თავდაცვის ყოფილი მინისტრი და გორის მაჟორიტარობის კანდიდატი ირაკლი ოქრუაშვილი ვიცე-პრემიერ კახი კალაძეს მის შევიწროებაში ადანაშაულებს. მისი თქმით, კალაძე "ყველა გზაზე ჩასაფრებულისა და ფეხის დამდების" პოზიციიდან ებრძვის.

ტელეკომპანია "რუსთავი 2"-ის წილების საქმესთან დაკავშირებით სამართლებრივ დავას ამჯერად თავდაცვის ყოფილი მინისტრი, გორის მაჟორიტარი დეპუტატობის კანდიდატი, ირაკლი ოქრუაშვილი აპირებს. მან 2010 წელს მას და ქიბარ ხალვაშს შორის დადებული ხელშეკრულება გაასაჯაროვა, რომელშიც აღნიშნულია, რომ ტელეკომპანიის წილები რეალურად ირაკლი ოქრუაშვილმა შეიძინა, ქიბარ ხალვაში კი მისი ნდობით აღჭურვილი პირი იყო. 

ბოლოდროინდელი კვლევები ერთმნიშვნელოვნად აჩვენებს, რომ მოსახლეობის დიდი ნაწილი პოლიტიკური პარტიებით იმედგაცრუებულია და ეს ნოყიერ ნიადაგს უქმნის საპარლამენტო არჩევნებზე გამავალ დამოუკიდებელ კანდიდატებს. როგორც ერთ-ერთი მათგანი, ხობის მაჟორიტარობის უპარტიო კანდიდატი ვილენ სერგია ამბობს, მართალია, მსხვილი პარტიების კანდიდატებს ერთგვარი ფორა აქვთ იმ კუთხით, რომ მათ ზურგს უმაგრებს პარტიული სტრუქტურები და, რაც არანაკლებ მნიშვნელოვანია, ფინანსური რუსურსი, არჩევნებზე დამოუკიდებლად გასვლასაც აქვს ერთგვარი პლუსი, რადგან ეს კანდიდატს მოქმედების მეტ თავისუფლებას აძლევს.

საქართველოში ავტოგაზის ფასი თვითნებურად მატულობს. ყველა გაზგასამართ სადგურში ბუნებრივი აირი 10 თეთრით გაძვირდა.  კომპანიების უმეტეს ნაწილში არ იციან, რატომ გაზარდა მომწოდებელმა ტარიფი, როცა მის გაიაფებასაც კი ელოდნენ. მით უმეტეს, როდესაც ბოლო დროს ბენზინის ფასმა დაიკლო და ლარმაც შედარებით სტაბილურობისკენ აიღო კურსი. 

საქართველოს რეგიონების ნაწილი უწყლობის გამო იტანჯება, ხოლო ვისაც წყალი აქვს, ზემაღალი ტარიფის გამო ჩივის. ქვეყნის მოსახლეობის დიდ ნაწილს 1 კბ/მ წყალში 50 თეთრის გადახდა უწევს. სპეციალისტების განცხადებით, საქართველოში იმაზე ბევრად მეტი რესურსია, ვიდრე მოთხოვნა არსებობს, შესაბამისად, წყალი გაცილებით იაფი უნდა ღირდეს. თუმცა, არასწორად განხორციელებული ინფრასტრუქტურული პროექტების გამო, ტექნიკური დანაკარგი მაღალია, რაც ტარიფის ზრდას იწვევს.

წინასაარჩევნო პერიოდში პოლიტიკური პარტიები ამომრჩევლის გულის მოგებას გულუხვი დაპირებებითა და "მოსახლეობის კეთილდღეობაზე მორგებული" სოციალურ-ეკონომიკური პროგრამებით ცდილობენ. თუმცა, ხშირ შემთხვევაში, მათი დაპირებები უტოპიურია.  წინასაარჩევნოდ პოლიტიკური სუბიექტების დიდი ნაწილი გამოკვეთილ მემარცხენეებად იქცევიან და მოქალაქეებს თუ ბიზნესს საგადასახდო ტვირთის მკვეთრად შემცირების პირობას აძლევენ. ისედაც მწირი ბიუჯეტის მქონე ქვეყნისთვის ეს ძალიან სახიფათო ტენდენციაა.

ლექტროენერგიის დეფიციტი ყოველთვიურად იზრდება. ეს იმას ნიშნავს, რომ ქვეყანა რუსეთის ელექტროენერგიაზე უფრო მეტად დამოკიდებული ხდება. ზამთარში ყველაზე საიმედო ჰიდროსადგურის - ენგურჰესის - დენი მთლიანად აფხაზეთის რეგიონს მიაქვს, დანარჩენი საქართველო კი დეფიციტს იმპორტით ივსებს.

რუსეთში სიმდიდრე ყველაზე არათანაბრადაა გადანაწილებული. იქ ქონების 88%-ს მილიარდერები და მილიონერები ფლობენ. ყველაზე თანასწორები იაპონელები არიან, სადაც მილიონერები ქვეყნის საერთო სიმდიდრის 22%-ს აკონტროლებენ. საქართველოში კი ქონების გადანაწილებასთან დაკავშირებით ოფიციალური მონაცემები არ არსებობს. ექსპერტული გათვლებით კი, უკვე გადანაწილებული ქონების მიხედვით, მილიონერები ქონების 40-45%-ს ფლობენ.

ახალი სასწავლო წლის მოახლეობა სავაჭრო ობიექტებს ნაწილს დაეტყო, ნაწილი კი კვლავ კლიენტების გააქტიურებას ელის. ბავშვთა ტანსაცმლის მაღაზიებსა და ბაზრობებზე მოთხოვნამ, წინა წლის ანალოგიურ პერიოდთან შედარებით, 10-15%-ით მოიმატა. საკანცელარიო ნივთების შეძენას კი მომხმარებელი ჯერაც არ ჩქარობს. ამ ბიზნესის წარმომადგენლები გაყიდვის სიმცირეზე საუბრობენ და ამბობენ, რომ რეალიზაციის მაჩვენებლის გაუმჯობესება ჯერჯერობით ვერ შეძლეს.