"ჯერ კიდევ წინ გველოდება, ეს კრიმინალი საერთოდ დადასტურდება თუ არა. რომ ეთქვათ, ჩვეულებრივ კრიმინალზე იყო საუბარი, ამას არც საზოგადოებაში და არც ეკლესიაში განხეთქილება არ მოჰყვებოდა.

რას ნიშნავს, იყო შეზღუდული შესაძლებლობის მქონე ადამიანი საქართველოში, რა პრობლემებს ხვდებიან ისინი ყოველდღიურ ცხოვრებაში და რას აკეთებს სახელმწიფო იმისთვის, რომ მათ კომფორტული და თანაბარუფლებიანი გარემო შეუქმნას?! ამ კითხვებზე პასუხის გაცემა მარტივი ნამდვილად არ აღმოჩნდა.

"რუსთავი 2-ისთვის" ბრძოლა გადამწყვეტ ფაზაში შედის. მხარეები უზენაესი სასამართლოს გადაწყვეტილებას, ზეპირი მოსმენით, უახლოეს მომავალში ელოდებიან. მანამდე კი ქიბარ ხალვაში ნიკა გვარამიას, ეს უკანასკნელი კი ხელისუფლებას ტელევიზიის, შესაძლო წართმევაში ადანაშაულებს. უფრო მეტიც - ორივე მხარე, შიშობს, რომ სასამართლო ზეგვალენის ქვეშ მოექცა.

პატრიარქის ან სხვა რომელიმე მაღალი იერარქიის სასულიერო პირის მკვლელობა არ იგეგმებოდა. დაკავებულ დეკანოზ გიორგი მამალაძეს ბრალი "ერთ-ერთი პირის" მკვლელობის მომზადების ფაქტზე აქვს წარდგენილი და არაპატრიარქის, - აცხადებენ "რეზონანსთან" საუბრისას მთავარ პროკურატურაში და ამბობენ, რომ პროკურატურის განცხადება ხელისუფლების წარმომადგენლებმა, სასულიერო პირებმა და საზოგადოებამ არასწორად გაიგეს, რადგან მათ არსად უთქვამთ - პატრიარქი.

მიუხედავად განსხვავებული პოლიტიკური ორიენტაციისა, კვირას, "რუსთავი 2"-ის მიერ დაანონსებულ აქციაზე ერთმანეთის გვერდით რამდენიმე პარტია დადგება. "რეზონანსის" ინფორმაციით, აქციაზე გამოვლენ ნაციონალური მოძრაობა, ლეიბორისტული პარტია და თავისუფალი დემოკრატები. ამასთან, ცნობილია, რომ აქციას არ შეუერთდებიან "დემოკრატიული მოძრაობის" წევრები, რადგან მათთვის "ნაცმოძრაობასთან" ერთად რაიმე აქტივობის განხორციელება წარმოუდგენელია.

არაღიარებულ აფხაზეთში, "საპარლამენტო არჩევნებამდე" ერთი თვით ადრე, ყველაზე გავლენიანი ოპოზიციური პარტია "ამცახარა" დაიშალა.

"მკაფიოა, რომ ისეთი უიღბლო ინსტიტუტი, როგორიც პროკურატურაა და რომელიც მხოლოდ ხელისუფლებასთან ასოცირდება, თემას მხოლოდ პოლიტიზირებულს ხდის. აქ ძალიან კარგად ჩნდება პოლიტიკური ვნებები, ვიდრე თავად თემის შინაარსი. დარწმუნებული ვარ, პატრიარქი არ დადუმდება და თავის პოზიციაში მკაფიო იქნება, მანამდე კი მას ყველა ასეთი ზედაპირული ინფორმაცია მხოლოდ ტკივილს აყენებს," - ამბობს "რეზონანსთან" საუბრისას ექსპერტთა კლუბის პრეზიდენტი სოსო ცისკარიშვილი და დასძენს, რომ ვიდრე კონკრეტული მტკიცებულებები საჯარო არ გახდება, პატრიარქის შესაძლო ლიკვიდაციაზე საუბარი დაუშვებელია.

სასულიერო პირებს შორის დაპირისპირება პიკს აღწევს. მეუფე პეტრე ცაავა პროკურატურას პატრიაქის მდივნის, შორენა თეთრუაშვილის წარსულით დაინტერსებას ურჩევს. საუბარია 36 წლის წინ მომხდარ ტრაგედიაზე, რა დროსაც დაიღუპა თეთრუაშვილის მეგობარი ნაზი ზვიადაური, რომელიც მასთან ერთად იმყოფებოდა. თეთრუაშვილმა შემთხვევიდან მალევე ეკლესიას შეაფარა თავი. გარდაცვლილის ოჯახი საქმის ხელახლა გამოძიებას ითხოვს. პატრიაქის მდივნის მიმართ ბრალდებები აქვს დაღუპულის ძმას. თუმცა ამ ეტაპზე რაიმე განცხადების გაკეთებისგან თავს იკავებს.

საკონსტიტუციო სასამართლომ სისხლის სამართლის კოდექსის 260-ე მუხლის პირველი ნაწილის ნორმატიული აქტი არაკონსტიტუციურად სცნო, რაც ნიშნავს, რომ 100 გრამამდე ნედლი მარიხუანის პირადი მოხმარების მიზნით შეძენისა და შენახვისთვის საპატიმრო სასჯელი გაუქმებულია. ნარკოლოგების ნაწილი ამ გადაწყვეტილებას ლოგიკურსა და ბუნებრივს უწოდებს. ამბობს, რომ ამ გადაწყვეტილების შემდგომ, მარიხუანას მომხმარებელთა რიცხვის მატება ნაკლებადსავარაუდოა და ის მოხმარების მსურველებს არ წაახალისებს.

გაჩერებული სამართალი - სასამართლო სამოქალაქო დავების განხილვას პრაქტიკულად ვერ ახერხებს. ამის მთავარი მიზეზი კი მოსამარლეების ნაკლებობაა. თითო მოსამართლეს დაახლოებით, 500-600 საქმე აწერია, რის გამოც ერთ კონკრეტულ საქმეზე ვერდიქტის გამოტანას წლები სჭირდება. "კატასტროფული მდგომარეობა" - ასე აფასებენ იურისტები და ადვოკატები სასამართლოებში არსებულ სიტუაციას და დაუყონებლივ რეფომის გატარებას ითხოვენ.

საქართველოსთვის ვიზალიბერალიზაციის საკითხზე შეჩერების მექანიზმის დამტკიცებამდე რამდენიმე დღე რჩება. როგორც ცნობილია, ევროკავშირის ელჩები აღნიშნულზე გადაწვეტილებას 22 თებერვალს მიიღებენ. მანამდე კი სტრასბურგში, ევროპარლამენტში ევროკავშირი-საქართველოს ასოცირების საპარლამენტო კომიტეტის მეოთხე სხდომა გაიხსნა, რომლის მუშაობაშიც საქართველოს პარლამენტისა და ევროპარლამენტის მუდმივმოქმედი დელეგაციები მონაწილეობენ.

გასულ კვირას სტუდენტთა და დასაქმებულთა ნაწილმა მშრომელთა უფლებების უხეში დარღვევა ხალხმრავალი მანიფესტაციებითა და მსვლელობით გააპროტესტა. საჯარო მიმართვები გაავრცელეს რუსთავის "აზოტის", სუპერმარკეტების ქსელ "ფრესკოსა" და წიგნების მაღაზიების ქსელ "ბიბლუსის" თანამშრომლებმაც, რომლებიც დამსაქმებელთა მხრიდან მათი უფლებების უხეშ დარღვევაზე საუბრობენ.