ფინანსთა სამინისტროს საგამოძიებო სამსახურმა ტექნიკური ინსპექტირების 10 ცენტრის თანამშრომლები დააკავა. ავტომობილის ტექნიკური გამართულობის დოკუმენტის გაცემა ისე ხდებოდა, რომ მას არც კი ამოწმებდნენ, - ამის შესახებ ემსიემ.ჯი იუწყება

"პატარკაციშვილის საქმესთან დაკავშირებით ჩანაწერები არჩევნებმდე ან არჩევნების შემდეგ უნდა გამექვეყნებინათ, რადგან ამას წინასაარჩევნო კამპანიის სუნი ასდის და სიმძაფრეს უკარგავს პატარკაციშვილის საქმის გამოძიებას" - აცხადებს პოლიტოლოგი პაატა ზაქარეიშვილი, რომელსაც "რეზონანსი" პროკურატურის მიერ გავრცელებულ ჩანაწერებზე ესაუბრა, სადაც პოლიტიკური სივრციდან ჩამოშორების მიზნით ბადრი პატრაკაციშვილის მკვლელობის მომზადებაზეა საუბარი.

მოძრაობის „რუსეთი ოკუპანტია" წარმომადგენლებმა დღეს სასტუმრო "ძველ თბილისთან", სადაც „ევრაზიული ეკონომიკური კავშირის" ეგიდით შეხვედრა მიმდინარეობს, აქცია-პერფორმანსი გამართეს.

"ქართულ ოცნებას" ძალიან გაუჭირდა და მთელი პროპაგანდისტული მანქანა ამუშავდა, ამაზე მიანიშნებს პროპაგანდისტული შიდა კვლევების გამოქვეყნება, რომ სალომე ზურაბიშვილს 53% უჭერს მხარს და მათ შორის ამაზე მიანიშნებს წინასაარჩევნო კლიპებში პარტიის მძიმე არტილერიის - ბიძინა ივანიშვილის გამოჩენაც," - აცხადებს პოლიტოლოგი ვახტანგ ძაბირაძე, რომლის აზრითაც, "ოცნების" შიდა კვლევის მთავარი მესიჯია, საზოგადოება დაარწმუნონ, რომ ფარულმა სკანდალურმა ჩანაწერებმა ვერაფერი ავნო.

როგორი საარჩევნო გარემო გვაქვს საპრეზიდენტო არჩევნების წინ, რა ძირითადი განწყობაა და განაპირობებს თუ არა ამ განწყობას ჩვენი საინფორმაციო სივრცე, ამ და სხვა საკითხებზე "რეზონანსი" ინფორმაციული კულტურის სპეციალისტ ლელა ფირალიშვილს ესაუბრა.

ლარის კურსი გაუჩერებლად უფასურდება. იმის ნაცვლად, რომ მთავრობამ და ეროვნულმა ბანკმა ქმედითი ნაბიჯი გადადგან, ხალხის მოტყუებით არიან დაკავებული. კურსი ყოველდღე ეცემა, ჩინოვნიკები კი დაქოქილი თოჯინებივით ერთსა და იმავეს გაიძახიან, რომ "ეროვნულ ვალუტას გაუფასურება არ ემუქრება". ამ დროს ქალაქში უკვე პანიკის ნიშნებია. კურსი 2,70-ს გასცდა და, სავარაუდოდ, ეს პროცესი გაგრძელდება მომავალშიც.

ჩანაწერებით და კომპრომატებით ომი გრძელდება. ახალი ფარული აუდიოჩანაწერების გამოქვეყნებას ტელეკომპანია "რუსთავი 2"-ის გენრელური დირექტორი ნიკა გვარამია კვლავ აანონსებს. თუმცა, როგორც ჩანს, გულხელდაკრეფილად არც ხელისუფლება ზის. შინაგან საქმეთა მინისტრი გიორგი გახარია ნიკა გვარამიას საპასუხოდ აცხადებს, რომ მან ძალიან კარგად იცის, ვინ, სად, რას გეგმავს. მას და უსაფრთხოების სამსახურსაც მიყურადების შედეგად აქვთ ინფორმაცია, სადაც კარგად ჩანს, როგორ გეგმავენ ქვეყნის გადატრიალებას. მინისტრი არ აკონკრეტებს, ვისზე საუბრობს.

ტურიზმის ეროვნული სააგენტო ბინების გაქირავებაზე დამატებითი გადასახადის დაწესებას ცდილობს. აშკარაა, რომ ამით სასტუმრო ბიზნესის მსხვილი მოთამაშეები კონკურენტების ჩამოცილებას აპირებენ და ამაში ტურიზმის ეროვნული სააგენტოც ხელს უწყობს.

პირველი იანვრიდან პენსია რეალურად არ გაიზრდება. მიუხედავად იმისა, რომ 2019 წლიდან პენსიონერებს 20 ლარით მეტი დაერიცხებათ, ეს ზრდა არ არის. 2016 წელს 170 ლარად იგივე პროდუქციის ყიდვა შეიძლებოდა (საკვებისა და მედიკამენტების), რამდენიც 200 ლარად იქნება შესაძლებელი მომავალ წელს.

არჩევნების მოახლოებასთან ერთად, დედაქალაქში ვნებათაღელვამ იმატა. განსაკუთრებით შესამჩნევი გახდა ახალგაზრდების მონდომება, შემართება და ჩართვა 2018 წლის საპრეზიდენტო მარათონში. ისინი სოციალური ქსელების მეშვეობით არ ერიდებიან საჯარო სივრცეში პოზიციის გამოხატვას და ყველას მოუწოდებენ, ჩაერთონ ამ წინასაარჩევნო რბოლაში. განსხვავებული პოზიცია აქვთ შუახნის ადამიანებს და პესიმისტურად არიან განწყობილნი.

ორ კვირაზე მეტია ინგუშები ჩეჩნეთის მიერ მათი კუთვნილი ტერიტორიის, 20 000 ჰექტარი მიწის წაღებას აპროტესტებენ, რის გამოც ინგუშეთის დედაქალაქში აქციები არ წყდება. ამ ფონზე კი ახალი ტერიტორიული დავებიც ჩნდება. ახლა უკვე კაზაკთა რამდენიმე საზოგადოებრივი და პოლიტიკური ორგანიზაცია ითხოვს, ჩეჩნეთის რესპუბლიკას ჩამოერთვას ნაურისა და შელკოვის რაიონები და სტავროპოლის მხარეს დაუბრუნდეს, რადგან ეს ტერიტორიები კაზაკებს ეკუთვნოდა და ნიკიტა ხრუშჩოვმა 1957 წელს უკანონოდ გადასცა ჩეჩნეთს.

„სამწუხაროდ, ბადრის საქმეს ხელისუფლება ამ ხნის განმავლობაში ნეგატიურად უყურებდა, არჩევნების წინ აქტიურდებიან-ხოლმე. პოლიტიკურ ჭრილში განიხილება ეს საქმე, შემდეგ კი ყველას ავიწყდება. პრობლემა ის გახლავთ, რომ ამ ქვეყანაში ბადრის სახელით სპეკულირება მოდად იქცა," - ჩანაწერები შესახებ, რომლის თანახმადაც ბადრი პატარკაციშვილის მკვლელობის მოწყობა იგეგმებოდა, „რეზონანსს" პოლიტოლოგმა გია ხუხაშვილმა განუცხადა.