2017 წლის 1-ლი ივლისიდან ლარში ფასდადება ყველა საქონელსა და მომსახურებაზე სავალდებულო გახდება, თუმცა საავტომობილო ბაზარზე ახალი რეგულაცია არ იმოქმედებს. ავტოდილერები ამბობენ, რომ მანქანები არ გაძვირდება. შიდა ბაზარზე პრობლემები მოსალოდნელი არ არის, თუმცა გარკვეული ცვლილებები რეექსპორტს შეეხება. ავტობიზნესით დაკავებულმა ადამიანებმა არ იციან, ისევ დოლარში მოუწევთ მეზობელი ქვეყნებისთვის განკუთვნილ ავტომობილებზე ფასის დაწესება, თუ ამ შემთხვევაშიც მხოლოდ ეროვნული ვალუტით უნდა იხელმძღვანელონ.

ზღვისპირა კურორტებზე პირველი დამსვენებლები გამოჩნდნენ. როგორც აღმოჩნდა, სასტუმროების მფლობელთა მთავარი სამიზნე უკრაინელი და რუსი ტურისტები არიან. უცხოელები აჭარაში სეზონის გამოცხადებამდეც გამოჩნდნენ. წლევანდელ სეზონზე მომსახურების ფასი არ გაზრდილა.

"აუცილებელია, საქმეში ჩაერთონ ჩვენი ევროპელი და ამერიკელი პარტნიორები, ასევე ევროკავშირი, ნატო, რომლებიც ქართულ საზოგადოებას მისცემენ მინიშნებას, რომ ამ საკონსტიტუციო ცვლილებების პრაქტიკაში განხორციელებით მნიშვნელოვნად შეფერხდება ქვეყნის ევროპული და ევროატლანტიკური ინტეგრაციის პროცესი", - აცხადებს პოლიტოლოგი ნიკა ჩიტაძე "რეზონანსთან საუბრისას.

"ის ქმნიდა კარნავალს. ავტორიც თვითონ იყო და პერსონაჟიც. ცდილობდა, კარნავალში ჩაება რაც შეიძლება მეტი მოქმედი პირი. ხელისუფლების სიმბოლოს არად აგდებდა. იერარქია მისთვის არ არსებობდა. საბჭოთა ნორმებს დაუპირისპირდა. სევდიანი თვალები ჰქონდა, აღმოსავლური. თბილისელი იყო, უყვარდა თბილისის ქუჩები, ბაღები, მოედნები", - წერდა რევაზ კვესელავა სერგო ფარაჯანოვზე, კაცზე, რომლის ნიჭსაც ეთაყვანებოდა ფელინი, კუროსავა, პაზოლინი, ივ სენ ლორანი, მარჩელო მასტროიანი, ტონინო გუერა, მიქელანჯელო ანტონიონი, ფრანჩესკო როსი, ალბერტო მორავია, ბერნარდო ბერტოლუჩი, ანჟეი ვაიდა, ანდრეი ტარკოვსკი და მსოფლიოს სხვა გამოჩენილი ხელოვანები.

ენერგეტიკისა და წყალმომარაგების მარეგულირებელმა კომისიამ, შესაძლოა, გადაწყვეტილების მიღების შესაძლებლობა დაკარგოს. სამი წევრისგან შემდგარ სემეკში ერთ-ერთ წევრს უფლებამოსილების ვადა აგვისტოში ეწურება, ხოლო ახალი წევრის შერჩევა ჭიანურდება. დეპუტატების ნაწილი პრეზიდენტის კანდიდატურას არ იწონებს, ორი წევრის ამარა დარჩენილი კომისია კი უუნარო იქნება.

გაზზე მომუშავე ავტომობილების ინსპექტირების დასრულების ბოლო ვადა 2018 წლის 1 იანვარია, მაგრამ ამის შესახებ მძღოლებს ინფორმაცია თითქმის არ აქვთ. ქვეყნის მასშტაბით ამოწმებს მხოლოდ ორი აკრედიტებული კომპანია. ტექდათვალიერების ფასი 90 ლარიდან 120 ლარამდე მერყეობს. ავტომფლობელების უმრავლესობა ინსპექტირების შესახებ ინფორმირებული არ არის და მხოლოდ მას შემდეგ გააქტიურდნენ, რაც 100-ქულიანი საჯარიმო სისტემის შესახებ გავრცელდა ინფორმაცია.

თბილისში საცხოვრებელ სახლებზე მიშენებულთა 50%-ზე მეტი უკანონოა. ზოგიერთი ავარიულია, ზოგი კი - გამართული, თუმცა თავის დროზე არც ერთ მათგანზე ნებართვა არ გაცემულა. მიუხედავად ამისა, მსგავს მშენებლობაზე დაკისრებული ჯარიმებისგან მოსახლეობა თავისუფლდება. ურბანისტები მიიჩნევენ, რომ მიშენებაზე დაკისრებული ჯარიმები ერთიანად უნდა გაუქმდეს და მხოლოდ ის უკანონო ნაგებობები უნდა დაინგრეს, რომლებიც სეისმურად არამდგრადია.

ოკუპირებულ აფხაზეთში რუსი და აფხაზი სამხედროების მონაწილეობით ერთობლივი ფართომასშტაბიანი წრთვნები იწყება. ამის შესახებ ინფორმაციას რუსეთის მე-7 სამხედრო ბაზის პრესსამსახური ავრცელებს.

ბოლო რამდენიმე წელია, მოდური გახდა ფეხით სეირნობა. თბილისის ქუჩებში ხშირად შეხვდებით ადამიანებს, რომლებიც დანიშნულების ადგილამდე მისვლას ქვეითად ამჯობინებენ. მათი აზრით, დედაქალაქში არსებული საცობების გამო ხშირად ფეხით სიარული უფრო მომგებიანია. ცალკე თემაა ჯანმრთელობა და წონის კონტროლი. ბერძენი ექიმი ჰიპოკრატე ფეხით სიარულს ადამიანისთვის საუკეთესო სამკურნალო საშუალებად მიიჩნევდა.

ყოფილი პრემიერ-მინისტრი ბიძინა ივანიშვილი "ქართული ოცნების" წინასაარჩევნო კამპანიაში, დიდი ალბათობით, წელს აღარ ჩაერთვება. საპარლამენტო უმრავლესობაში ამბობენ, რომ ამის საჭიროება აღარ არის. პოლიტოლოგ სოსო ცინცაძის აზრით კი, ივანიშვილს "ქართული ოცნების" თრევა მობეზრდა.

კახეთში სამგზავრო მატარებლის აღდგენას ითხოვენ. თბილისი-თელავის ხაზის ამოქმედების მოთხოვნით კახელებმა ხელისუფლებას რამდენიმეჯერ მიმართეს, მაგრამ არც "ნაციონალური მოძრაობის" მმართველობის პერიოდში და არც ახალი ხელისუფლების დროს ეს თემა აქტუალური არ ყოფილა. "საქართველოს რკინიგზას," როგორც ჩანს, ეს საკითხი ნაკლებად აინტერესებს.

"აშშ-ის გასვლა "საშუალო და ახლო მოქმედების რაკეტების შესახებ" შეთანხმებიდან გამოიწვევს, როგორც მინიმუმ, ამ ტიპის შეიარაღების აქტიურ განვითარებას რუსეთისა და ამერიკის მიერ.