მასწავლებელთა პროფესიული გამოცდების შედეგებმა აჩვენა, რომ მათმა 85%-მა გამოცდა ვერ ჩააბარა. აღნიშნულთან დაკავშირებით განათლებისა და მეცნიერების მინისტრმა თამარ სანიკიძემ განაცხადა, რომ შედეგები სახარბიელო ნამდვილად არ არის, თუმცა არც სავალალო მდგომარეობაში ვართ.

თუკი ადრე კოალიცია "ქართული ოცნება" კატეგორიულად გამორიცხავდა დაშლას, ბოლო დროს ხმამაღლა საუბრობენ იმასთან დაკავშირებით, რომ კოალიციის დაშლა ტრაგედია არ იქნება. ამ განცახდებას "ქართული ოცნების" წევრი დავით ლორთქიფანიძე და კახა კალაძეც ეთანხმებიან.

"ქალთა მოძრაობამ" და სხვა ორგანიზაციების წარმომადგენლებმა 8 მარტს პარლამენტის წინ გამართულ აქციაზე მოითხოვეს, რომ საქართველოს პარლამენტმა კენჭი უყაროს კვოტების კანონპროექტს საარჩევნო სიის შედგენის კანონით დარეგულირებაზე, რომელიც პარლამენტში ქალების 25% წარმომადგენლობას უზრუნველყოფს.

სამართალდამცველებმა ალექსი პეტრიაშვილზე განხორციელებულ თავდასხმაში ბრალდებული, 1975 წელს დაბადებული ლევან მ. დააკავეს. გამოძიების ინფორმაციით, ბრალდებულმა, თანამზრახველთან ერთად, მიმდინარე წლის 26 თებერვალს თბილისში, საბურთალოზე, წმ. გიორგის სახელობის ეკლესიის მიმდებარე ტერიტორიაზე არსებულ ძმათა სასაფლაოზე, ალექსი პეტრიაშვილზე თავდასხმა განახორციელა. ლევან მ-მ, თანამზრახველთან ერთად, ალექსი პეტრიაშვილს თავის არეში ჩაქუჩით დაზიანებები, ხოლო ცეცხლსასროლი იარაღიდან გასროლით ჭრილობები მიაყენა, შემდეგ კი ხელკეტი რამდენჯერმე ჩაარტყა. თავდამსხმელები მიიმალნენ. პოლიციამ ლევან მ. ბორჯომში დააკავა.

საპარლამენტო უმრავლესობაში სამთავრობო ცვლილებების მოლოდინია. როგორც საპარლამენტო უმრავლესობის წევრმა დავით ლორთქიფანიძემ ჟურნალისტებს განუცხადა, ის ფიქრობს, რომ მთავრობაში ცვლილებები იქნება.

მმართველ კოალიციაში არსებული დაპირისპირების ფონზე, პოლიტიკურ წრეებში კოალიციის შესაძლო დაშლაზე საუბრობენ. ასეთი ალბათობა არც პრემიერმა კვირიკაშვილმა გამორიცხა.

კოალიცია "ქართულ ოცნებაში" მიმდინარე დაპირისპირება დღითი დღე მწვავდება - "მრეწველების" ლიდერის, გოგი თოფაძის ბრალდება, რომ თავდაცვის მინისტრმა თინა ხიდაშელმა საგარეჯოში არჩევნები გააყალბა, უპასუხოდ არ დარჩენილა და "რესპუბლიკურ" პარტიაში საკმაოდ მწვავე განცხადებები გაკეთდა. აღნიშნულ საკითხთან დაკავშირებით გამოძიებაც დაიწყო.

კოალიცია "ქართული ოცნებაში" დაპირისპირება გრძელდება. ცოტა ხნის წინათ ერთმანეთს პარტია "მრეწველები" და "რესპუბლიკელები" ღიად დაუპირისპირდნენ. ამას ბიძგი მისცა გოგი თოფაძის ბრალდებამ, რომ თავდაცვის მინისტრმა თინა ხიდაშელმა საგარეჯოში არჩევნები გააყალბა.

"საერთაშორისო გამჭვირვალობა - საქართველოს" აღმასრულებელი დირექტორის, ეკა გიგაურის შეფასებით, საკონსტიტუციო სასამართლოს თავმჯდომარესა და მოსამართლეებზე ზეწოლა ხორციელდება. ამის შესახებ გიგაურმა "ინტერპრესნიუსს" საკონსტიტუციო სასამართლოს თავმჯდომარის, გიორგი პაპუაშვილის განცხადებაზე კომენტირებისას განუცხადა, რომელმაც ევროსასამართლოს მოსამართლეობის კანდიდატების შერჩევის პროცესს "პოლიტიკურად მოტივირებული" უწოდა.

ტყიბულში გაფიცული მაღაროელები ქალაქის გამგეობასთან აქციას კვლავ აგრძელებენ. მათი მოთხოვნები უცვლელია და სამუშაო გარემოს გაუმჯობესებასთან ერთად, ხელფასების დაუყოვნებლივ მომატებას ითხოვენ.

2 კვირაზე მეტია, რაც ტყიბულში ათასამდე მეშახტეა გაფიცული. ისინი ხელფასების მომატებასა და სამუშაო პირობების გაუმჯობესებას ითხოვენ. მუშები მას შემდეგ გაიფიცნენ, რაც მაღალმთიანი რეგიონების შესახებ კანონი დამტკიცდა, რომლის მიხედვითაც ტყიბულის რაიონს და მისი 14 სოფელს მთიანი რეგიონის სტატუსი მოეხსნა. ახალმა კანონმა კი მათი ანაზრაურება შეამცირა, ისინი ჩვეულებრივ 20%-ით იბეგრებიან.

გუშინ უცნობმა პირებმა "თავისუფალი დემოკრატების" ერთ-ერთ ლიდერს, ალექსი პერტიაშვილს ფიზიკური შეურაცხყოფა მიაყენეს და ცეცხლსასროლი იარაღით ორივე ქვედა კიდური დაუზიანეს.