„კვირიკაშვილის ფრთაც გაძლიერდა, მაგრამ როგორ დაამთავრა - ვნახეთ. ამიტომ, თუ ვინმე ამას ფიქრობს, ვურჩევდი, ეს იქნება ჩემი უფასო რჩევა, ფრთხილად, მოზომილად იმოქმედოს და შეუფარდოს მოსახლეობაში ივანიშვილის მიმართ განწყობებს“, - ასე ეხმაურება პოლიტოლოგი ვახტანგ ძაბირაძე გავრცელებულ ხმებს იმის თაობაზე, წინასაარჩევნო მზადების პარალელურად, „ოცნების“ შიგნით დიდი გადაადგილებები დაიწყო და კალაძე-კობახიძის ფრთა ძლიერდება.

ამბროლაურის მუნიციპალიტეტის სოფელ ჭელიაღელეში ახალგაზრდა მამაკაცი გარდაცვლილი იპოვეს. გარდაცვლილი 29 წლის ლასო აბუთიძეა. როგორც მეზობლები „რეზონანსთან" ამბობენ, ახალგაზრდა მამაკაცი იმავე სოფელში ოტეჯის მშენებლობაზე მომუშავე მუშებმა დაახრჩვეს. ადგილობრივების თქმით, გარდაცვლილი ახალგაზრდა კონფლიქტური არ იყო.

„ქართული ოცნება" საარჩევნო კამპანიას აქტიურად განაგრძობს, გუნდის ლიდერები რეგიონებში მაჟორიტარ კანდიდატებს საზეიმოდ წარადგენენ, თუმცა ივანიშვილი არცერთ ამ ღონისძიებაზე არ გამოჩენილა. ანალიტიკოს ვახტანგ ძაბირაძის აზრით, ამის მიზეზი ისაა, რომ მმართველი გუნდის ლიდერები პოლიტიკურად გაიზარდნენ და საარჩევნო კამპანიას კარგად უძღვებიან.

ოკუპირებულ ტერიტორიაზე „პატრიოტთა ალიანსის" ლიდერების ირმა ინაშვილისა და დავით თარხხან-მოურავის ვიზიტს აფხაზეთში სერიოზული სკანდალი მოჰყვა. ამის შესახებ აფხაზური გამოცემა „ნუჟნაია გაზეტა" წერს და იმ დე ფაქტო ჩინოვნიკის ვინაობასაც ასახელებს, რომელსაც სავარაუდოდ ქართველი პოლიტიკოსები შეხვდნენ.

„ნაციონალური მოძრაობის" განმარტებით, გიორგი ვაშაძეს ისანში კორნკურენტ კანდიდატს იმიტომ უყენებენ, რომ მათ ამ ოლქში მაღალი ელექტორალური მხარდაჭერა აქვთ. „თუ დავაყენებთ ისანში კანდიდატს იქნება იმიტომ, რომ ამ ოლქში ძალიან კარგი შედეგები გვაქვს, რაც პროპორციული სიის ნაწილში ძალიან დაგვეხმარება და ჩვენ ვიყურებით მოგებისთვის", - ამბობს „ნაციონალური მოძრაობის" ერთ-ერთი ლიდერი ხატია დეკანოიძე „რეზონანსთან".

31 ოქტომბერს საპარლამენტო არჩევნები ჩატარდება. ახალი შერეული სისტემით 120/30-ზე და 1%-იანი ბარიერით. რა მოხდება იმ შემთხვევაში თუ მთავრობის ფორმირება ვერ მოხდება, პოლიტიკური პარტიები უმრავლესობას ვერ მოიპოვებენ ან კოალიციები ვერ ჩამოყალიბდება? ამ შეკითხვებით „რეზონანსმა" კონსტიტუციონალისტ ვახტანგ ხმალაძეს მიმართა.

„გაერთიანებული ოპოზიცია, რომელიც ნათელაშვილის ფანჩატურში იკრიბება, აფიქსირებს საერთო პოზიციას, რომ არ შევა კოალიციაში ქართულ „ოცნებასთან". ანუ აღიარებს, რომ „ოცნება" პირველ ადგილზე გავა და კოალიციის შემქმნელი იქნება. ასე რომ არ ფიქრობდნენ, მაშინ რატომ იქნებოდა საჭირო მემორანდუმი?" - ასე აფასებს კონტიტუციონალისტი ავთანდილ დემეტრაშვილი ოპოზიის ახალ ინიციატივას, რომ მომავალ პარლამენტში კოალიციას არ შეუქმნის „ოცნებას".

ჭიათურა-საჩხერე-ხარაგაულის მაჟორიტარულ ოლქში „ქართული ოცნებიდან" პაატა კვიჟინაძე, „ნაციონალური მოძრაობიდან" გიორგი კაპანაძე, „ევროპული საქართველოდან" სერგო რატიანი, ხოლო „ლელოდან" ანი მიროტაძე იბრძოლებენ, როგორც ოპოზიციური კანდიდატები მიიჩნევენ, ბიძინა ივანიშვილის მშობლიურ რაიონში ბრძოლა ძნელია, თუმცა იმედი აქვთ, რომ გამარჯვებას შეძლებენ.

საპარლამენტო არჩევნებამდე ორი თვეზე ცოტა მეტია დარჩენილი, თბილისის ყველა ოლქში ცნობილია ხელისუფლების, ოპოზიციის საერთო შეთანხმებით დასახელებული და დანარჩენი მსხვილი ოპოზიციური პარტიების მაჟოროიტარობის კანდიდატები. პოლიტოლოგი ვახტანგ ძაბირაძე „რეზონანსთან" მაჟორიტარების შანსებზე საუბრობს, მისი თქმით, ვაკე ერთადერთი ოლქია სადაც შეიძლება ოპოზიციის კანდიდატმა მოიგოს.

შეერთებული შტატები შიშობს, რომ რუსეთი საქართველოს საპარლამენტო არჩევნებში ჩარევას შეეცდება, ზუსტად ამიტომ ანალიტიკოსები მიიჩნევენ, რომ დასავლეთი ამ პროცესს განსაკუთრებული ყურადღებით დააკვირდება, თუმცა, მათივე აზრით, კრემლის ჩარევა ისეთი ხერხით მოხდება, რომელიც ძნელად დასამტკიცებელი იქნება.

ოპოზიციაში „ნაციონალურ მოძრაობასა" და "სტრატეგია აღმეშენებელს" შორის აზრთა სხვადასხვაობაა. კერძოდ, „ნაციონალურ მოძრაობას" არასწორად მიაჩნია, რომ „სტრატეგია აღმაშენებელს" თბილისის ორ ოლქში ჰყვას თავისი მაჟორიტარობის კანდიდატი - საბურთალოზე თაკო ჩარკვიანი და ისანში გიორგი ვაშაძე, რომელსაც ასევე გაერთიანებული ოპოზიცია უჭერს მხარს და საერთო კონსესუსითაა არჩეული.

შალვა შავგულიძე და ნინო გოგუაძე „თავისუფალი დემოკრატების" დატოვების მიზეზად იმ არასათანადო გარემოს ასახელებენ, რომელიც პარტიაში მათი თქმით, „ქართულმა ოცნებამ" შექმნა, თუმცა ამის საპასუხოდ პარტიაში დარჩენილები განცხადებას აკეთებენ, რომ ყველა იმ პროდასავლურ პარტიასთან ითანამშრომლებენ, რომლებთან ერთადაც ბიძინა ივანიშვილს და მის პარტიას ხელისუფლებიდან ჩამოიშორებენ.