საბანკო ანგარიშების გატეხვისა და თანხის დატაცების ფაქტები გახშირდა. მხოლოდ 2019 წლის 3 თვის მონაცემით, კიბერდანაშაულის შემთხვევები 211%-ით არის გაზრდილი, რაც მოწმობს, რომ ბანკების მომხმარებლები სერიოზულ საფრთხეში არიან. განსაკუთრებით მათ აქვთ პრობლემა, ვინც ინტერნეტ ბანკით და "მობაილბანკით" სარგებლობს, თუმცა საფრთხე ნებისმიერს შეიძლება დაემუქროს, ვინც სხვადასხვა ტიპის საბანკო ბარათს ფლობს. დაცვის ერთ-ერთი საშუალება ანგარიშის დაზღვევაა, თუმცა მომხმარებლებს განსაკუთრებით მოუწევთ ზრუნვა პერსპონალური ინფორმაციის დაცვაზეც.

ოკუპირებულ აფხაზეთში რიგით მე-7 ე.წ. საპრეზიდენტო არჩევნები 25 აგვისტოს ჩატარდება, გადაწყვეტილება დე ფაქტო პარლამენტმა უკვე დაამტკიცა. ეს იყო რაულ ხაჯიმბას იძულებითი ნაბიჯი გასულ კვირას ოპოზიციის დიდი გამოსვლისა და ორდღიანი საყოველთაო დაუმორჩილებლობის აქციის შემდეგ, რომელიც „საპრეზიდენტო" კანდიდატის ასლან ბჟანიას მომხრეებმა წამოიწყეს.

ავტომობილების ინსპექტირებისა და წესის დარღვევის შემთხვევაში დაჯარიმების სისტემა იცვლება. მალე 30-ის ნაცვლად, ყოველ სამ დღეში დაჯარიმდებიან ავტომფლობელები, რომელიც ინსპექტორების წესს დაარღვევნ. ცვლილებები, სავარაუდოდ 1 ივლისიდან ამოქმედდება. 2020 წლიდან კი მანქანების კატალიზატორით აღჭურვა სავალდებულო გახდება.

"ახალი პარტიის შექმნა მისასალმებლია და შიში იმისა, რომ ახალი პოლიტიკური ძალა არ იქმნებოდა, დაძლეულია"- აცხადებს პოლიტოლოგი რამაზ საყვარელიძე, ვისაც "რეზონანსი" მიმდინარე პოლიტიკურ ვითარებაზე ესაუბრა.

კოსოვოს ჩრდილოეთ ნაწილში ეთნიკურ სერბებსა და თვითგამოცხადებული რესპუბლიკის პოლიციას შორის შეტაკებები დაიწყო. სერბეთის მუნიციპალიტეტების ქუჩებში სირენებისა და ცეცხლსასროლი იარაღის ხმა ისმოდა, რაც რამდენიმე საათს გაგრძელდა. ხოლო ადგილობრივმა სერბებმა ქუჩაში ბარიკადების აშენება დაიწყეს, თუმცა კოსოვოს სპეცრაზმმა ეს ბარიკადები დაანგრია.

საქართველოში ტექნიკის მაღაზიებმა გადაწყვიტეს შეცვალონ მომსახურების პირობები და ბანკების გვერდის ავლით დაუმტკიცონ მომხმარებლებს შიდა განვადება.  ახალი რეგულაცია რიგ ცვლილებებს მოითხოვს - კადრების გადამზადებას, ტექნიკურ სამუშაოებს. იქნება თუ არა ეს წარმატებული ცვლილება, ამას დროც გამოაჩენს და ის მოგებაც, რომელიც მათ  უნდა მიიღონ შიდა განვადებების ხარჯზე.

"სიტუაციის დაძაბვა საქართველო-აზერბაიჯანის სტარტეგიულ ინტერესებში არ შედის და ეს ჩანს იმ განცხადებებიდან, რომელიც ორივე ქვეყნის ხელისუფლებების მხრიდან კეთდება. თუმცა, გამორიცხული, არ არის, რომ დაინტერსებული იყოს, როგორც მესამე ძალა, ისე შიდა ძალები, რომლებიც ცდილობენ წყლის ამღვრევას"- ასე ეხმაურება პოლიტოლოგი კორნელი კაკაჩია მოსაზრებს იმის თაობაზე, რომ დავით გარეჯთან დაკავშირებით კრიზისის გაღრმავება მიზანმიმართულად ხდება.

სკოლების ექსკურსიებზე ტრაგიკულმა შემთხვევებმა მოსწავლეების მშობლებში შიში და პანიკა გამოიწვია, ისინი ფიქრობენ, რომ ფატალური შედეგები გამოწვეულია იმით, რომ მოსწავლეთა უსაფრთხოება დაცული არ არის.

ჰამბურგის საზღვაო კანონმდებლობის საერთაშორისო ტრიბუნალმა „ქერჩის ინციდენტზე" მიიღო გადაწყვეტილება. ტრიბუნალის თავმჯდომარემ ინ-ჰიუნ პაიკმა განაცხადა რომ რუსეთმა დაუყოვნებლივ უნდა გაათავისუფლოს ქერჩის სრუტეში დაპატიმრებული 24 სამხედრო მეზღვაური და 3 სამხედრო ხომალდი.

13 დღიანი პროტესტი ჭიათურაში შეწყვეტილია - მაღაროელები "ჯორჯიან მანგანეზის" ადმინისტრაციის წინადადებას დათანხმდნენ. შეთანხმების თანახმად, მათ ხელფასის 25% დაუყოვნებლივ მოემატებათ, წლის ბოლომდე კი ანაზღაურება კიდევ 10%-ით გაიზრდება. ბოლო 11 დღე გაფიცულების ნაწილი შიმშილობდა. რამდენიმე მათგანს სამედიცინო დახმარების გაწევაც დასჭირდა.

კრემლი, მიუხედავად აშშ-ს სანქციებისა, მაინც შეძლებს ევროპაზე „ენერგეტიკული შანტაჟის" ბერკეტის მიღებას - გაზსადენი „ჩრდილოეთ ნაკადი 2"-ის პროექტის ნახევარზე მეტი უკვე შესრულებულია. რუსული გაზის ევროპაში ექსპორტი უკრაინის გვერდის ავლით უნდა მოხდეს, ბალტიის ზღვის ფსკერის გავლით, რაც რუსეთს სრულად გაათავისუფლებს უკრაინაზე დამოკიდებულებისაგან. ხოლო უკრაინამ შესაძლოა სატრანზიტო ფუნქცია მთლიანად დაკარგოს.

ბოლოს და ბოლოს "ლიბერთი" "ქართუს" შეისყიდის. გარიგება, რომელიც გასული წლიდან დრო და დრო მსჯელობის საგანი ხდება, როგორც ჩანს დასკვნით ეტაპზეა. საბანკო ასოციაციის ხელმძღვანელი ამბობს, რომ ინფორმაცია დადატურებულია. ყოფილ პრემიერს, არაერთხელ უთქვამს, რომ "ქართუ" მხოლოდ ქველმოქმედებისათვის სჭირდება. ივანიშვილი ქველმოქმედებას წყვეტს, თუ სხვა გზას იპოვნის ახლა მთავარი კითხვა ესაა. მილიარდერ ოჯახებს შორის გარიგება ფინიშის სწორზეა.