„მე არ ვარ წინააღმდეგი, ძალიან კარგი იქნება თუ პლებისციტი ჩატარდება, მაგრამ დადებითი პასუხის შემთხვევაში პარლამენტმა უარი რომ თქვას, მაშინ რას ვშვრებით?" - ასე აფასებს „რეზონანსთან" ანალიტიკოსი ვახტანგ ძაბირაძე, საარჩევნო სისტემასთან დაკავშირებით, პლებისციტის ან რეფერენდუმის ჩატარების იდეას, რომელიც ჯერ უმრავლესობის ყოფლმა დეპუტატმა აკაკი ზოიძემ გააჟღერა, ხოლო შემდეგ პრემიერმინისტრის მრჩეველმა სოზარ სუბარმა.

ოპოზიციამ და მმართველმა გუნდმა საზოგადოება მოლაპარაკებების მეოთხე რაუნდის ლოდინის რეჟიმში ჩააყენეს, პირველი სამი რაუნდის შედეგებით, მხარეები ვერაფერზე ვერ შეთანხმდნენ,"ქართული ოცნება" ოპოზიციის მიერ შეთავაზებულ ყველა საარჩევნო ვარიანტს არაკონსტიტუციურს უწოდებს და მომდევნო რაუნდებში განსახილველად ახალი თემების განხილვას სთავაზობს, ანალიტიკოსები კი მიიჩნევენ, რომ ამით ისინი დროის გაწელვას ცდილობენ.

ექიმ ვაჟა გაფრინდაშვილის საკუთარ მიწაზე ტყვეობის 37-ე დღეა და კვლავ გაუცემელია კითხვაზე  პასუხი, როდის მოხდება მისი ცხინვალის იზოლატორიდან გათავისუფლება. საზოგადოებას და მის ოჯახს ჰქონდა მოლოდინი, რომ 13 დეკემბერს ცხინვალში გამართულ „სასამართლოზე“ მას გაათავისუფლებდნენ, თუმცა მოლოდინი ფუჭი აღმოჩნდა. 

„მრავალმანდატიანი სისტემა ჩემთვის მისაღები არა არის", - ასე ეხმიანება „რეზონანსთან" საუბრისას მაჟორიტარი დეპუტატი და ბიზნესმენი კახა ოქრიაშვილი, ხელისუფლებისა და ოპოზიციას შორის გამართულ მოლაპარაკებების მესამე რაუნდს.

„მრავალმანდატიან მაჟორიტარულ ოლქებზე თუ შეთანხმდებიან, შეიძლება ეს ერთგვარი გამოსავალი იყოს, რომ პოლიტიკური კრიზისი არ შეიქმნას, მაგრამ ამ ცვლილებას სჭირდება კონსტიტუციის გადასინჯვა და 113 ხმა“ - ასე ეხმაურება კონსტიტუციონალისტი ავთანდილ დემეტრაშვილი ცნობას იმის თაობაზე, რომ ოპოზიცია და ხელისუფლება საარჩევნო სისტემასთან დაკავშირებულ ცვლილებაზე თითქმის შეთანხმდა.

საქართველოს მე-5 პრეზიდენტის, სალომე ზურაბიშვილის ინაუგურაცია ერთი წლის წინ - 2018 წლის 16 დეკემბერს თელავში, ერეკლე მეორის სასახლეში შედგა. ანალიტიკოს რამაზ საყვარელიძის შეფასებით, მისი ერთწლიანი მოღვაწეობისას საგარეო კურსი უფრო მეტად პროდუქტიული იყო ვიდრე საშინაო. მისივე თქმით, ერთი წლის წინ გაკეთებული პროგნოზი, რომ ზურაბიშვილისა „ქართული ოცნების" ურთიერთობაში სირთულეები იქნებოდა, მეტ-ნაკლებად ახდა.

ჯერჯერობით დაუდასტურებელი ინფორმაციით, ბოლო დღეებია აქტიურად მიდის კონსულტაციები „ოცნების“ ყოფილ წევრ თამარ ჩუგოშვილთან, რათა იგი გახდეს მოძრაობა „ლელოს“ წევრი. თავად „ლელოში“ ამ ცნობას არ ადასტურებენ, თუმცა აცხადებენ, რომ დღეს შექმნილ სიტუაციაში განსაკუთრებით მნიშვნელოვანია დიდი ოპოზიციური გაერთიენებების ფორმირება.

რუსეთის ფედერაციის საგარეო საქმეთა სამინისტროს პრეს–სპიკერი მარია ზახაროვა აცხადებს, რომ თბილისში თავის მეგობრებთან სტუმრობაზე ოცნებობს, მაგრამ პოლიტიკური მოსაზრებებიდან გამომდინარე, ამისგან თავს იკავებს. ამის შესახებ ზახაროვამ „სპუტნიკის“ მიერ ორგანიზებული მოსკოვი–თბილისი–კიშინიოვი–მინსკის ვიდეოხიდის მიმდინარეობისას განაცხადა.

„არ ვიცი „ქართული ოცნება" რა მიზნებს ისახავდა, მაგრამ თუ სურდათ ეჩვენებინათ, რომ საზოგადოებაში და ამომრჩეველში მათ საკმაოდ სერიოზული მხარდაჭერა აქვთ, ამ კუთხით გარკვეულწილად მიზანს მიაღწიეს," - ასე აფასებს „რეზონანსთან" ანალიტიკოსი ზაალ ანჯაფარიძე 14 დეკემბერს „ქართული ოცნების" მიერ გამართულ აქციას.

სახალხო დამცველის განცხადება ყოველგვარ საფუძველს მოკლებულია და ბოლო ხანებში მისი განცხადებები ერთი კონკრეტული მხარის პოზიციას წარმოადგენს - ამის შესახებ საპარლამენტო უმრავლესობის წევრმა ნუკრი ქანთარიამ განაცხადა „რეზონანსთან" სახალხო დამცველის მიერ 14 დეკემბრის აქციაზე ხალხის იძულებით მიყვანის შესახებ გაკეთებული განცხადების კომენტირებისას.

„ხელისუფლება არჩევნებმადე ვა-ბანკზე მიდის, ამიტომ გამორიცხული არ არის დაიწყოს დაჭერების სერია და რეპრესიები არასამთავრობო ორგანიზაციების მიმართ“, - ასე ეხმაურება იურისტი და უფლებადამცველი ლია მუხაშავრია გავრცელებულ ინფორმაციას იმის თაობაზე, რომ ხელისუფლება „ევროპული საქართველოს“ ერთ-ერთი ლიდერის, გიგა ბოკერიას წინააღმდეგ მტკიცებულებებს აგროვებს და ოპოზიციის წარმომადგენელთა დაკავების მორიგი სერიისთვის ემზადება.

„ეს ჩვეულებრივი პროცედურაა და ხალხის უნდობლობაზე არაა. ისაა სახელმწიფო მოღვაწე, პარტიის თავმჯდომარე, მაღალი დონის ბიზნესმენი და ასეთი ადამიანებისთვის ამის ჩაცმა ჩვეულებრივი მოვლენაა", - ასე აფასებს „რეზონანსთან" ექსპერტი უსაფრთხოების საკითხებში ვახტანგ მაისაია სოციალურ ქსელებში გამოთქმულ მოსაზრებას, რომ შესაძლოა 14 დეკემბრის „ქართული ოცნების" ფართომასშტაბიან შეკრებაზე ბიძინა ივანიშვილს ჯავშანჟილეტი ეცვა.