერო მიმოსვლის დაუშვებლობის შესახებ კიდევ ერთი, უკვე ნაცნობი და აბსოლუტურად არადამაჯერებელი მცდელობაა აფხაზეთის იზოლირებისა. არ გამოვა. ძალღი იყეფება, ქარვანი მიდის", - ასე შეაფასა აფხაზეთის დე ფაქტო საგარეო საქმეთა მინისტრმა, დაურ კოვემ სოხუმის აეროპორტის აღდგენის ინიციატივა, რაზეც ქართულმა მხარემ განაცხადა, რომ საქართველოს თანხმობის გარეშე საერთაშორისო მიმოსვლის დაწყება შეუძლებელი იქნება აფხაზეთის აეროპორტიდან.

იურისტი და უფლებადამცველი ლია მუხაშავრია „რეზონანსთან“  ინტერვიუში ნიკა გვარამიას და „რუსთავი 2“-ის ირგვლივ განვითარებულ მოვლენებს აფასებს. ამბობს, რომ რთულია კონკრეტულად საქმის ირგვლივ მტკიცებულებით ფორმაში რაიმეზე საუბარი. არის თუ არა ეს საქმე პოლიტიკურად მოტივირებული, საქმის განვითარება და მომავალი გვიჩვენებს. რადგან გვარამიასთან და „რუსთავი 2“-თან დაკავშირებული საქმეები ერთმანეთს დროში ემთხვევა, ეჭვების გაჩენა ლოგიკურია, ამიტომაც გამოძიებამ ყველაფერი უნდა გააკეთოს იმისთვის, რომ პროცესები გამჭვირვალედ წარიმართოს და კითხვები არ დარჩეს. წინააღმდეგ შემთხვევაში ამ საქმეს ორივე მხარე პოლიტიკური მანიპულაციებისთვის გამოიყენებს. 

საქალაქო სასამართლოში მაგისტრი მოსამართლის თანდასწრებით „რუსთავი 2“-ის ყოფილი გენერალური დირექტორის  ნიკა გვარამიას გამოკითხვა  დასრულდა. გვარამია  2 საათზე მეტხანს იკითხებოდა.  დაკითხვიდან გამოსვლის შემდეგ "რუსთავი 2"-ის ყოფილმა გენერალურმა დირექტორმა განაცხადა, რომ კითხვები ფინანსურ დოკუმენტაციებს და სარეკლამო კომპანიებთან ურთიერთობებს ეხებოდა.

"არ მახსოვს, კეზერაშვილი ძებნაშია თუ არა, და არც ის ვიცი ამჟამად სად იმყოფება, ისარელში თუ ამერიკაში, მაგრამ მის მიმართ კითხვები რომ არსებობს, ეს ფაქტია და ჯერ ამ კითხვებზე უნდა გასცეს პასუხი და შემდეგ გააკეთოს განცახადებები სამომავალო გეგმებზე" - ასე ეხმაურება უმრავლესობის წევრი ნუკრი ქანთარია დავით კეზერაშვილის განცხადებას ახალი ტელევიზიის შექმნასთან დაკავშირებით.

ბიძინა ივანიშვილი შემოდგომაზე მინისტრთა კაბინეტის დათხოვნას აპირებს, ამ ინოფრმაციას გამოცემა "ნიუპოსტი" ავრცელებს. როგორც გამოცემისთვის გახდა ცნობილი, ივანიშვილმა მთავრობის შეცვლის გადაწყვეტილება უკვე მიიღო და სექტემბრის ბოლოს მთავრობა შეიცვლება. ლარის კურსის რეკორდული გაუფასურების საბაბით პრემიერ-მინისტრმა მამუკა ბახტაძემ შეიძლება თანამდებობა დატოვოს. მის შემცვლელად კი სახელდებიან ამერიკაში საქართველოს ელჩი დავით ბაქრაძე ან ინფრასტრუქტურის მინისტრი მაია ცქიტიშვილი.

კინორეჟისორი და ყოფილი სახელმწიფო მინისტრი გოგო ხაინდრავა „რეზონანსთან“ აგვისტოს ომამდე არსებულ სიტუაციას იხსენებს და ამბობს, რომ სააკაშვილის ხელისუფლებამ ცხინვალთან დაკავშირებით სიტუაცია ხელოვნურად ომამდე გააფუჭა. ამბობს, რომ მისი მინისტრობის დროს, ცხინვალში დაცვის გარეშე ჩადიოდა და ქუჩებში დღისით  ღიად გადაადგილდებოდა. ხოლო მისი თანამდებობიდან გაშვების შემდეგ,  სააკაშვილმა მოლაპარაკების ყველა ფორმატი გააუქმა და ომის პროვოცირებისკენ პირველი ნაბიჯები გადადგა. 

"ჩვენ არ უნდა დავუშვათ მედიის მონოპოლიზაცია, ამიტომ რაც მეტი ტელევიზია, რაც მეტი ინფორმაციის მიღების ცენტრი შეიქმნება, მე ამას მხოლოდ მივესალმები" - ასე ეხმაურება პოლიტოლოგი გია ხუხაშვილი დავით კეზერაშვილის განაცხადებას ახალი ტელევიზიის შექმნასთან დაკავშირებით.

20 ივნისის აქციასთან დაკავშირებით არ არის გამორიცხული, რომ შინაგან საქმეთა სამინისტრომ დაკავებების ახალი სერია დაიწყოს. უწყებაში 31 ივლის დაკითხვაზე კიდევ რამდენიმე ადამიანი დაიბარეს. გავრილოვის ღამიდან 42-ე დღეს საგამოძიებო უწყებაში ათობით ადამიანს მოწმის სახით მისვლა და ჩვენების მიცემა მოთხოვეს, თუმცა როგოც აქციის მონაწილეები „რეზონანსთან“ ამბობენ, ეს მხოლოდ მახეა და უწყებაში მათი მიტყუება უნდათ,  შემდგომ კი  დააკავებენ.   

"როგორც ჩანს, არჩევნებამდე, ყველა თავის პარტიულ ტელევიზიას ხსნის. არავისთვის დასამალი აღარ არის, რომ კეზერაშვილი აფინანსებს "ევროპულ საქართველოს", ის დიდი ხანია ქართული პოლიტიკის აქტიური წევრია, მერე რა რომ ტელევიზიებში არ ჩნდება" - აცხადებს პარტია "თავისუფალი საქართველოს" ლიდერი კახა კუკავა, ვისაც "რეზონანსი" მიმდინარე პოლიტიკურ ვითარებაზე ესაუბრა.

„რუსეთი გენოციდს იმიტომ გვაბრალებს, რომ ეს არის „გაღმა შეედავეს" პოლიტიკა," აცხადებს ისტორიკოსი გიორგი ოთხმეზური „რეზონანსთან" საუბრისას.