ანალიტიკოსი ვახტანგ ძაბირაძე საქართველოს მესამე პრეზიდენტისთვის შინა პატიმრობის მისჯას სრულ აბსურდად აფასებს. 

ადამიანის უფლებათა ევროპულმა სასამართლომ "რუსთავი 2"-ის საქმის დასაშვებობის განხილვა დაიწყო. თუმცა წინ კიდევ არსებითი განხილვის პროცედურებია, რის შემდეგაც სტრასბურგის სასამართლო დაადგენს, შეილახა თუ არა ქართულ სასამართლოებში ტელეკომპანიის უფლებები, რისი დადასტურების შემთხვევაშიც, შესაძლოა, ეს საქმის ხელახალი განხილვის საფუძველიც გახდეს.

სომხეთის პრეზიდენტი სერჟ სარგსიანი 16 დეკემბერს თბილისში ჩამოსვლას გეგმავს. როგორც სომხური მედია წერს, ეს ვიზიტი სასწრაფოდ დაიგეგმა მას შემდეგ, რაც საქართველოს პრემიერ-მინისტრ გიორგი კვირიკაშვილის 1-ელ დეკემბერს სომხეთში დაგეგმილი ვიზიტი წინა დღით მოულოდნელად გადაიდო "გაურკვეველი დროით" და ოფიციალური ერევნის განცხადებით, მიზეზად დასახელდა, რომ საქართველოს ახალი მთავრობა ჯერ დამტკიცებული არ არის.

რეგიონის მუნიციპალიტეტებში წინასაარჩევნოდ გაწეული საქმიანობის ჯილდოდ თუ ნეპოტიზმის ნიშნით სასათბურე თანამდებობებზე დასაქმებას "ოცნება" ვერ თმობს. ცენტრალური ხელისუფლების მიერ დეკლარირებული საბიუჯეტო ხარჯების შემცირების ფონზე, ადგილობრივ თვითმმართველობებში შტატები წარმოუდგენლად გაბერილია.

რუსეთის მოსახლეობაში საქართველოსადმი ნდობა ბოლო 8 წლის განმავლობაში 3-დან 10%-მდე გაიზარდა. ასეთი შედეგენი აჩვენა საზოგადოებრივი აზრის კვლევამ, რომლის მიხედვითაც რუსეთის მოქალაქეები პოსტსაბჭოთა სივრცის სახელმწიფოებიდან ყველაზე მეტად ბელორუსს ენდობიან, ყველაზე ნაკლებად კი - უკრაინას.

ახალქალაქის საკრებულოს ოპოზიცია სომეხთა გენოციდის აღიარებას ითხოვს. ინიციატორი "პატრიოტთა ალიანსია" და როგორც პარტიის ერთ-ერთი წევრი, ყოფილი "ნაციონალი" პარლამენტარი სამველ პეტროსიანი აცხადებს, არაფერი უდგას წინ, რომ სომხებით დასახლებულ რეგიონში, სამცხე-ჯავახეთში, ოსმალეთის იმპერიის მიერ სომეხთა გენოციდის აღიარება მოხდეს.

ეუთოს საპარლამენტო ასამბლეის პრეზიდენტი გიორგი წერეთელი საქართველოში ეუთის მისიის აღდგენის ინიციატივით გამოდის. მმართველ გუნდში კი აცხადებენ, რომ ამ თემაზე, დიდი ხანია, მუშაობენ და თუკი ეუთოს საპარლამენტო ასამბლეის ფორმატში წერეთელმა საკითხი კვლავ დაძრა, ეს მხოლოდ მისასალმებელია. თუმცა იქვე აღნიშნავენ, რომ მისიის აღდგენას ეუთოს მუდმივმოქმედი კომისიის სრული კონსენსუსი სჭირდება, სადაც რუსეთიც შედის და ის ამ საკითხის წინააღმდეგია. კრემლში კი აცხადებენ, რომ საქართველოში ეუთოს მისიის აღდგენას იმ შემთხვევაში დაეთანხმებიან, თუ ის კონფლიქტურ რეგიონებს არ შეეხება.

თბილისის საქალაქო სასამართლომ 2011 წლის 26 მაისის საპროტესტო აქციის დარბევისას დაზარალებულად უკვე მეორე პირი ცნო და შინაგან საქმეთა სამინისტროს მის სასარგებლოდ 5 000 ლარის გადახდა დააკისრა. იურისტ ლია მუხაშავრიას განცხადებით, აღნიშნულ აქციაზე ასობით მოქალაქეს მიადგა როგორც ფიზიკური, ისე ფსიქოლოგიური ზიანი. ასეთი პრეცედენტები კი შესაძლებელს ხდის, რომ თითოეულმა დაზარალებულმა საკუთარი უფლება აღიდგინოს.

თბილისის სკოლაში უსაფრთხოების ზომების გამკაცრდა. გარდა იმისა, რომ სკოლების მიმდებარე ტერიტორიაზე საპატრულო პოლიციაა მობილიზებული, მანდატურებმა მე-8-დან მე-12 კლასის ჩათვლით მოსწავლეების შემოწმება დაიწყეს - გუშინ მათ სკოლაში შესვლამდე ჩანთებს უმოწმებდნენ.

ეუთოს საპარლამენტო ასამბლეის პრეზიდენტი, გიორგი წერეთელი საქართველოში ეუთის მისიის აღდგენის ინიციატივით გამოდის. ამის შესახებ მან ვენაში მიმდინარე ეუთოს მინისტრთა საბჭოს 24-ე სხდომის გახსნაზე ისაუბრა.

რამდენად შესაძლოა, რომ საქართველომ ევროკავშირის წევრობაზე განაცხადი 2019-2020 წლებში შეიტანოს იმის მიუხედავად, მიანიჭებენ თუ არა ქვეყანას "ევროპულ პერსპექტივას" - ბრიუსელის აღმოსავლეთ პარტნიორობის სამიტზე "ევროპულ პერსპექტივაზე" მორიგი უარის მიღების შემდეგ ამ შესაძლო გზაზე საუბარი ექსპერტების ერთ ნაწილში აქტიურად დაიწყო და, ასევე, გაჩნდა ვარაუდი, რომ შესაძლოა, ეს გეგმა ხელისუფლებამაც გაიზიაროს. უფრო კონკრეტულად კი, საგარეო საქმეთა სამინისტროს მხრიდან ექსპერტებთან შეხვედრაზე გაცხადდა, რომ მთავრობა ევროკავშირში გაწევრიანების საგზაო რუკაზე მუშაობის დაწყებას გეგმავს პარლამენტთან და სამოქალაქო საზოგადოებასთან ერთად.

"იერუსალიმის ისრაელის დედაქალაქად გამოცხადება მთელი მაჰმადიანური სამყაროს წინააღმდეგობას გამოიწვევს და კიდევ უფრო მიგვაახლოვებს ცივ ომთან. ჩვენ, პრაქტიკულად, ვდგავართ ცივი ომის დასაწყისში და მე მიმაჩნია, რომ თუ ვინმეს არ უნდა ამ ომის დაწყება, ეს ამერიკა უნდა იყოს, რადგან აშშ არასდროს ყოფილა ომის დამწყები, თუმცა იყო წამქეზებელი და შემდგომ პროცესებზე ხელის მომთბობი. ეს ამერიკის ცნობილი პოლიტიკაა. ამასთან, მას სჭირდება პოლიტიკური ავტორიტეტი მსოფლიოში, რადგან ბოლო 10-15 წლის განმავლობაში ეს სტატუსი შეელახა," - ასე აფასებს პოლიტოლოგი იგორ კვესელავა ტრამპის გადაწყვეტილებას იერუსალიმის ისრაელის დედაქალაქად გამოცხადებასთან დაკავშირებით.