„მე, რომ ზურაბიშვილის მრჩეველი ვყოფილიყავი, ვურჩევდი გაეხსენებინა აშშ-ის ექს-პრეზიდენტი. ზუსტად ეს აზრი ობამას აქვს გამოთქმული; მისი პოზიცია შემდეგ დასავლეთმა მეტ-ნაკლებად გაიზიარა, რადგან პროცესი შეანელა - „ნუ ვიჩქარებთ ამ ქვეყნების ნატო-ში გაწევრიანებას, რომ რუსეთმა არაფერი დაუშაოსო“ - მოტივი ეს იყო. აზრი ზუსტად იგივეა - იმ დროს არ გაკეთდეს, როდესაც რუსეთმა შესაძლოა პროვოცირება მოახდინოს, უნდა გაკეთდეს იმ დროს და ისე, რომ რუსეთს აგრესიის სურვილი ან შესაძლებლობა არ ჰქონდეს,“ - ასე აფასებს „რეზონანსთან“ საუბრისას ანალიტიკოსი რამაზ საყვარელიძე, საქართველოში სამხედრო ბაზის აშენების შესახებ პრეზიდენტ სალომე ზურაბიშვილის მიერ გამოთქმულ მოსაზრებას. 

ორ კვირაში შუალედური არჩევნები ტარდება, თბილისში, მთაწმინდაზე - პარლამენტში დეპუტატობისთვის, ხოლო 5 მუნიციპალიტეტში - მერობისთვის და დიდი ინტერესია, გაუჭირდება თუ არა „ქართულ ოცნებას“ რომელიმე ოლქში გამარჯვება, ან ელოდება თუ არა დამარცხება თუნდაც ერთ ოლქში, რადგან, პოლიტოლოგების შეფასებით, თუკი „ოცნების“ კანდიდატმა ერთ ოლქში მაინც წააგო, ეს მმართველი პარტიისთვის დამარცხების მძიმე პრეცენდენტს შექმნის, ოპოზიციას კი უფრო თავდაჯერებულს გახდის.

თელავში ათი წლის ბავშვს, სავარაუდოდ, ბებიამ სცემა. შემთხვევა რამდენიმე დღის წინ მოხდა. მეხუთე კლასის მოსწავლის სახეზე დაზიანებები მასწავლებელმა შენიშნა, რის შემდეგაც სკოლის ადმინისტრაციამ პოლიციის გამოძახება გადაწყვიტა. ბავშვი თელავის რეფერალურ საავადმყოფოში გადაიყვანეს და მკურნალობა ჩაუტარდა. 

„დავით გარეჯის პრობლემას უამრავი ფაქტორი განსაზღვრავს. ბევრი მათგანი გადავწყვიტეთ, მაგრამ მის ბოლომდე მოგვარებას დრო და სერიოზული ძალისხმევა სჭირდება, დელიმიტირების პროცესი მიმდინარეობდა და ახლაც მიმდინარეობს", - აცხადებს საგარეო საქმეთა ყოფილი მინისტრი ირაკლი მენაღარიშვილი „რეზონანსთან" საუბრისას.

„ქართულ ოცნებაში“ რღვევის ახალი ტალღა დაიწყო. კულუარული ინფორმაციით, ლევან კობერიძის შემდეგ, მმართველ პარტიის დატოვებას კიდევ რამდენიმე დეპუტატი გეგმავს. ბიძინა გეგიძე, რომან კაკულია და ალექსანდრე ერქვანია შესაძლოა პირველები აღმოჩნდნენ მათ შორის, ვინც ამ ნაბიჯს გადადგამს. ბიძინა გეგიძე „რეზონანსთან“ საუბარში ამ ინფორმაციას არც უარყოფს და არ ადასტურებს. მისი თქმით, ის მოსამართლეების თემასთან დაკავშირებით მოვლენების საბოლოო განვითარებას დაელოდება და გადაწყვეტილებას მხოლოდ ამის შემდეგ მიიღებს.

ვენესუელას ოპოზიციის წარმომადგენლები ბოლო ორი თვის განმავლობაში საიდუმლოდ ხვდებოდნენ ქვეყნის მაღალი თანამდებობის პირებსა და არმიის ხელმძღვანელობას. საუბრის თემა ხელისუფლების მშვიდობიანი გადაბარება იყო. ყველანი შეთანხმდნენ, რომ მოქმედ პრეზიდენტ ნიკოლას მადურო უნდა წასულიყო პოსტიდან. თუმცა, ბოლო მომენტში შეთანხმება ჩაიშალა. ამის შესახებ „უოლ სტრიტ ჯორნალი" წერს.

„საგანგაშო არაფერი არ ხდება, ისევე, როგორც კახიმ თქვა... მე დაპირისპირების არანაირ საფუძველს ვერ ვხედავ და გამორიცხულად მიმაჩნია, რომ სალომე ზურაბიშვილი „ქართულ ოცნებას" დაუპირისპირდეს", - ასე შეაფასა უმრავლესობის დეპუტატმა შოთა ხაბარელმა „რეზონანსთან" საუბრისას დედაქალაქის მერის, კახი კალაძის თხოვნა, რომ „ქალბატონი სალომე ზურაბიშვილი „ქართულ ოცნებასთან" არ გავაიგივოთ".

„ყოველ ინდივიდუალურ შემთხვევაში, ფაქტების განხილვა სასამართლოში ინდივიდუალურად მოხდება. არსებობს ორი კრიტერიუმი: ობიექტური, რომლითაც შეგვიძლია ვიმსჯელოთ, რომ ყველა პირის მიმართ მსგავსი ქმედება იქნება აღქმული, როგორც სექსუალური შევიწროება; და სუბიექტური მომენტი, როდესაც ინდივიდუალური მახასიათებლების გამო გარკვეული მოქმედება, სიტყვები და ფრაზები აღქმული იქნება, როგორც სექსუალური შევიწროება. ამ ორი ელემენტის ერთობლიობა შექმნის დანაშაულს," - აცხადებს „რეზონანსთან" იურისტი და უფლებადამცველი ლია მუხაშავრია პარლამენტის მიერ საკანონმდებლო პაკეტის დამტკიცების შესახებ საუბრისას, რომლის მიხედვითაც სექსუალური შევიწროება დასჯადი ხდება.

„თუკი ამერიკის შეერთებულ შტატებში ჩვენი პრეზიდენტის ეს ფრაზა სერიოზულად აღიქვეს, რაში სჭირდება ვაშინგტონს ამგვარი შემოვლითი გზების ძიება პასუხის გასაცემად?!... რაც შეეხება იმას, თუ რას ნიშნავდა ეს განცხადება - ეს სრულიად ბუნებრივია, რადგან ჩვენ სტრატეგიული პარტნიორები ვართ და გვაქვს თანამშრომლობის არაერთი სფერო", - ასე შეაფასა საქართველოს საგარეო საქმეთა ყოფილმა მინისტრმა, ირაკლი მენაღარიშვილმა პენტაგონის პრესსამსახურის უფროსის მიერ გაკეთებული განცხადება, რომ საქართველო აშშ-ის საკვანძო სტრატეგიული პარტნიორია, რომელთანაც აშშ დახურულ მოლაპარაკებებს მართავს.

"ოპოზიციამ თავადაც კარგად იცის, რომ ზუგდიდელები ხმას არ მისცემენ არაზუგდიდელს და ამას არ უშველის არც სააკაშვილის პოპულარობა ზუგდიდში და არც სანდრას სიმღერა მეგრულ ენაზე" - ასე ეხ-მაურება პოლიტოლოგი პეტრე მამრაძე "გაერთინეული ოპოზიციის" ოპტიმიზმს, რომელიც ზუგდიდში მათ უპირობო გამარჯვებას უკავშირდება.

საქართველო-აზერბაიჯანის საზღვრის სადელიმიტაციო კომისიის განახლებული შემადგენლობა, სავარაუდოდ, მთავრობის უახლოეს სხდომაზე დამტკიცდება, ამის შესახებ პრემიერმა მამუკა ბახტაძემ განაცხადა. დავით გარეჯის სამონასტრო კომპლექსზე თქვა, რომ აზერბაიჯანთან კომუნიკაცია ყველა მინისტრს დაავალა.

საქართველოსთვის ევროპაში უვიზოდ მიმოსვლის შეჩერების საფრთხე რეალურია, თავშესაფრის მთხოვნელი ქართველების რაოდენობის უკიდურესად გაზრდის გამო და ამაზე უკვე არა მხოლოდ ხელისუფლების მაღალჩინოსნებმა მოუხშირეს გამაფრთხილებელი განცხადებები, არამედ ექსპერტებიც აქტიურად საუბრობენ.