რუსეთის პრეზიდენტი ვლადიმირ პუტინი მიზანშეწონილად მიიჩნევს ჩეჩნეთის გავლით რუსეთიდან საქართველოს მიმართულებით გზის მშენებლობას, თუმცა, აღნიშნავს, რომ ეს პროექტი ტრანსპორტის სამინისტროს პრაქტიკულ გეგმებში არ შედის. ამის შესახებ პუტინმა მოსკოვში გამართულ მასშტაბური პრესკონფერენციის დროს ისაუბრა.

15 დეკემბერს „ქართული ოცნებისა" და ოპოზიციის შეხვედრის მესამე რაუნდის დასრულების შემდეგ, ორივე მხარემ სრულიად საპირისპირო განცხადებები გააკეთა საარჩევნო სისტემის ცვლილებასთან დაკავშირებით. ოპოზიციის წარმომადგენლები ამბობდნენ, რომ მრავალმანდატიან ოლქებზე მოხდა შეთანხმება, თუმცა, ხელისუფლება კვლავ აღნიშნავდა, რომ „გერმანული მოდელის" ვარიაციებით, რაშიც მრავალმანდატიანი ოლქებიც შედის, არჩევნები არ ჩატარდება.

15 წლის მოზარდის საქმეზე კონკრეტული პირების გარდა, იურისტი და უფლებადამცველი ლია მუხაშავრია მაღალი რანგის პირების პოლიტიკურ პასუხისმგებლობასაც არ გამორიცხავს. ტრაგიკულ შემთხვევაზე საუბრისას ამბობს, რომ სისტემა გასაწმენდია ყველა იმ სუბიექტისაგან, რომელიც საზოგადოებას საფრთხეს უქმნის და საჭიროა ამ სისტემის კარდინალური ცვლილება იმისათვის, რომ მსგავსი ფაქტები აღიკვეთოს.

ლუკა სირაძის გარდაცვალების შემდეგ საქმის ირგვლივ ახალი დეტალები ხდება ცნობილი. შესაძლოა გამოძიება სხვადასხვა მიმართულებით წარიმართოს და დაკავებული პირების წრეც გაიზარდოს. 

„თუ ტრამპა მართლაც გამოიყვანა ავღანეთიდან ჯარების ის რაოდენობა, რაზეცაა საუბარი, რამდენად შეძლებს დარჩენილი კონტინგენტი ჯიჰადისტური დაჯგუფებების შეკავებას, რომლებიც ახლა ავღანეთში მოქმედებენ,ეს სხვა საკითხია, აქედან გამომდინარე ჩვენი კონტინგენტის უსაფრთხოებუს საკითხიც დგება." - ასე აფასებს „რეზონანსთან" ექსპერტი უსაფრთხობის საკითხებში ვახანგ მაისაია ინფორმაციას იმის შესახებ, რომ აშშ ავღანეთიდან ჯარების ნაწილის გაყვანას გეგმავს.

„თუ ეს პროექტი განხორციელდა, საქართველო ამაში მონაწილეობას მიიღებს. განიხილებოდა პროექტი, რომლითაც გათვალისწინებული იყო გაზის ტრანსპორტირება აზერბაიჯანიდან უკრაინის მიმართულებით, მათ შორის საქართველოს გავლით," - აცხადებს „რეზონანსთან" ანალიტიკოსი ნიკა ჩიტაძე სამხეთ კორიდორის გაფართოების შესაძლებლობის შესახებ საუბრისას, რომლის განხილვასა და შესწავლას აზერბაიჯანი და უკრაინა აპირებს.

"მუდმივი არსატაბილურობა არა მხოლოდ "ქართული ოცნებისთვის" არის ცუდი, არამედ ქვეყნისთვის. ამ კრიზისის პროვოცირება თავად ხელისუფლებამ მოახდინა, თავისი გადაგდება-გადმოგდებით, მაგიდაც თვითონ ააყირავა, ამიტომ მუდმივმა რყევამ კი არა, ერთმა წვეთმა შეიძლება კედელი დაანგრიოს" - ასე ეხმაურება პოლიტოლოგი გია ხუხაშვილი ქვეყანაში შექმნილ ვითარებას.

„ზამთარში გრიპი იქნება, მაგრამ გართულებას არ ველით," - ასე პასუხობს „რეზონანსთან" დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი პაატა იმნაძე საზოგადოებაში გაჩენილ პანიკას, რომელიც ბათუმში H1N1-ის ვირუსის პირველი შემთხვევის დაფიქსირების შემდეგ საზოგადოებაში გაჩნდა.

„გადადექი, გადადექის" ძახილი ფსიქოლოგიური ძალადობაა და დასავლური დემოკრატიის სტანდარტებში ეს ძალადობა ჯდება? თუკი მოითხოვენ შენ გადადგომას, უნდა გადადგე? - ასეთი კანონი არ არსებობს. ეს ხერხები რყევისთვის არ გამოდგება," - აცხადებს „რეზონანსთან" ანალიტიკოსი რამაზ საყვარელიძე 17 დეკემბერს, თბილისის საკრებულოში ხმაურისა და დაპირისპირების კომენტირებისას.

თბილისის საკრებულოს წევრმა „ქართული ოცნებიდან" ერეკლე კუხიანიძემ თავისი ფეისბუქპოსტის გამო ბოდიში მოიხადა, თუმცა ოპოზიციისა და სამოქალაქო აქტივისტების ნაწილი მოითხოვს ხელისუფლებამ კუხიანიძეს მანდატი დაატოვებინონ, რაც, საპარლამენტო უმრავლესობის ნუკრი ქანთარიას თქმით, ხელისუფლების გადასაწყვეტი არ არის და ეს გადაწყვეტილება თავად კუხიანიძემ უნდა მიიღოს.

„ხელისუფლებას სრულიად ჩამოყალიბებული, ცალსახა პოზიცია აქვს, რაც შერეულ საარჩევნო სისტემას ითვალისწინებს. მოლაპარაკებები იქნება მოლაპარაკებებისთვის, რადგან საერთაშორისო თანამეგობრობა მოითხოვს მოლაპარაკების მაგიდასთან დასხდნენ," - აცხადებს „რეზონანსთან" ანალიტიკოსი ვახტანგ ძაბირაძე დიპლომატიური კორპუსის ჩართულობით, ოპოზიციასა და მმართველ გუნდს შორის, საარჩევნო სისტემასთან დაკავშირებით, მოლაპარაკებების მეოთხე რაუნდის შესახებ საუბრისას, რომელიც 20 დეკემბერს გაიმართება.

რუსეთის საოკუპაციო რეჟიმის მიერ ე.წ. საზღვარზე გატაცებებმა და დაკავებებმა უკვე გახშირებული ხასიათი მიიღო, რასაც ანალიტიკოსი სამხედრო საკითხებში ვახტანგ მაისაია კორუფციულ სქემებს უკავშირებს, რასაც უშუალოდ რუსი ოკუპანტები და ოსი სეპარატისტები ახორიცრიელებენ. იმისათვის, რომ მსგავსი ფაქტები აღიკვეთოს, ანალიტიკოსის თქმით, აუცილებელია საქართველოს ხელისუფლებამ შესაბამისი ზომები მიიღოს.