მას შემდეგ, რაც "ერთიანი ნაციონალური მოძრაობა" პარტიის გარკვეულმა ნაწილმა დატოვა, ცვლილებები მოხდა როგორც თბილისის, ისე რეგიონის საკრებულოებში. როგორც "ნაციონალურ მოძრაობაში" აცხადებენ, საკრებულოებში პარტიის წარმომადგენლების დიდმა ნაწილმა "ნაცმოძრაობაში" დარჩენის გადაწყვეტილება მიიღო, თუმცა მათგან გაყოფილ "ევროპულ საქართველოში" განსხვავებულ ინფორმაციაზე საუბრობენ და ამბობენ, რომ რეგიონებში საკრებულოს წარმომადგენლების გადალაგების პროცესი ჯერ კიდევ არ დასრულებულა.

7 თებერვალს ცხინვალს მოულოდნელი ვიზიტით რუსეთის ფედერაციის პრეზიდენტის ვლადიმერ პუტინის მრჩეველი, ვლადისლავ სურკოვი ეწვია. როგორც გამოცემა "სპუტნიკი" იუწყება, ცხინვალში სტუმრობისას სურკოვმა დე ფაქტო რესპუბლიკის მოქმედ "პრეზიდენტ" ლეონიდ თიბილოვს "საპრეზიდენტო არჩევნებში" ღია მხარდაჭერა გამოუცხადა და რუსეთის პრეზიდენტის მოკითხვაც გადასცა.

საზოგადოებრივ მაუწყებლის ახალი გენერალური დირექტორის ვასილ მაღლაფერიძის რადიკალური გეგმის დამტკიცება, დიდი ალბათობით არ მოხდება. გენერალურ დირექტორსა და ბორდს შორის პირველი შეთანხმება მიღწეულია, ერთ კვირაში ბორდმა საზოგადოებრივ მაუწყებლის შეფასების კრიტერიუმები უნდა წარადგინოს და პარალელურად საჯარო შეხვედრებს გააგრძელებენ. სამუერვეო საბჭოს წევრის ირინა ფუტკარაძის თქმით, ბორდის უმრავლესობის აზრით, მაუწყებლის შეფასების კრიტერიუმი მარტო რეიტინგი არ არის მაღლაფერიძის კონცეფცია კი მხოლოდ ამაზეა აგებული.

"ფარული მოსმენებთან დაკავშირებით ველოსიპედის გამოგონება ნამდვილად არ იყო საჭირო, საკმარისი იყო ევროპული სტანდარტების შესაბამისი კანონის მიღება", - აცხადებს პეტრე მამრაძე, რომელსაც "რეზონანსი" ფარულ მოსმენებთან დაკავშირებულ საკითხებზე ესაუბრა.

"წარმოუდგნელად მიმაჩნია ამ გეგმის მიხედვით ტელევიზიის მართვა. მითუმეტეს ისეთი რთული ორგანიზამის, როგორიც არის საზოგადოებრივი მაუწყებელი. ვფიქრობ, საღი აზრი გაიმარჯვებს და პირველ არხს მიეცემა მაუწყებლობის საშუალება", - ამბობს "რეზონანსთან" საუბრისას ჟურნალისტი გადაცემა "რეალური სივრცის" წამყვანი ნინო ზაუტაშვილი.

შესაძლოა, საქართველოსთვის უვიზო მიმოსვლა ძალაში 29 მარტიდან შევიდეს. ამის შესახებ ბრიუსელში "რადიო თავისუფლების" კორესპონდენტი რიკარდო რიკარდ იოზვიაკი "ტვიტერში" წერს. მისივე ცნობით, ევროკავშირის ელჩები საქართველოსთვის ვიზალიბერალიზაციის საკითხის შეჩერების მექანიზმს 22 თებერვალს დაამტკიცებენ.

აშშ-ში საგარეო საქმეთა მინისტრის პირველი ოფიციალური ვიზიტი დაიწყო და ვიზიტის წარმატების ერთგვარი საზომი იქნება, გაჟღერდება თუ არა ტრამპისა და კვირიკაშვილის უფრო მაღალი დონის შეხვედრის დაგეგმვა წელს თუ არა, მომავალი წლისთვის მაინც და ამ მზაობას აშშ-ს მხარეც თუ დაადასტურებს.

ოკუპირებული აფხაზეთის ე.წ. წინასაარჩევნო პროცესში ერთგვარი დაძაბულობა უკვე შეინიშნება მას შემდეგ, რაც "ექსპრეზიდენტი" ალექსანდრე ანქვაბი "დეპუტატობის" კანდიდატად დარეგისტრირდა. რაულ ხაჯიმბას მომხრეები უკვე საუბრობენ იმაზე, რომ ანქვაბის ეს ნაბიჯი დესტრუქციულია და "რესპუბლიკაში" დაპირისპირების ახალი ტალღის აგორების დიდი საფრთხე არსებობს.

ბიძინა ივანიშვილის უკანონოდ მოპოვებული სატელეფონო და აუდიო ჩანაწერის რამდენიმე მილიონად გაყიდვის მცდელობაში, მთავარი პროკურორის ყოფილი მოადგილე დავით საყვარელიძე და ტელეკომპანია "რუსთავი 2"-ის გენერალური დირექტორი ნიკა გვარამია ლაშა ნაცვლიშვილს ამხელენ, რომელსაც ასევე მთავარი პროკურორის მოადგილის თანამდებობა ეკავა. ეს უკანასკნელი ბრალდებას "აგონიურ ბოდვას" უწოდებს.

"დარწმუნებული ვარ, რომ საზოგადოებრივი მაუწყებლის სამეურვეო საბჭო მხარს დაუჭერს საზოგადოებრივი მაუწყებლის გენერალური დირექტორის მიერ წარმოდგენილ გეგმას, თუ არადა გამოიცვლება და გამოცვლილი დაუჭერს მხარს," - აცხადებს პეტრე მამრაძე, რომელსაც "რეზონანსი" ქართულ სატელევიზიო სივრცეში მიმდინარე პროცესებზე ესაუბრა.

რუსეთთან უვიზო მიმოსვლის შესაძლო დაწესების საკითხზე ანალიტიკოსებისა და პოლიტოლოგების შეფასება განსხვავებულია. ნაწილი საქართველოს მოქალაქეებისთვის უვიზო მიმოსვლის აღდგენას მოსალოდნელს უწოდებს ან ფიქრობს, რომ შესაძლოა რუსეთმა გაზაფხულიდან ვიზა არ გააუქმოს, მაგრამ მისი მიღება გაამარტივოს, ზოგს კი მიაჩნია, რომ კარასინის განცხადება სავიზო რეჟიმის გამარტივებაზე, ტექნიკური საკითხების გამარტივებასა და ბიუროკრატიული ბარიერების მოხსნას გულისხმობს, რაც თანდათანობით უკვე შესამჩნევია კიდეც.

"ჩვენ ყოველთვის ვიცავდით და დავიცავთ ხელისუფლებისგან დამოუკიდებელ ტელევიზიას, მათ შორის "რუსთავი 2"-ს. მაგრამ "ნაციონალების" მიერ დაანონსებულ აქციაში მონაწილეობას არ მივიღებთ", - ამბობს "რეზონანსთან" საუბრისას "თავისუფალი დემოკრატების" ერთ-ერთი ლიდერი ნინო გოგუაძე.