„გრიგოლ ვაშაძეც რომ ყოფილიყო პრეზიდენტი, ისიც კი შეატყობინებდა მთავრობას, არამც თუ სალომე ზურაბიშვილი. გამორიცხულია, რომ მას ასეთი გადაწყვეტილება არ შეეტყობინებინა თავისი გუნდისთვის; მაგრამ ახლა უნდათ სიტუაციიდან გამოძრომა და შექმნან შთაბეჭდილება, რომ სალომე ზურაბიშვილის ბრალია", - ასე ეხმაურება პოლიტოლოგი პაატა ზაქარეიშვილი სალომე ზურაბიშივლის განცხადებას უგულავასა და ოქრუაშვილის შეწყალებასთან დაკავშირებით.

ახალი კორონავირუსის გავრცელების პრევენციის მიზნით დაწესებული შეზღუდვები ეტაპობრივად იხსნება. მედიკოსთა ნაწილის შეფასებით, საგანგებო მდგომარეობის გაუქმებასთან ერთად, რომელსაც 22 მაისს ეწურება ვადა, სხვა კონკრეტული აკრძალვებიც უნდა მოიხსნას, როგორიცაა ე.წ. კომენდანტის საათი, ავტომანქანაში 3 კაცზე მეტის ჩასხდომის აკრძალვა და ა.შ. თანაც, დღეს არსებული ეპიდვითარება დადებითად ფასდება და ამ შეზღუდვების მოხსნით, ახალი, მორიგი აფეთქება მოსალოდნელი არ არის.

„შეიძლება ზოგიერთმა ვიღაც დაასახელა, მაგრამ მაგაზე საუბარი არ ყოფილა", -ასე აფასებს „რეზონანსთან" საუბრისას „ევროპული საქართველოს" ერთ-ერთი ლიდერი სერგი კაპანაძე პარტია „კანონი და სამართალის" ლიდერის, თაკო ჩარკვიანის მიერ „ტვ პირველის" ეთერში გაკეთებულ განცხადებას, რომელიც პრემიერ-მინისტრობის შესაძლო ერთიან ოპოზიციურ კანდიდატად „ახალი საქართველოს" თავმჯდომარეს გიორგი ვაშაძეს ასახელებს.

ირაკლი ოქრუაშვილისა და გიგი უგულავას შეწყალების საქმესთან დაკავშრებით, ადვოკატმა ალექსანდრე კობაიძემ პრეზიდენტ სალომე ზურაბიშვილის წინააღმდეგ თბილისის პროკურატურაში სარჩელი შეიტანა. ადვოკატის განმარეტბით, პრეზიდენტმა თავისი უფლებამოსილება ბოროტად გამოიყენა.

ზუგდიდში ცოლის თვითმკვლელობამდე მიყვანის ბრალდებით დაკავებულ ბაკურ სორდიას  3 წლით თავისუფლების აღკვეთა მიესაჯა. გადაწყვეტილება ზუგდიდის რაიონული სასამართლოს მოსამართლემ მიიღო. სორდიას ბრალი ორი მუხლით ჰქონდა წაყენებული და ის სასამართლომ დამნაშავედ მხოლოდ ოჯახში ძალადობის მუხლით სცნო. 

ჩინეთში კორონავირუსის ახალი აფეთქების კერა ამჯერად პროვინცია ძილინია. დაახლოებით 108 მილიონი ადამიანი თვითიზოლაციას დაუბრუნდა. რეგიონში შეჩერებულია საზოგადოებრივი ტრასპორტის მუშაობა და დახურულია სკოლები - ამის შესახებ „ბლუმბერგი" იტყობინება.

გავრცელებული ინფორმაციის შესახებ, რომ დაავადებათა ეროვნული ცენტრის ხელმძღვანელს ამირან გამყრელიძეს „ქართული ოცნება" საპარლამენტო არჩევნებზე მმართველი პარტიის საარჩევნო სიაში ჩასმას სთავაზობს, საპარლამენტო უმრავლესობის წევრი ლადო კახაძე არც ადასტურებს და არც უარყოფს. თუმცა, როგორც მან „რეზონანსს" უთხრა, მსგავსი გადაწყვეტილება მისთვის მისასალმებელია.

„კარუგდებელის“ სახელით ცნობილი ეკლესია, რომელიც იმერეთში, თერჯოლის რაიონის სოფელ გოგნაში მდებარებს, მე-7 საუკუნით თარიღდება. ისტორიულ წყაროებში სოფელი გოგნა ჯერ კიდევ მე-4  საუკუნიდან მოიხსენიება. გადმოცემის თანახმად, ამ სოფელში 2 ათასი მებრძოლი ბერი ცხოვრობდა და 4 სამლოცველო ჰქონია. „კარუგდებელი“ მოხსენიებულია 1188 წლით დათარიღებულ თამარ მეფის სიგელში და ეს ეკლესია ერთ დროს გელათის მონასტერს ექვემდებარებოდა.

კომპანია „თბილისის მიკროავტობუსში" ჯერჯერობით არ მიუღიათ ინსტრუქცია მგზავრების გადაყვანის ახალ წესთან დაკავშირებით. შესაბამის მითითებებს ისინი თბილისის მერიისგან ელოდებიან. როგორც კომპანიაში „რეზონანსს" უთხრეს, საზოგადოებრივი ტრანსპორტი დედაქალაქში სავარაუდოდ 1-ლი ივნისიდან ამუშავდება, თუმცა, ჯერჯერობით არ არის ცნობილი, პირველ ეტაპზე მხოლოდ მეტროსა და საქალაქო ავტობუსების მოძრაობა აღდგება, თუ მიკროავტობუსებისაც,

„შეზღუდვები თუ დარჩება და ჩაეტევიან ამ ჩარჩოებში, ბუნებრივია, ხელის შეშლა არ იქნება; იგივე სცენარს თუ გაიმეორებენ, რა თქმა უნდა, ხელისუფლება კანონის ფარგლებში იმოქმედებს", - ასე ეხმაურება უმრავლესობის დეპუტატი ნუკრი ქანთარია ოპოზიციის მიერ 20 ივნისის თბილისში აქციის დაანონსებას.

„ოპოზიციასთან კონსულტაციების და განხილვების გარეშე ამ კანონპროექტის მიღება არ იქნება სწორი და გამართლებული" - ასე აფასებს „რეზონანსთან" საუბრისას ანალიტიკოსი ვახტანგ ძაბირაძე მმართველი პარტიის ახალ საკანონმდებლო ინიციატივას, რომლის მიხედვითაც, მთავრობას ქვეყანაში შემზღუდავი ღონისძიებების გატარება საგანგებო მდგომარეობის გამოცხადებისა და პარლამენტის თანხმობის გარეშეც შეეძლება.

შესაძლოა 2020 წლის საპარლამენტო არჩევნებისთვის,  ოპოზიციის საერთო მაჟორიტარ კანდიდატებად “ახალი საქართველოს“ ლიდერი გიორგი ვაშაძე, "გამარჯვებული საქართველოს" დამფუძნებელი ირაკლი ოქრუაშვილი და "ევროპული საქართველოს" ლიდერი გიგი უგულავა  ვიხილოთ. ამის შესახებ ისინი მედიასთან საუბრობენ და ამბობენ, რომ თუ კი ასეთი შემოთავაზება გაერთიანებული ოპოზიციის მხრიდან იქნება,  ამისთვის მზად არიან.  პოლიტიკოსები  მიიჩნევენ, რომ ახლა ბრძოლის წინა ხაზი მაჟორიტარებზე გადის და ამ გადამწყვეტ ბრძოლაში აუცილებლად ჩაერთვებიან.