"თუ რამენაირად ბატონმა კობახიძემ გაიმარჯვა, ჩათვალეთ, რომ ის აღარ იქნება კობახიძე, ის უკვე ოფიციალურად უნდა ჩავინიშნოთ, როგორც კობახიძე-ივანიშვილისა. ეს გვარი მან უსათუოდ უნდა მიიწებოს," - ეს განცხადება პოლიტოლოგმა, სოსო ცისკარიშვილმა უზენაესი სასამართლოს მოსამართლეების საკითხთან დაკავშირებით უმრავლესობაში არსებულ დაპირისპირებაზე გააკეთა.

თბილისის პოლიციამ პროკურატურასთან ერთობლივად ჩატარებული საგამოძიებო ღონისძიებების შედეგად დიდ დიღომშიბუნებრივი აირის დაგროვების შედეგად გამოწვეული აფეთქების ფაქტზე, მოსამართლის განჩინების საფუძველზე ორი პირი დააკავა. 

H1N1-ით, ანუ ე.წ. ღორის გრიპით გარდაცვლილთა ოფიციალურმა რაოდენობამ დღეის მდგომარეობით 18 ადამიანი შეადგინა. დაღუპულთა რიცხვის მატების მიუხედავად, დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორი ამირან გამყრელიძე ამტკიცებს, რომ ეპიდემიის ზღვარზე არ ვართ.

ჯანდაცვის მინისტრი, დავით სერგეენკო კი ამბობს, რომ საქართველოში წითელას ეპიდაფეთქებაა. წითელაზე აცრა კი ყველა მოქალაქისთვის უფასო გახდება.

„ბესელიას, ალბათ, დაუძახებენ. ჯერ კომისიას მუშაობა არ დაუწყია. ეკა აუცილებლად უნდა იყოს ამ კომისიაში," - მოსამართლეთა სიასთან დაკავშირებით შექმნილ სამუშაო ჯგუფში, იურიდიული კომიტეტის ყოფილი თავმჯდომარე, ეკა ბესელია ჯერ კიდევ არ მიუწვევიათ, რასაც „რეზონანსთან" საუბრისას საპარლამენტო უმრავლესობის წევრი შოთა ხაბარელი ასე გამოემხაურა.

ჭყონდიდელი მიტროპოლიტი მეუფე პეტრე ცაავა სხალთის მთავარეპისკოპოსის მეუფე სპირიდონის კრიტიკასა და ბრალდებებს პასუხობს და ვრცელ წერილს აქვეყნებს, სადაც მეუფე პეტრე მისი მისამართით გამოთქმული ბრალდებების დამტკიცებას მეუფე სპირიდონისაგან მოითხოვს.

დიდ დიღომში დატრიალებული ტრაგედიის შემდეგ, სულ უფრო მეტი კითხვები ჩნდება, რა გახდა გაზის აფეთქების მიზეზი და ვინ შეიძლება იყოს დამნაშავე. ორ თვეში ეს უკვე მეორე ტრაგიკული შემთხვევა,  რამაც ადამიანების დაღუპვა გამოიწვია. ვინ აგებს 4 ადამიანის და 1 მცირეწლოვანი ბავშვის გარდაცვალებაზე პასუხს, ჯერჯერობით უცნობია.  როგორც ცნობილი ხდება, კორპუსი ექსპლუატაციაში შესული არ იყო, თუმცა ბინებში მოქალაქეები მაინც ცხოვრობდნენ.

15 იანვარს ვერაზე მომხდარი სისხლიანი გარჩევის საქმეზე დაკავებულ გიორგი ადუაშვილსა და კონსტანტინე ჯორბენაძეს ბრალი ოფიციალურად წაუყენეს. ბრალის დადგენილება ადუაშვილს კლინიკაში გააცნეს, სადაც ის ამ დრომდე რჩება. რაც შეეხება მეორე დაკავებულს, ის დროებითი მოთავსების იზოლატორშია.

"სასამართლოსთან მიმართებაში საზოგადოებას გარკვეული შთაბეჭდილება უკვე ჩამოუყალიბდა და არა მარტო პოლიტიკური სპექტრი, არამედ საზოგადოებაც, არასამთავრობოებიც, მეცნიერებიც და ადვოკატებიც, ყველა მურუსიძე-ჩინჩალაძის კლანს აღნიშნავს. ამ ახალგაზრდებს ცხოვრების გამოცდილება, ეტყობა, მცირე აქვთ, ვერ ხვდებიან და ჰგონიათ, რომ იმ ქვეყანაში იმყოფებიან, სადაც კლანურ ცხოვრებას მოაწყობენ", - აღნიშნავს დამოუკიდებელი დეპუტატი დავით ჭიჭინაძე "რეზონანსთან" საუბრისას.

„არ ვიცით, საბოლოო ჯამში, რა ხდება და როგორ ხდება. რატომ მოხდა შარშან და რამ გამოიწვია დღევანდელმა. ეს ყველაფერი ხელისუფლებისადმი აჩენს უნდობლობას და რა თქმა უნდა ეჭვს, რომ ვიღაცის ინტერესებში არის დამალოს რეალური მიზეზი, თუ რატომ ხდება ეს ტრაგედიები," - აცხადებს ანალიტიკოსი ვახტანგ ძაბირაძე დიდი დიღმის ტრაგედიაზე საუბრისას.

სკანდალური განცხადების შემდეგ, ჭყონდიდელი მიტროპოლიტი, მეუფე პეტრე, სინოდიდან გარიცხვას ელოდება. უფრო მეტიც,  ის არ გამორიცხავს, რომ მას სასულიერო პირის წოდებაც კი შეუჩერონ. ამის მიზეზი კი უწმინდესის მიმართ გაკეთებული შეფასებაა, რომ მას „პატრიარქის მწყემსიკეთილიანობის აღარ სჯერა“ . ტვ "პირველის“ ეთერში მეუფემ განაცხადა, რომ  ის ყველაფრისთვის მზად არის.  

ცხინვალის პარლამენტში სულ მალე დიდი განხილვა იწყება, როგორ მოხდა დანარჩენ საქართველოსთან ე.წ. საზღვრის გავლება და „სამხრეთ ოსეთის კუთვნილი მიწებიდან" რა ნაწილი აღმოჩნდა საქართველოს კონტროლირებად ტერიტორიაზე.

ცხინვალის რეჟიმი აცხადებს, რომ ოსების კუთვნილი ტერიტორიების ნაწილი, საცხოვრებელი სახლები, მიწები და მათ შორს წიაღისეულით მდიდარი ტერიტორიები „საზღვრის" გავლების შემდეგ რატომღაც „მეზობელი - საქართველოს ტერიტორიაზე დარჩა" და უნდა გაირკვეს ეს როგორ მოხდა და პრობლემა უნდა გამოსწორდეს, რადგან მათივე თქმით, „სამხრეთ ოსეთის რესპუბლიკას" დასაკარგი მიწა არ აქვს.