„ქართული ოცნების" იმიჯი სერიოზულად არის შელახული და ეს განპირობებულია ობიექტური მიზეზებით. რაც მოხდა საქართველოში, დასავლური სტანდარტით წარმოუდგენელია. როდესაც ხელისუფლება პირდება საზოგადოებას, როგორც ქვეყნის შიგნით, ასევე მის გარეთ, ფაქტობრივად, მიღწეული პოლიტიკური კონსენსუსი, ამ დროს ხელისუფლება ძალიან უხეში ფორმით აყირავებს ამ მაგიდას, - თავისივე დაპირებაზე უარს ამბობს," - აცხადებს „რეზონანსთან" ანალიტიკოსი გია ხუხაშვილი ქვეყანაში მიმდინარე პოლიტიკური პროცესების შესახებ საუბრისას.

ხელისუფლება დეზინფორმაციის გავრცელების პრევენციის მოტივით სანქციების შემოღებას გეგმავს. საპარლამენტო უმრავლესობის წევრი ირაკლი კობახიძე აცხადებს, რომ შესაბამისი კანონპროექტი არა მხოლოდ მომზადებულია, არამედ პარლამენტშიც ინიცირებულია და მისი განხილვა მოხდება მხოლოდ იმ არასამთავრობოებთან, „რომლებიც დღეს საუბრობენ დეზინფორმაციაზე". ანალიტიკოსებისა და არასამთავრობოების ნაწილი ამას ცენზურის დაწესების მცდელობად აფასებს.

„სარჩელს არ ვიცნო, ამიტომ რა პერსპექტივა აქვს მელიას აღუდგეს მანდატი, ვერ გეტყვით, მაგრამ საკონსტიტუციო სასამართლოს გადაწყვეტილება არ საჩივრდება და როგორც არ უნდა გააპროტესტონ, გადაწყვეტილება საბოლოო იქნება“, - ასე ეხმაურება იურისტი და უფლებადამცველი ლია მუხაშავრია „ნაციონალური მოძრაობის“ მიერ შეტანილ სარჩელს, ნიკა მელიასათვის სადეპუტატო უფლებამოსილების შეწყვეტასთან დაკავშირებით.

15 წლის ლუკა სირაძის ოჯახი, რომელმაც 11 დეკემბერს პოლიციაში დაკითხვის შემდეგ თვითმკვლელობა სცადა და საბოლოოდ გარდაიცვალა, გამოძიების მსვლელობით უკმაყოფილებას გამოთქვამს. ოჯახი მოითხოვს, რომ გამომძიებელ მარიანა ჩოლოიანის გარდა სხვა პოლიციელების დაკავებაც მოხდეს, რომლებიც ბავშვზე ასევე ზეწოლას ახორციელებდნენ. 

„გონიერი ხელისუფლება რომ გვყავდეს, ამ განცხადებას ძალიან სერიოზულად შეხედავდა, რომ მთლად კარგად არ აქვთ საქმე და მყისიერად დაიწყებდა სამართლებრივ რეფორმას, კერძოდ პროკურატურასთან მიმართებაში, რადგან ეს არის ძალიან მნიშვნელოვანი ინსტიტუტი და ამ ინსტიტუტის სათავეში უნდა იყოს ხალხის რჩეული და არა ხელისუფლების მიერ დანიშნული", - ასე ეხმაურება პარტია „კანონი და სამართალის" თავმჯდომარე თაკო ჩარკვიანი აშშ-ის სახელმწიფო დეპარტამენტის მოწოდებას საქართველოს მთავრობისადმი, რომ უზრუნველყოს პროკურატურის თავისუფლება პოლიტიკური მიკერძოებულობისაგან.

ხელისუფლება კიდევ ერთხელ ალაპარაკდა მედიისთვის და კერძოდ, ტელევიზიებისთვის გარკვეული შეზღუდვების დაწესებაზე. შესაბამისი კანონპროექტი, რომელიც სავარაუდოდ დეზინფორმაციის გავრცელებასა და ამასთან დაკავშირებულ სანქციებს ეხება, უკვე პარლამენტშია ინიცირებული. საპარლამენტო უმრავლესობაში მიიჩნევენ, რომ ეს არა ცენზურის, არამედ გარკვეული ეთიკური სტანდარტების დაწესებას ნიშნავს.

„ჩვენს ამერიკელ პარტნიორებს ჩვენთან ნართაული საუბარი არ სჭირდებათ, ის, რაც სათქმელი აქვთ პირდაპირ გვეუბნებიან", - ასე ეხმაურება საგარეო საქმეთა ყოფილი მინისტრი ირაკლი მენაღარიშივლი აშშ-ის სახელმწიფო დეპარტამენტის განცხადებას.

„მას (ერეკლე კუხიანიძეს) არ უნდოდა გუნდში ყოფნა და კარგია, რომ გუნდიდან გაუშვეს. უფრო სწორიც იქნებოდა არსებობდეს მექანიზმი, რომ საკრებულოდან გაუშვან," - აცხადებს „რეზონანსთან" საპარლამენტო უმრავლესობის წევრი რევაზ არველაძე თბილისის საკრებულოს დეპუტატის, ერეკლე კუხიანიძის „ქართული ოცნებიდან" გარიცხვის კომენტირებისას.

„ეს საქართველოში პოლიტიკური ბრძოლის ერთ-ერთი სიახლე-ინოვაციაა, რომელიც გამოიყენა „ევროპულმა საქართველომ" და მასთან აფილირებულმა დაჯგუფებებმა, ეს ახალი პოლიტტექნოლოგია, იმედია ამას „ქართული ოცნებაც" გამოიყენებს და იმ საშიშ ბოტებს და ტროლებს გამოავლენს, რომელსაც მეორე მხარე არანაკლებ ინტენსიურად იყენებს," - ასე ეხმიანება ექსპერტი უსაფრთხოების საკითხებში ვახტანგ მაისაია, „ფეისბუქის" მიერ საქართველოს ხელისუფლებასთან დაკავშირებულ ასობით გვერდის, ანგარიშის და ჯგუფის წაშლას.

არ არის გამორიცხული, რომ პირველი პრეზიდენტის შვილის ცოტნე გამსახურდიას საქმის ირგვლივ დაკავებულთა წრე გაიზარდოს.  როგორც „რეზონანსს“ სანდო წყაროსგან აქვს ინფორმაცია, გამოძიება ჩხუბში მონაწილე, შესაძლო სხვა პირების გამოვლენაზეც მუშაობს. ასევე, დაკავებული პირებიდან სამი მათგანი სხვადასხვა საქმეებზე უკვე ნასამართლეები არიან. 

ქვეყანაში არსებული პოლიტიკური ვითარების ფონზე, რაზეც საერთაშორისო პარტნიორები პასუხისმგებლობას საქართველოს ხელისუფლებას აკისრებენ, დასავლეთის მხრიდან მმართველ ძალაზე ზეწოლა და კრიტიკა დღითიდღე იზრდება. შერიგებისა და სამოქალაქო თანასწორობის ყოფილი სახელმწიფო მინისტრი პაატა ზაქარეიშვილი პროგნოზირებს, რომ, როგორი საარჩევნო სისტემაც არ უნდა იყოს, 2020 წლის საპარლამენტო არჩევნებში უპირატესობა ოპოზიციურ სპექტრს, კერძოდ „ნაციონალურ მოძრაობასა" და „ევროპულ საქართველოს" ენიჭება,

თურქეთის პრეზიდენტი ისევ ევროპაში ლტოლვილების გაშვებით იმუქრება - სირიიდან კერძოდ იდლიბის პროვინციიდან თურქეთისკენ ლტოლვილების ახალი 80 ათასიანი ტალღა მიემართება, რომელსაც რეჯეფ ტაიფ ერდოღანი ევროპაში გადანაწილებას უმზადებს, ექსპერტები ამბობენ, რომ დღეს შესაძლოა ერდოღანმა მიგრანტების საკითხი რეალობად აქციოს, რადგან იგი მიიჩნევს, რომ მისმა დასავლელმა პარტნიორემბა მათი წილი ვალდებულებები არ შეასრულეს.