„ჩემი აზრით, რუსეთს არავისი არაფერი მართებს", - ასე გამოეხმაურა რუსეთის დუმის საგარეო ურთიერთობათა კომიტეტის თავმჯდომარე ალექსეი პუშკოვი საქართველოს პრეზიდენტი სალომე ზურაბიშვილის მიერ რუსეთის პრეზიდენტ ვლადიმირ პუტინთან დაკავშირებით გაეკთებულ განცხადებას. პუშკოვის თქმით, საქართველო პატარა შესაძლებლობის ქვეყანაა იმისათვის, რომ რუსეთს რაიმე უკარნახოს.

„შენების მოძრაობა" და დავით უსუფაშვილი დაკავებული ვართ ჩვენი საქმეებით და წლის ბოლომდე არც რაიმე საუბარს ვგეგმავთ ვინმესთან. სხვა სპეკულაციები - „ვინმე", „ოდესმე", „რამე", - ამაზე სერიოზული საუბარი არ გვეკადრება... მე კი სერიოზულობაზე მაქვს პრეტენზია," - ასე გამოეხმაურა „რეზონანსთან" საუბრისას „შენების მოძრაობის" ლიდერი დავით უსუფაშვილი პარტნიორთა წრის გაფართოებასა და ალიანსის შესახებ „ევროპული საქართველოს" ერთ-ერთი ლიდერის, გიგა ბოკერიას მიერ გაკეთებულ განცხადებას.

„აზერბაიჯანული მხარე ინტენსიურად მუშაობს და ჩიჩხიტურის ტაძრის მიმართულებით მიიწევს. მათ მიერ შესრულებული სამუშაო მინიმუმ ორი ნამუშევარი დღის შედეგს წარმოადგენს. მათ უკვე 1 კილომეტრი და 200 მეტრის გზის გაყვანა მოახერხეს - სოლიდური, კაპიტალური გზის მონაკვეთი კეთდება და ჩიჩხიტურის ტაძრამდე დაახლოებით კილომეტრია დარჩენილი. ამ ტემპით თუ იმუშავებენ, ისინი ხვალ თუ არა ზეგ დილით ჩიჩხიტურს მიადგებიან," - აცხადებს „რეზონანსთან" სამოქალაქო აქტივისტი დავით ქაცარავა აზერბაიჯანული მხარის მიერ გზის გაყვანის სამუშაოების გაყვანის შესახებ საუბრისას.

„პრეზიდენტის გადასაწყვეტია რაში ჩაერევა და რაში - არა, მე სხვის აზრებზე და კომენტარებზე კომენტარს ვერ გავაკეთებ", - ასეთია საპარლამენტო უმრავლესობის და „ქართული ოცნების" წევრის აკაკი ზოიძის კომენტარი პრეზიდენტ სალომე ზურაბიშვილის მიერ ჭიათურელი მაღაროელების შესახებ გაკეთებულ განცხადებაზე.

სომეხი ოლიგარქები ყარაბაღელი სამხედროები სახელმწიფო გადატრიალებას გეგმავენ. შეთქმულებს გასულ კვირას საიდუმლო შეხვედრა ჰქონდათ ერთ-ერთი ცნობილი ოლიგარქის კერძო სახლში, სადაც „დაიფიცეს, რომ ყველაფერს გააკეთებენ ნიკოლ პაშინიანის ხელისუფლების დასამხობად“. ამის შესახებ ადგილობრივი გამოცემა „ჟამაკანი“ წერს.

თავდაცვის მინისტრი ლევან იზორია აცხადებს, რომ პერსპექტივაში, ამერიკული სამხედრო ბაზების საქართველოში არსებობას მიესალმება. ამის შესახებ მან ამერიკის ხმის ქართულ რედაქციას განუცხადა.

სოფელ აღაიანში დატრიალებულმა ტრაგედიამ სულ უფრო მეტი კითხვები გააჩინა და საზოგადოებაში კვლავ აქტუალური გახდა ნაადრევი ქორწინების პრობლემა. დამნაშავე თუ მსხვერპლი - ვინ არის 16 წლის გოგონა, რომელსაც სამართალდამცველები ბრალს საკუთარი შვილის 7 თვის ჩვილის მკვლელობაში სდებენ.

იმ ფონზე, როცა ბაქოში საქართველო-აზერბაჯიანს შორის სახელმწიფო საზღვრის დელიმიტაციის თემაზე შექმნილი კომისიის 2-დღიანი შეხვედრები დაიწყო, დავით-გარეჯის გიდი, ზვიად ანანური ავრცელებს ინფორმაციას, რომ ორი დღეა აზერბაიჯანის მხრიდან გარეჯის ჩიჩხიტურის კოშკთან გზის გაყვანის სამუშაოები დაიწყო და რაც არ უნდა საკვირველი იყოს, ოფიციალური თბილისი ამაზე ინფორმაციას საერთოდ არ ფლობს და მხოლოდ ჟურნალისტებისგან იგებს, რომ სადავო ტერიტორიის ახლოს მეზობელმა ქვეყანამ გზის გაყვანა დაიწყო.

ორ თვეში ლარი დოლართან მიმართებით 10 თეთრით გაუფასურდა და პროცესი ყოველდღიურად მიმდინარეობს. მთავრობა, ჩარევას არ გეგმავს და ამისკენ, არც ეროვნულ ბანკს მოუწოდებს. პარლამენტის ეკონომიკური გუნდის ლიდერი კი, 20 თეთრიან გაუფასურებამდე, საგანგაშოს ვერაფერს ხედავს. ამასობაში ქვეყანა საფინანსო კრიზისის ზღვარზეა.

გაძვირების ტალღა მომსახურების ბაზარზე უკვე დაიწყო. სრულად იმპორტდამოკიდებულ ქვეყანაში ლარის გაუფასურების გამო, ძვირდება საკვები ობიექტების მომსახურება და რა თქმა უნდა, ნივთები, რომელსაც სხვადასხვა გამოწერის საიტები სთავაზობენ. ბოლო წლებში ლარი ზაფხულში მყარდებოდა, მაგრამ წელს ეს ტრადიცია იმდენად დაირღვა, რომ მცირე ბიზნესს და მომხმარებელს შემოდგომის და ზამთრის შიში უფრო და ურფო უმძაფრდება.

წელს თხილის ფასი მოიმატებს. შარშანდელთან შედარებით, გლეხები უკეთეს მოსავალს ელოდებიან და ვარაუდობენ, რომ ხარისხის გაუმჯობესების შემთხვევაში, ფასი 5 ლარს მიაღწევს. სამეგრელოში, გურიასა და იმერეთში ხალხი მოსავალზე დიდ იმედს ამყარებს და ამბობს, რომ ფაროსანასთან ბრძოლის შედეგი თხილს უკვე დაეტყო და კარგი მოვლის შემთხვევაში, მოსავლიანობა გაიზრდება.

პარლამენტში ახალი საკანონმდებლო ინიციატივია შევა, რომლის მიხედვითაც მოზარდებისთვის ისეთ საიტებზე წვდომა აიკრძალება, სადაც აზარტული თამაშების, ალკოჰოლის, ნარკოტიკის და ფსიქოტროპული საშუალებების პროპაგანდა ხორციელდება.