ამერიკის შეერთებული შტატების ახალი ადმინისტრაციის პოლიტიკის კვალდაკვალ სპეციალისტები გეოპოლიტიკურ ცვლილებებს კავკასიის რეგიონშიც პროგნოზირებენ და ამბობენ, რომ ახლა საქართველოს უსაფრთხოების საკითხების გადაწყვეტაც მეტწილად სწორედაც რომ ტრამპის პოლიტიკაზე და შემდგომ მოვლენებზე იქნება დამოკიდებული.

პოლიტოლოგი ხათუნა ლაგაზიძე ამბობს, რომ ნატოს სამიტზე დასწრება აუცილებელია, რადგანაც მსოფლიო დიდი რეფორმების მოლოდინშია და საქართველო ამ მოვლენების ეპიცენტრში უშუალოდ უნდა იმყოფებოდეს.

"იმ ფონზე, როცა ევროკავშირისა და ნატოს პოზიციები არც თუ ისე ძლიერია და ტრამპმა უკვე ნატოს არსებობაც ერთგვარად ეჭვქვეშ დააყენა, ამან შესაძლოა სხვა გავლენიანი გეოპოლიტიკური ცენტრების გაძლიერება გამოიწვიოს, მათ შორის გლობალური.

საქართველოს ვიზალიბერალიზაცია, წესით, რუსეთისთვის სტიმული უნდა იყოს, რომ ჩვენთან მანაც უვიზო მიმოსვლა დააწესოს - ასეთია ქართველი ექპერტების მოსაზრება ვიზალიბერალიზაციის დაწესების შემდეგ ამ ორი ქვეყნის ურთიერთობაზე.

"ვიზალიბერალიციის შემდეგ რუსეთი იძულებული იქნება ევროკავშირთან შეჯიბრობითობის პრინციპში ჩაერთოს. ის თვლის, რომ საქართველოს საგარეო ვექტორების შეცვლის შანსი ჯერ კიდევ არსებობს", - ასე აფასებს პოლიტოლოგი კორნელი კაკაჩია, საქართველოსთან მიმართებით რუსეთის მოსალოდნელ ნაბიჯებს.

უმრავლესობა, ფარული მოსმენების კანონპროექტთან დაკავშირებით არასმათავრობოთა კრიტიკას არ იზიარებს და აცხადებს, რომ არსებულ საკითხზე მომუშავე ჯგუფმა ოქროს შუალედის მოძებნა შეძლო. მათი თქმით, გამოიყენეს მსოფლიო პრაქტიკა, რომელიც ერთდროულად იცავს მოქალაქეებისა და სახელმწიფოს ინტერესებს.

ხვალ, 2 თებერვალსევროპარლამენტის პლენარულსესიაზე საქართველოსთვის უვიზო მიმოსვლაზე კენჭისყრა გაიმართება. მოლოდინია, რომ საკითხი დადებითად გადაწყდებარისშემდეგაც მხოლოდ ერთინაბიჯირჩება -კენჭისყრა ევროკავშიის მინისტრთა საბჭოში. ევროკავშირის წევრი ქვეყნების მინისტრების თანხმობის შემდეგ ევროპის კარი საქართველოს მოქალაქეებისთვის ფართოდ იღება. გაზაფხულიდან უვიზოდ მიმოსვლა უკვე შესაძლებელი გახდება. მეტიც, არის მოლოდინი, რომ ეს შეიძლება უკვე მარტიდან მოხდეს.

ვიცე-პოლკოვნიკი გია ცერცვაძე, რომელიც საპატიმროდან რამდენიმე დღის წინ გათავისუფლდა, უკრაინას პოლიტიკურ თავშესაფარს სთხოვს. აღნიშნული მოთხოვნით მისმა ადვოკატმა შესაბამის უწყებებს უკვე მიმართა და პასუხი 25 თებერვლამდე იქნება.

უბედური შემთხვევა ბათუმში - გარდაცვლილა 75 წლის ქალბატონი და 51 წლის მამაკაცი. შემთხვევა ინასარიძის 14 ნომერში მოხდა. ცხედრები პოლიციამ აღმოაჩინა. გამოძიება სისხლის სამართლის კოდექსის 115-ე მუხლითაა აღძრული, რაც თვითმკვლელობამდე მიყვანას გულისხმობს. მეზობლების ვარაუდით კი გარდაცვალების მიზეზი, შესაძლოა გაყინვა ყოფილიყო, თუმცა ეს ინფორმაცია ოფიციალურად არ დასტურდება. ჯერჯერობით დაღუპვის მიზეზი უცნობია.

"ჩვენს ქვეყანაში საქმის წარმოებას ჰქვია "მიმდინარეობს გამოძიება". შემდეგ გამოვა, რომელიმე თანამდებობის პირი და იტყვის, "აყვანილია პირად კონტროლზე". პირდაპირ დადასტურებულად გეუბნებით, ტესტების გაცემაში მონაწლეობა მიღებული აქვს ნინო გვენეტაძეს, ლევან მურუსიძეს და კიდევ ბევრ ადამიანს - მათი კანდიდატებია გაყვანილი. ეს ჩემი შიდა გამოძიებით მივაკვლიე", - ამბობს "რეზონანსთან" საუბრისას საქალაქო სასამართლოს ყოფილი თავმჯდომარე მამუკა ახვლედიანი, რომელმაც თანამდებობაზე აღდგენასთან დაკავშირებით სააპელაციო დავაც წააგო.

"ჩვენი იმდენი კონსტიტუცია გვაქვს, რამდენი პირველი პირიც არსებობდა საქართველოში. ახლა განსხვავება ისაა, რომ თუ ადრე კონსტიტუციას ცვლიდა სახელმწიფოს პირველი პირი, ახლა კონსტიტუციას ცვლის ადამიანი, რომელიც ერთ რიგით მოქალაქედ წარმოგვიდგენს საკუთარ თავს," - აცხადებს "დამუკიდებელ ექსპერტთა კლუბის" პრეზიდენტი სოსო ცისკარიშვილი, რომელიც ასევე აკრიტიკებს გია ჟორჟოლიანის იდეას, კონსტიტუციიდან იმ მუხლის ამოღების შესახებ, რომელიც გადასახადის გაზრდისათვის რეფერენდუმის აუცილებლობას ითვალისწინებს.

ეროვნული საგადასახადო პოლიტიკის პარლამენტის მიერ განსაზღვრა და შესაბამისი საჭიროების მქონე ადამიანების საცხოვრებელი ფართით უზრუნველყოფა - ეს ის ინიციატივებია, რომლებიც ფრაქცია "სოციალ-დემოკრატებმა" უკვე დაარეგისტრირა.