„როგორც ჩანს, ხაზარაძემაც დაინახა, რომ საჭიროა არა ზოგადად 12-12 კაცის პრეზენტაცია, არამედ ისეთი ჯგუფის შექმნა, ყოველ შემთხვევაში საარჩევნოდ მაინც, სადაც ცნობადი სახეები იქნებიან, რადგან გვინდა თუ არა, ამომრჩეველი ნებისმიერ პოლიტიკურ ორგანიზაციას სწორედ ასეთ ფორმას თავად კარნახობს", - ასე აფასებს „რეზონანსთან" ანალიტიკოსი ვახტანგ ძაბირაძე აწ უკვე პოლიტიკურ პარტიაში „ლელო საქართველოსთვის" „შენების მოძრაობისა" და „ახალი მემარჯვენეების" შესვლას.

პროპორციულ საარჩევნო სისტემაზე გადასვლის დაპირების ჩაგდებამ, საქართველოს ხელისუფლების რეპუტაცია საერთაშორისო პარტნიორების თვალში საგრძნობლად შეცვალა. ბოლო პერიოდში დასავლეთის მხრიდან საკმაოდ ხშირად გვესმის „ქართული ოცნების" მიმართ გამოთქმული კრიტიკა და საუბარი იმის შესახებ, რომ ქვეყნის მმართველმა პოლიტიკურმა ძალამ დაპირება, რომელიც ახალ საარჩევნო სისტემას გულისხმობდა, არ შეასრულა.

საქართველოს კთალიკოს-პატრიარქმა ილია II-მ 17 ნოემბერს ოფიციალური წერილით მიმართა რუსეთის პატრიარქ კირილს, სადაც ორ საკითხზე ამახვილებდა ყურადღებას - შეშფოთებას გამოთქვამდა მოსკოვის საპატრიარქოს მიერ აფხაზეთსა და ცხინვალის რეგიონში რუსი მღვდელმსახურების ოფიციალურად გაგზავნის გამო და რუსული ეკლესიის წინამძღვარს დახმარებას სთხოვდა ცხინვალში პატიმრობაში მყოფი ექიმ ვაჟა გაფრინდაშვილის გათავისუფლებაში. 20 დეკემბერს დე ფაქტო სასამართლომ ქართველ ექიმს მაქსიმალური შესაძლო ვადით - 1 წლითა და 9 თვით პატიმრობა მიუსაჯა. ილია II-ის წერილზე პასუხი კი მოსკოვის საპატრიარქოდან საერთოდ არ მოსულა.

„იმ შემთხვევაში, თუ ელჩზე აგრემანი არ გაიცა, შესაძლებელია, რომ ამერიკამ უკვე გადახედოს ივანიშვილის ანგარიშებს და ხელისუფლების მიმართ კრიტიკა კიდევ უფრო გაძლიერდეს," - აცხადებს საერთაშორისო ექსპერტი ნიკა ჩიტაძე „რეზონანსთან" საქართველოში აშშ-ის ელჩად კელი დეგნანის დანიშვნაზე საუბრისას.

„დემოკრატიული მოძრაობა - ერთიანი საქართველოს" ლიდერის, ნინო ბურჯანაძის განცხადებას იმის შესახებ, რომ შექმნილი პოლიტიკური კრიზისი შეიძლება რევოლუციამდეც კი მივიდეს, ანალიტიკოსი ზაალ ანჯაფარიძე არ იზიარებს და „რეზონანსთან" საუბრისას ამბობს, რომ ეს უბრალოდ საზოგადოებაში ნიადაგის მომზადებაა იმ შემთხვევისათვის, თუკი ოპოზიცია მსგავსი ნაბიჯის გადადგმას გადაწყვეტს. ბურჯანაძის მხრიდან სიტყვა „რევოლუციის" ხსენებას ანალიტიკოსი „პოლიტიკურ სიბეცესა" და „მოვლენების განჭვრეტი უნარის არქონას" უკავშირებს.

სუს-ის უფროსის  ყოფილი მოადგილე სოსო გოგაშვილი საკუთარი გუნდის წევრებს და კიდევ სხვა პირებს ორაზროვან  მუქარანარევ  გაფრთხილებას უგზავნის და ის სოციალურ ქსელში საკმაოდ საინტერესო  განცხადებას აკეთებს. გოგაშვილი ხელისუფლებას აფრთხილებს, რომ დროზე დასრულდეს პანკისში მომხდარი სპეცოპერაციის და თემირლან მაჩალიკაშვილის მკვლელობის ირგვლივ დაწყებული გამოძიება. წინააღმდეგ შემთხვევაში ის ამბობს, რომ იტყვის ბევრ რამეს და შოკისმომგვრელ ინფორმაციას გაავრცელებს.

„არ მგონია ეს დასავლეთის კონსოლიდირებული პოზიცია იყოს, ამდენად სიტუაცია ჯერ არ გართულებულა. ამ ეტაპზე მსგავსი განცხადებები უფრო სურვილია, ვიდრე რეალობა, თუმცა ხელისუფლების ადგილზე მშვიდად არ ვიქნებოდი“, - ასე ეხმურება პოლიტოლოგი კორნელი კაკაჩია „ახალი საქართველოს“ ლიდრის გიორგი ვაშაძის განცხადებას იმის თაობაზე, რომ დასავლეთის მხრიდან უკვე განიხილება ბიძინა ივანიშვილის ანგარიშების დაყადაღების საკითხი. 

რა მოხდა რეალურად გალის ქუჩაზე და ვინ არიან პირები, რომლებიც შინაგან საქმეთა სამინისტრომ პირველი პრეზიდენტის შვილის ცოტნე გამსახურდიაზე თავდასხმის გამო დააკავა. ცოტნე გამსახურდიას განზრახ მკვლელობის მცდელობის მუხლით ერთი პირი, მისივე უბნელი დააკავეს, ხოლო 4 პირიდან, რომელსაც გამოძიება დანაშაულის შეუტყობინლებლობას ედევაება, 3 ასევე გალის ქუჩის მცხოვრებლები არიან, ერთი კი გამსახურდიას ბავშვობის მეგობარი პეტრე ყუფარაძეა. მას გამოძიება დანაშაულის შეუტყობინებლობას ედავება. 

„ირაკლი შოთაძის საკონსტიტუციო სასამართლოს თავმჯდომარედ შესაძლო დანიშვნას მხოლოდ ერით ახსნა აქვს - რომ მოხდება საკონსტიტუციო სასმართლოს სრული კონტროლი. „ოცნებამ“ ეს ინსტიტუტიც მოთხარა“, - აცხადებს იურისტი და უფლედამცველი ლია მუხაშავრია ყოფილი გენერალური პროკურურის ირაკლი შოთაძის საკონსტიტუციო სასამართლოს თავმჯდომარედ შესაძლო დანიშვნასთან დაკავშირებით.

გამომძიებელ მარიამ ჩოლოიანის ადვოკატი გაგი მოსიაშვილი, რომელიც 15 წლის მოზარდის გარდაცვალების საქმესზე წარდგენილ ბრალდებებთან დაკავშირებით ჩოლოიანს იცავს, ამბობს, რომ დაკითხვის მსვლელობისას მოწმეთა დაპირისპირება არ ყოფილა. რაც შეეხება წინასწარ პატიმრობაში მყოფი გამომძიებლის ჯანმრთელობის მდგომარეობას, იგი ადასტურებს, რომ ჩოლოიანმა ვერ შეძლო ბრალის წარდგენის დროს ხელის მოწერა, თუმცა სხვა დეტალებზე საუბრისგან თავს იკავებს.

„არ ვიცი, რას გულისხმობს დღევანდელი ოპოზიცია ამ განცხადებაში, მითუმეტეს, რომ მუდმივად ხაზს უსვამს, რომ კონსტიტუციის ფარგლებიდან არ გავა. დამოურჩილებლობა კი ნიშნავს, რომ უარს ამბობ სახელმწიფო სტრუქტურებზე“, - ასე ეხმაურება პოლიტოლოგი ვახტანგ ძაბირაძე ოპოზიციის სამომვალო გეგმებს.

„ცხადია, ყველა თავისას ცდილობს... მაგრამ, ვერ ვხვდები, ხოლმე ეგეთ რაღაცებს. წარმოდგენა არ მაქვს, რამდენად რეალურია ეგ", - ასე აფასებს „რეზონანსთან" საუბრისას უმრავლესობის დეპუტატი რევაზ არველაძე „ფეისბუკის" მიერ 400-ზე მეტი ქართული ანგარიშის დაბლოკვას.