წინასწარი მონაცემებით, საქართველოში 2019 წლის მეოთხე კვარტალში, წინა წლის შესაბამის პერიოდთან შედარებით, პირდაპირი უცხოური ინვესტიციების მაჩვენებელი ორჯერ გაიზარდა და 347 მლნ დოლარს მიაღწია. ამან წლის საერთო მაჩვენებელზე დადებითად იმოქმედა. აღსანიშნავია, რომ საერთო რეინვესტირების წილმა მთლიან პირდაპირ უცხოურ ინვესტიციებში 48,3%-ს მიაღწია, რაც ყველაზე მეტია ბოლო წლების განმავლობაში. რამ განაპირობა დადებითი ტენდენცია და რამდენად პოზიტიურია, რეინვესტირების ასეთი მაღალი მაჩვენებელი  - ვითარება ,,რეზონანსთან” ეკონომისტებმა შეაფასეს.

კორონავირუსის გავრცელების შემდეგ, საჰაერო მიმოსვლაზე დაწესებული შეზღუდვების გამო, ავიაინდუსტრია დიდი პრობლემის წინაშე აღმოჩნდა. სხვადასხვა ქვეყნები ერთმანეთის მიმართულებით ფრენას თითქმის ყოველდღიურად აჩერებენ, რის გამოც, ზარალი დიდია. სპეციალისტები პირდაპირ ამბობენ, რომ პრევენციის მიზენით, სხვადასხვა ქვეყნების მიერ გატარებული ღონისძიებები ეკონომიკურად დამღუპველი იქნება, თუმცა ახლა მთავარი თავდაცვაა, რათა ვირუსმა ქვეყანაში უფრო მეტად ვერ შემოაღწიოს.

ეროვნული ვალუტა ორ დღეში 2.85-ის ნიშნულამდე გაუფასურდა. სწორედ ეს კურსი დაადგინა ოფიციალურად ეროვნულმა ბანკმა 11 მარტისათვის. სავალუტო ბაზარზე ორშაბათიდან მოყოლებული პანიკაა. რა ააუფასურებს ლარს და იყო თუ არა მოკლევადიანი მისი 2.80-ის ზღვარს ჩამოცდენა, სპეციალისტები ამ კითხვაზე ცალსახა პასუხს ვერ იძლევიან. მათი აზრით, გაუფასურება კორონავისურის გამო გაჩენილმა უარყოფითმა მოლოდინმა გამოიწვია და დიდწილად მასზეა დამოკიდებული, რა იქნება სამომავლოდ.

სავაჭრო ქსელებში მარაგი შეზღუდული ან საერთოდ ამოწურულია. მართალია, ტენდენცია მასობრივ ხასიათს არ ატარებს, თუმცა სუპერმარკეტების ნაწილში ზოგიერთი პროდუქციის გაქრობა ადვილად შესამჩნევია. ასეთ ფონზე ნაკლებად დამაჯერებელია იმპორტიორების მტკიცება, რომ მარაგის მხრივ პრობლემა არ არის, მაღაზიებში არსებული რეალობა საპირისპიროს ადასტურებს. გარდა იმისა, რომ ზოგიერთი პროდუქტი მყისიერად გაძვირდა, დეფიციტურიც აღმოჩნდა.

1-ლი აპრილიდან, პერიოდული ტექნიკური ინსპექტირების წესში ცვლილებები შედის. ახალ რეგისტრირებულ ავტომობილებთან მიმართებით, ჩნდება კატალიზატორის მოთხოვნა, უკვე ქვეყანაში არსებული სატრანსპორტო საშუალებებისთვის კი ეს ნორმა 2022 წელს ამოქმედდება. რეგულაცია სამ კვირაში საბურავებსაც შეეხება. 10 ან მეტი წლის საბურავებით მანქანები ინსპექტირებას ვეღარ გაივლიან. გარდა ამისა, მარჯვენასაჭიანი ავტომობილები, რომლებსაც ევროპული სტანდარტების შეუსაბამო ფარები ექნებათ, ტექდათვალიერებას ვეღარ გაივლიან.

კორონავირუსის ფონზე საქართველოში აგრარულ ბაზრებს მომხმარებელი საგრძნობლად შეუმცირდა. საზოგადოების დიდი ნაწილი მიიჩნევს, რომ ასეთი ტიპის სავაჭრო სივრცეში ჰიგიენის ნორმები საერთოდ არ არის დაცული, შესაბამისად, დაინფცირებისა და ვირუსის გავრცელების შანსი დიდია. ამიტომ ისინი ცდილობენ დიდ ქსელურ სუპერმარკეტებში შეიძინონ საკვები, თუნდაც ორმაგ ფასში.

ზამთრის სეზონზე სასუნთქი სისტემის ინფექციური დაავადებები ისედაც გახშირებულია, კორონავირუსული ინფექციის გავრცელების პარალელურად მოსახლეობაში მატულობს დაძაბულობა. ამიტომ მნიშვნელოვანია მოსახლეობას ჰქონდეს ადეკვატური ინფორმაცია კორონავირუსის, პრევენციული ღონისძიებებისა და გარკვეული პროფილაქტიკური საშუალებების შესახებ,  როგორიც არის ბაქტერიული ლიზატების გამოყენება.

“ჯიპიაი ჰოლდინგმა” და გაეროს ქალთა ორგანიზაციამ ქალ მეწარმეებს მხარდაჭერა გამოუცხადეს.  ახალი ინიციატივა ეხება ქალბატონებს, რომლებიც მოღვაწეობენ მცირე და საშუალო ბიზნესში, არიან დამფუძნებლები ან ხელმძღვანელები.

კორონავირუსის საფრთხე, საქართველოს ეკონომიკაში არაერთ დარგს და მათ შორის ეკონომიკურ ზრდასაც შეამცირებს. ანალიტიკოსები ვარაუდობენ, რომ თითოეული მიმართულებით დანაკლისი დაახლოებით 15% იქნება. მოსახლეობა 2020 წელს არ უნდა ელოდოს არავითარ ზრდას, რომელიც მათ კეთილდღეობაზე აისახება.

ჩავარდნილ ზამთრის სეზონს ახლა კორონავირუსი დაემატა, რომლის გამოც საზღვრები ჩაიკეტა და ტურისტულმა ბიზნესმა კიდევ ერთი დიდი დარტყმა მიიღო. როგორც ჩანს, საქართველოს ახალი ტურისტული ნაკადი არც გაზაფხულზე ეყოლება, ამ დროს კი სასტუმროების ბიზნესი ნელ-ნელა იძირება. სპეციალისტები ფიქრობენ, რომ შესაძლოა, სასტუმროების დახურვა მასობრივად დაიწყოს. უნდა დაეხმაროს თუ არა ასეთ დროს სახელმწიფო ბიზნესს? ექსპერტთა ნაწილი ფიქრობს, რომ ხელისუფლება არ არის ვალდებული ასეთ დროს დახმარება აღმოუჩინოს კერძო სექტორს.

მსოფლიო ბაზარზე ნავთობის ფასმა მკვეთრად დაიკლო, თუმცა ეს საქართველოში დიდად არ ასახულა. წლის დასაწყისში, მსოფლიო ბაზარზე ერთი ბარელი ნავთობის ფასი 67 დოლარი იყო, გუშინდელი მონაცემებით კი - 51 დოლარი. კორონავირუსის გამო, თითქმის მთელი ორი თვის განმავლობაში მსოფლიო ბაზარზე საწვავის ფასმა დაახლოებით 22%-ით იკლო, ადგილობრივ ბაზარზე კი, შეღავათი მხოლოდ მცირე ავტოგასამართ სადგურებზეა.