ეროვნული ვალუტის გაუფასურების გამო, სამომხმარებლო პროდუქცია დღე-დღეზე გაძვირდება. ბოლო რამდენიმე დღეა, ლარი ეცემა როგორც დოლართან, ასევე ევროსთან მიმართებით და ამ პროცესს შეუქცევადი ხასიათი აქვს. იმპორტიორები ამბობენ, რომ ყველა შემოტანილი პროდუქტის ფასი მოიმატებს, რადგან დოლარის მაღალი კურსი თვითღირებულებას ზრდის. სავარაუდოდ, 1 კვირაში გაძვირდება საწვავიც, რომელიც, წესით, ამ დღეებში უნდა გაიაფებულიყო.

სამსახურში დატვირთული გრაფიკისა და ყოველდღიური რუტინის ფონზე, შვებულების მოლოდინი დიდი შვებაა, თუმცა დასვენების დღეების ოდენობა სულ უფრო მცირდება. ბოლო დროს დასაქმებულები წელიწადში 2-კვირიან შვებულებას სჯერდებიან და მათი უმეტესობა ქალაქიდან გასვლასაც ვერ ახერხებს. შემცირდა კურორტებზე ყოფნის ხანგრძლივობაც. ზღვაზე წასვლა უკვე 5-7 დღით იგეგმება და ხანდახან არც ეს ხერხდება.

ბოლო დღეებში ტაქსით გადაადგილება გაძვირდა. მიზეზი, 1-ელ აგვისტოს ამოქმედებულ რეგულაციებთან ერთად, ეროვნული ვალუტის გაუფასურებაა, რაც მძღოლებს საწვავის ფასის ზრდის მოლოდინს უჩენს. მათ თადარიგი დაიჭირეს და მომსახურება 1 ლარით გააძვირეს. ამ ტენდენციას ადასტურებენ როგორც მძღოლები, ასევე ის ადამიანები, რომლებიც ტაქსით ხშირად სარგებლობენ.

ბოლო დროს საქართველოში ბიზნესმენების გამხმაურებული მკვლელობის არა ერთი ფაქტი მოხდა. არ არსებობს სტატისტიკური მონაცემები სულ რამდენი ბიზნესმენია მოკლული, თუმცა გახმაურებული მკვლელობების მიხედვით, რაც მედიით შუქდებოდა, 7 წლის განმავლობაში 12 ბიზნესმენია მოკლული. 11 აგვისტოს კიდევ ერთი ბიზნესმენი მოკლეს.

მმართველ პარტას საპრეზიდენტო არჩევნებზე საკუთარი კანდიდატი არ ეყოლება. პარლამენტის თავმჯდომარის ირაკლი კობახიძის განცხადებით, პარტიის თავმჯდომარის პოზიცია იყო, რომ პარტიას საკუთარი კანდიდატი არ უნდა ჰყოლოდა.

კონგოში დატყვევებული ქართველი მფრინავის იოსებ ოსორაულის ძმამ გია ოსორაულმა, ადამიანის უფლებათა ცენტრში დღეს პრესკონფერენცია გამართა, სადაც განაცხადა, რომ მისი ძმა ცოცხალია და დახმარება სჭირდება.

საქართველოს ყოფილი შინაგან საქმეთა მინისტრის ვანო მერაბიშვილის გათავისფლებისაკენ ხელისუფლებას „ევროპული საქართველო" მიუწოდებს. მერაბიშვილის შეწყალების უფლება კი, კონსტიტუციურად მხოლოდ საქართველოს პრეზიდენტს აქვს და მისი გამოშვება-არგამოშვების საკითხი, სწორედ, მასზეა დამოკიდებული.

თურქეთის ქალაქ ტრაპზონში მომხდარი ავტოსაგზაო შემთხვევის შედეგად, საქართველოს სამი მოქალაქე დაშავდა. მიკროავტობუსში, მძღოლის ჩათვით, სულ საქართველოს 21 მოქალაქე იმყოფებოდა.

თურქეთის პრეზიდენტმა რეჯეფ თაიფ ერდოღანმა განაცხადა, რომ ანკარა სირიის არაბული რესპუბლიკის რეგიონებში განსახორციელებელი სამხედრო ოპერაციების მომზადების ბოლო ფაზაშია. პრეზიდენტის თქმით, სამხედრო ოპერაციების მთავარი მიზანი რეგიონებში სიმშვიდისა და სტაბილურობის უზრუნველყოფაა.

მმართველი გუნდი, რომელსაც გადაწყვეტილი არ აქვს, დაუჭერს თუ არა მხარს სალომე ზურაბიშვილს და არც საკუთარი რჩეულის დასახელებას ჩქარობს, ექსპერტთა გარკვეული ნაწილის ვარაუდით, იმ შემთხვევაში, თუ ზურაბიშვილის მხარდაჭერაზე საბოლოოდ იტყვის უარს, ერთადერთი გამოსავალი რჩება, 2018 წლის საპრეზიდენტო არჩევნებში პირადად ბიძინა ივანიშვილმა იყაროს კენჭი.

ლარის კურსი დოლართან მიმართებაში ბოლო რამდენიმე დღეში 17 პუნქტით გაუფასურდა. ოფიციალური ინფორმაციით, მიზეზი საგარეო ფაქტორებია. ქვეყანა სავალუტო პანიკის ზღვარზეა. სპეციალისტების ნაწილი მიიჩნევს, რომ ეროვნულ ბანკს გარე ფაქტორების შერბილება შეეძლო, მაგრამ ეს არ გააკეთა. არსებობს მოსაზრება, რომ სწრაფი დევალვაცია საქართველოდან დოლარის მასის თურქეთში გადინებამ გამოიწვია.

აშშ შავ ზღვაში სამხედრო ყოფნას აძლიერებს. ორი დღის წინ სარაკეტო გამანადგურებლებით აღჭურვილი სამხედრო გემი "კარნი" პატრულირებისთვის შავ ზღვაში შევიდა. ექსპერტების შეფასებით, ეს არის ამერიკელების გზავნილი და ძალის დემონსტრირება რუსეთისა და ირანის, ასევე მოკავშირე თურქეთის მისამართით და მოლოდინია, რომ პენტაგონი შავ ზღვაში სამხედრო მისიას კიდევ უფრო და უფრო გაააქტიურებს.