აფხაზეთის სეპარატისტული რესპუბლიკა  დილემის წინაშე დგას - 2019 წლის თებერვლიდან მაისის შუა რიცხვებამდე  ენგურჰესის სარემონტო სამუშაოებია დაგეგმილი, რაც ნიშნავს იმას, რომ დე ფაქტო რესპუბლიკას დენი უბრალოდ არ ექნება.

ინგუშეთის დედაქალაქ მაგასში დაწყებული სახალხო მღელვარებები უვადო მიტინგში გადაიზარდა. აქციის მონაწილეები ღამეს ადგილობრივი პარლამენტის შენობასთან ათენებენ და მანამდე არ აპირებენ დაშლას, სანამ მეზობელი ჩეჩნეთისათვის მიწების გადაცემის გადაწყვეტილება არ შეიცვლება.

რა ვიცით, ვინ არის ოთარ ფარცხალაძე, რომელიც პირველად 2013 წლის 7 ნოემბერს მთავარი პროკურორის რანგში გამოჩნდა, მაგრამ მხოლოდ 2 თვით, რადგან დიდი სკანდალის გამო მოუწია თანამდებობის დატოვება და ამის შემდეგ 5 წელია, მისი სახელი მუდმივად ახალ-ახალ სკანდალებთანაა დაკავშირებული.

როგორც "რეზონანსთან" ბიზნესმენ ვანო ჩხარტიშვილის ადვოკატმა ზაზა ხატიაშვილმა განაცხადა, ტელეკომპანია "იბერიასთან" დაკავშირებით გავრცელებულ ჩანაწერებთან ვანო ჩხარტიშვილს შეხება არ ჰქონია. ეს დაადასტურა ლონდონის ორმა ცნობილმა ექსპერტიზის ბიურომაც, რაც იძლევა მყარ საფუძველს, რომ აუდიოჩანაწერები დამონტაჟებულია.

ქვეყანაში საქალაქო და საქალაქთაშორისო ტრანსპორტით მგზავრობის გაძვირება იწყება. რუსთავი-თბილისის მიკრაოვტობუსების კომპანია ამ მოთხოვნით უკვე მართავს მოლაპარაკებას და ფასის 2 ლარამდე მომატებას აპირებს. გაძვირებაზე აქტიურად მსჯელობენ მარნეული-თბილისისა და მცხეთა-თბილისის სამარშრუტო კომპანიები და მძღოლები. მიზეზი საწვავის მზარდი ფასია, რომელმაც ისტორიულ მაქსიმუმს უკვე მიაღწია.

ტყიბულელ მეშახტეებს პირველი ოქტომბრიდან ხელფასი შეუწყვიტეს. ამის შესახებ ინფორმაციას ადასტურებენ როგორც პროფკავშირები, ასევე "საქნახშირის" ხელმძღვანელი ჯამბულ ჯაყელიც. დასაქმებულები, რომლებიც მუშაობის გაგრძელებას უსაფრთხოების ნორმების არარსებობის გამო ვერ ახერხებენ, აქციებს გეგმავენ.

ამერიკის შეერთებული შტატების სენატმა ერთხმად მიიღო რეზოლუცია, რომლის მიხედვითაც უკრაინაში 1932-1933 წლების შიშმშილი საბჭოეთის ლიდერის, იოსებ სტალინის მიერ უკრაინელი ხალხის მიზანმიმართულ გენოციდად აღიარა. ამის შესახებ ამერიკის შეერთებული შტატების კონგრესის ვებგვერდზე არსებული შეტყობინება იუწყება.

4 ოქტომბერს რუსეთის ფედერაციის შემადგენლობაში შემავალმა ჩეჩნეთისა და ინგუშეთის ლიდერებმა მიიღეს გადაწყვეტილება, რომლის თანახმადაც რესპუბლიკებს შორის საზღვარი ოფიციალურად დამტკიცდა.