"2017 წლის ნატოს სამიტი, რომელიც ბრიუსელში ჩატარდება, იქნება იმ ფორმატით, რომელიც მხოლოდ წევრი ქვეყნებისვისაა განსაზღვრული. თუმცა, ეს იმას არ ნიშნავს, რომ საქართველო ძალიან მნიშვნელოვნად არ არის ჩართული ევრუპულ, კერძოდ, შავი ზღვის უსაფრთხოებაში და აქტიურად არ იყოს წარმოდგენილი დღის წესრიგში", - ამის შესახებ უშიშროების საბჭოს მდივნის მოადგილემ, ვანო მაჭავარიანმა "რეზონანსს" განუცხადა.

პარლამენტის ქუთაისიდან დედაქალაქში გადმოტანა პრაქტიკულად გადაწყვეტილია. ყველა ერთის წინააღმდეგ - კონსტიტუციიდან, დიდი ალბათობით იმ მუხლს ამოიღებენ, რომელიც პარლამენტის ადგილსამყოფლად ქალაქ ქუთაისს განსაზღვრავს. კომისიის ფარგლებში ასევე გამოითქვა მოსაზრება, რომ ყველა კონსტიტუციური ორგანო იყოს დედაქალაქში და ეს თავად კონსტიტუციით განისაზღვროს.

კრემლის ადმინისტრაციის წარმომადგენელმა და რუსეთის პრეზიდენტის თამაშემწემ ვლადისლავ სურკოვმა აფხაზეთსა და სამხრეთ ოსეთში ახალი კურატორი დანიშნა. ამის შესახებ ცნობას რუსული საინფორმაციო სააგენტო "ერბეკა" საკუთარ წყაროზე დაყრდნობით არცელებს.

საკონსტიტუციო სასამართლო შესაძლოა ბათუმიდან თბილისში გადმოიტანონ. ამის შესახებ გუშინ პარლამენტში გამართულ საკონსტიტუციო კომისიის სხდომაზე აღინიშნა. ამასთან, სხდომაზე ისიც ითქვა, რომ პარლამენტის შენობის დედაქალაქში სრულად გადმოტანის პარალელურად, კონსტიტუციაში ყველა საკონსტიტუციო ორგანოს დედაქალაქში განთავსება უნდა განისაზღვროს.

"თავისიფალი დემოკრატების" ერთ-ერთი ლიდერის, ნინო გოგუაძის განცხადებით, პრეზიდენტის მიერ ე.წ. კაბელების საქმეზე დაკავებული მსჯავრდებულების შეწყალება არის ჰუმანური და სამართლიანი გადაწყვეტილება. მისი თქმით, მას ყოველთვის ჰქონდა იმედი, რომ გიორგი მარგველაშვილი ამასთან დაკავშირებით თავის სიტყვას იტყოდა.

ბრიტანული ჟურნალის "ეკონომისტი" კვლევითმა და საკონსულტაციო კომპანიამ უკვე გამოაქვეყნა "დემოკრატიის ინდექსი-2016"-ის ყოველწლიური კვლევის შედეგები, სადაც აღნიშნული ინდექსით 167 ქვეყანას შორის საქართველო ჰიბრიდული რეჟიმების მქონე ქვეყნებს შორის დასახელდა და 5.93 ქულით 78-ე პოზიციაზიას იკავებს.

"რესპუბლიკური პარტიის" ერთ-ერთი ლიდერის თამარ კორძაიას თქმით, მას არ აქვს მოლოდინი, რომ არჩევნების "ქართული ოცნება" მაჟორიტარულ სისტემას გააუქმებს. როგორც "რეზონანსთან" ინტერვიუში განაცხადა, "ოცნებას" რომ ამის სურვილი ჰქონოდა, წინა მოწვევის პარლამენტში კანონის მიღების შესაძლებლობა არსებობდა და მას გამოიყენებდა.

გაზაფხულიდან, შესაძლოა, საგზაო მოძრაობის უსაფრთხოების რეგულაციები გამკაცრდეს. ყოველ შემთხვევაში, საპარლამენტო უმრავლესობაში აცხადებენ, რომ რეფორმის პაკეტის განხილვა საგაზაფხულო სესიის დაწყებისთანავე იგეგმება და მას მაქსიმალურად მოკლე ვადაში მიიღება.

1-ლი თებერვლიდან დაახლოებით 10 საავადმყოფო საყოველთაო ჯანდაცვის პროგრამას გამოეთიშება - ჯანდაცვის სამინისტრო მათთან თანამშრომლობას წყვეტს. მიზეზად სახელდება ის, რომ კლინიკების მენეჯმენტი დაზღვევის ფულის დიდ ნაწილს არა პაციენტის მკურნალობაზე და ექიმებისა და მედპერსონალის ანაზღაურებაზე, არამედ საკუთარი კეთილდღეობისთვის იყენებს. სამინისტრო "ამის მოთმენას არ აპირებს". შეიძლება 1-ლი მარტიდან ამ 10 კლინიკის ბედი სხვებმაც გაიზიარონ.

ჯანდაცვის სფეროში ჯანსაღი კონკურენცია არ არის და არის რისკი, რომ საყოველთაო ჯანდაცვის რეფორმის მეორე ეტაპს შეეწირება პატარა კლინიკები. დიდი კლინიკები კი პრეტენზიებს კაბინეტებში კულუარულად გაარკვევენ - აცხადებს ჯანდაცვის მიმართულებით "დამოუკიდებელ ექსპერტთა კლუბის" წევრი, მარინა ბერაძე.

ფულის გაფლანგვიდან სამსახრეობრივი უფლებამოსილების ბოროტად გამოყენებამდე - კაბელების საქმის ეპოპეა დასასრულს უახლოვდება. თავდაცვის სამინისტროს 5 მაღალჩინოსანი საპატიმროს მარტში დატოვებს. მანამდე კი საპელაციო სასამართლოს გადაწყვეტილებას ბრალდების და დაცვის მხარეც უზენაესში გასაჩივრებს.

ტელეკომპანია "რუსთავი 2"-ის წილების საქმეზე სამართლებრივი დავა, შესაძლოა კიდევ რამდენიმე თვე გაჭიანურდეს. როგორც მხარეები აცხადებენ, უზენაესი სასამართლოს დიდი პალატა საქმის განსახილველად ჯერაც არ დაკომპელექტებულა. რაც შეეხება მოლოდინს, ქიბარ ხალვაში გამარჯვებას მესამე ინსტაცინაშიც ელოდება, "რუსთავი 2"-ის ადვოკატ თამთა მურადაშვილს კი პროგნოზის გაკეთება უჭირს.