საქართველოსა და აზერბაიჯანის წარმომადგენლებს შორის სახელმწიფო საზღვრის სადაო დავით გარეჯის მონაკვეთზე მორიგი შეხვედრა ივნისშია დაგეგმილი, თუმცა მანამდე აზერბაიჯანულმა მხარემ ჩიჩხიტურის მონასტერთან მისასვლელი გზა კვლავ ჩაკეტა. ამის შესახებ ინფორმაციას „რეზონანს“ მოძრაობის „ძალა ერთობაშია“ წევრი დავით ქაცარავა აწვდის.  

„არსებობს ლეგიტიმური მოლოდინი, რომ ოთხოზორია-ტატუნაშვილის სია ახლო პერიოდში გაიზრდება", - განცხადება პრემიერ-მინისტრმა მამუკა ბახტაძემ პარლამენტში. თუმცა პრემიერს არ აქვს პასუხი, ერთი წლის წინ მიღებულ ამ „შავ სიაში" ამ დრომდე რატომ არ არის შეყვანილი რუსეთის საოკუპაციო რეჟიმის თუნდაც ერთი წარმომადგენელი.

„უდანაშაულობის პრეზუმციას არ ვარღვევ და არც იმას ვამბობ, რომ ყველანი უნდა დაიჭირონ, მაგრამ ეს ინფორმაცია ჩვენ ჯერ კიდევ 2015 წელს გვქონდა - 2 მილიონი ლარი ისეა გამქრალი, რომ სახლის ბალავარიც არ არის გაკეთებული“, - ასე  ეხმაურება პარლამენტის ყოფილი წევრი მურმან დუმბაძე, ბათუმის მერიაში ყოფილი და მოქმედი თანამდებობის პირების დაკავებას.

„ვისაც უნდა დარბაზს დატოვებს, ძალით არავინ არავის დაიჭერს. კითხვები დასვეს და პასუხებს აღარ მოუსმინეს - ეს მათი საქმეა, არ არის მნიშვნელოვანი," - ასე აფასებს უმრავლესობის წევრი ნუკრი ქანთარია ყოფილი თანაპარტიელების, ლევან გოგიჩაიშვილისა და გედევან ფოფხაძის მხრიდან პარლამენტის სხდომათა დარბაზის დატოვებას, სადაც ინტერპელაციის წესით დღეს პრემიერ-მინისტრ მამუკა ბახტაძეს უსმენენ.

„უკრაინაში 4 წელი გავატარე და მას შემდეგ კონტაქტი არ გამიწყვეტია იმ ხალხთან, ვინც ჩართული იყო ანტიკორუფციული პროექტების განხორციელებაში. ამჯერადაც, თუ ჩემი გამოცდილება დასჭირდებათ, არ გამოვრიცხავ ჩავერთო ახალი  რეფორმების გატარებაში“, - ასე ეხმაურება „ნაციონალური მოძრაობის“ წევრი ხატია დეკანოიძე  გავრცელებულ ინფორმაციას, რომ მიხეილ სააკაშვილს უკრაინაში  ახალი ადმინისტრაციის პირობებშიც, რეფორმების გატრებაში ქართველი თანაპარტიელები დაეხმარებიან.

დამტვრეული ინვენტარი და ჩამსხვრეული მინები - შემთხვევა თბილისში, მარჯანიშვილზე მდებარე ერთ-ერთ კაფესთან მოხდა. საქართველოს მოქალაქეები უცხოელ ტურისტებს ფიზიკურად გაუსწორდნენ. ამის მიზეზი კი, თვითმხილველების ინფორმაციით, ქართველი ქალი იყო, რომელიც უცხოელ მამაკაცთან ერთად კაფეში იჯდა.

სოციალურ ქსელებში გავრცელდა პეტიცია, რომლის ხელმომწერებიც საქართველოს ტერიტორიაზე რესტორნებსა და კაფეებში რუსული ესტრადის აკრძალვას ითხოვენ. პეტიციას უკვე 1500-ზე მეტი ადამიანი აწერს ხელს. მწერალი და მსახიობი გივი სიხარულუიძე „რეზონანსთან" საუბარში ამბობს, რომ სიმღერა და პოლიტიკა ერთმანეთთან კავშირში არ არის და რუსული ესტრადა არ უნდა აიკრძალოს.

უვიზო რეჟიმით ევროპაში წასული და თავშესაფრის მოთხოვნით ჩაბარებული ქართველების დეპორტაციები გახშირებულია. ამის ნათელი მაგალითი კი ჯერ მხოლოდ მაისში დეპორტირებული ქართველების რიცხვია, როდესაც ევროპის სხვადასხვა ქვეყნებიდან 100-მდე ქართველის დეპორტაცია განხორციელდა. ევროპული სახელმწიფოებიდან სპეც-რეისების დამატება, მას შემდეგ დაიწყო, რაც საქართველო უსაფრთხო ქვეყნების სიაში შეიყვანეს და თავშესაფრის მაძიებელი ქართველების რიცხვმა რეკორდულ მაჩვენებელს მიაღწია.

„კეთდებოდა განცხადებები, რომ თურნავა არის ის მინისტრი, რომელიც ქვეყანაში დინამიკას შექმნიდა, არადა ვხედავთ, რომ თურნავა არა თუ დინამიკას, არამედ ძლივს დაწყებული საქმეების შემაფერხებელიც კი აღმოჩნდა, რადგანაც ის ემსახურება კონკრეტული დაჯგუფებების ინტერესებს და შესაბამისად არ აინტერესებს სახელმწიფოებრივი პოლიტიკა. არცერთი თავმოყვარე მინისტრი არ გააკეთებდა იმ განცხადებას, რაც თურნავამ გააკეთა,"- აცხადებს „ქართლი ოცნების" ყოფილი წევრი, დეპუტატი დავით ჭიჭინაძე.

რასთან გვაქვს საქმე - ფოთის ღრმაწყლოვანი პორტის მშენებლობაზე 28 დღის წინ საიდუმლოდ გაცემული ნებართვა ეს დაბალი რანგის ჩინოვნიკის, სსიპ-ის ხელმძღვანელის შეცდომა იყო, როგორც ეკონომიკის მინისტრი ირწმუნება, თუ ეს იყო ხელისუფლებაში რაღაც ჯგუფის მიერ დაგეგმილი ნაბიჯი და საბოტაჟი ანაკლიის პორტის წინააღმდეგ, როგორც ანალიტიკოსები აცხადებენ, და ის დიდი სკანდალის ატეხვის გამო ჩაიშალა?! ფოთის პორტის გარშემო დიდი ქაოსი შეიქნა და ხელისუფლების მხრიდან გაკეთებულ განცხადებები და გაუგებარი თავის მართლება პასუხების ნაცვლად კიდევ უფრო მეტ კითხვას აჩენს.

მასშტაბური დაკავებები ბათუმის მერიაში - პროკურატურამ 7 მაღალჩინოსანს ბრალი სახელმწიფო თანხების დიდი ოდენობით გაფლანგვისთვის წაუყენა. მოქმედ და ყოფილ მაღალჩინოსნებს ბრალი ასევე  სამსახურეობრივი უფლებამოსილების ბოროტად გამოყენებაში ედებათ. 

მედიკამენტების ფასმა ბოლო 1 თვეში, საშუალოდ, 10-11%-ის ფარგლებში მოიმატა. ცხადია, გაძვირება ლარის კურსს უკავშირდება, თუმცა სპეციალსიტების მოსაზრებას თუ გავითვალსიწინებთ, ფარმაცევტული კომპანიები იმდენად მაღალ მოგებაზე მუშაობენ, რომ ფასის შესანარჩუნებლად სავსებით საკმარისი რესურსი აქვთ, რასაც რეალურად არავინ აკეთებს. დევალვაციის ფონზე მიზანმიმართულად სწორედ ის წამლები ძვირდება, რაც ყველაზე მოთხოვნადია.