„ღირსების დაკარგვა ჰქვია, როდესაც ვიღაცეების მოთხოვნის გამო კრიმინალებს ათავისუფლებ", - ასე აფასებს „რეზონანსთან" ისტორიკოსი გიორგი ოთხმეზური, პრეზიდენტ სალომე ზურაბიშვილის მიერ გიგი უგულავასა და ირაკლი ოქრუაშვილის შეწყალებას.

„ეს ყოველთვის შეიძლება იყოს და აქ საშიში არაფერია. მთავარია, რომ გარეთა კლასტერები არ იყოს", - ასე აფასებს „რეზონანსთან" საუბრისას ინფექციონისტი ირაკლი ხმალაძე, ბოლო ორი დღის მანძილზე, ქვეყანაში კორონავირუსისგან გამოჯანმრთელებულთა ტენდენციას ინფიცირებულებთან მიმართებაში.

რუსეთში კორონავირუსის ეპიდემიის ფონზე საეჭვოდ მოიმატა უბრალო ფილტვების ანთების სტატისტიკამ. ეს კარგად ჩანს დაღესტნის მაგალითზე, სადაც ვითარება სულ უფრო კრიტიკული ხდება. ოფიციალური მონაცემებით, დაღესტანში კორონავირუსით ინფიცირების 3 280 შემთხვევაა დაფიქსირებული, თუმცა კორონავირუსით ინფიცირებულთა და უბრალო პნევმონიის მქონე პაციენტების რაოდენობა ამჟამად კოლოსალურ ციფრს - 13 697 ადამიანს აღწევს. იგივე სურათია გარდაცვლილთა სტატისტიკაშიც - კორონავირუსით დაღესტანში ბოლო 2 თვეში სულ 27 ადამიანი გარდაიცვალა, ფილტვების ანთებით კი - 657.

თბილისში საზოგადოებრივი ტრანსპორტის მოძრაობის აღდგენა მხოლოდ შეზღუდვების მოხსნის ბოლო ეტაპზე მოხდება, რადგანაც კორონავირუსის გავრცელების კუთხით მეტრო, საქალაქო ავტობუსები და მიკროავტობუსები ყველაზე დიდ საფრთხეს წარმოადგენს - ამის შესახებ „რეზონანსს" კორონავირუსთან ბრძოლის საკოორდინაციო საბჭოს წევრმა, პარლამენტის ჯანდაცვის კომიტეტის თავმჯდომარე დიმიტრი ხუნდაძემ განუცხადა.

ოკუპირებული აფხაზეთის მიმართულებით, სოფლების - ფახულანისა და საბერიოს მონაკვეთზე უკანონო ბორდერიზაცია გრძელდება. ოკუპირებული გალის რაიონის სოფელ საბერიოში, რომელიც წალენჯიხის მუნიციპალიტეტის სოფელ ფახულანს ესაზღვრება, რუსმა სამხედროებმა მავთულხლართები და ბოძები მიიტანეს. 

ამერიკელმა მეცნიერებმა აღმოაჩინეს ანტისხეული, რომელსაც COVID-19-ის 100%-ით ბლოკირების უნარი აქვს. ბიოფარმაცევტული კომპანია Sorrento Therapeutics-ის მკვლევარების აღმოჩენის შესახებ „ფოქს ნიუსი" იუწყება.

პრეზიდენტის მიერ „ევროპული საქართველოს" ერთ-ერთი ლიდერის გიგი უგულავას და თავდაცვის ექსმინისტრის ირაკლი ოქრუაშვილის შეწყალების შედეგად, ხელისუფლებამ მხარდამჭერთა გარკვეული ნაწილი დაკარგა. როგორც ანალიტიკოსი რამაზ საყვარელიძე აღნიშნავს, შეწყალების აქტის გამოცემა შეიძლება ორგვარად ავხსნათ: ამ საკითხზე პრეზიდენტსა და „ქართულ ოცნებას" შორის იყო დიალოგი, ან მეორე - სალომე ზურაბიშვილმა დამოუკიდებლად გადადგა ეს ნაბიჯი და შედეგად მთელი პასუხისმგებლობა პრეზიდენტზე გადადის.

ჭიათურის მუნიციპალიტეტში მაღაროს თანამშრომელმა 29 წლის ბერიკა გულიაშვილმა თავისი ცვლის უფროსი ხვიჩი ცაცვიძე დანით დაჭრა, დაპატიმრების შემდეგ კი საჩხერის პოლიციის განყოფილებაში მოუვიდა კონფლიქტი. შსს-ს ცნობით, იგი პოლიციელს დაესხა თავს, არაოფიციალური ინფორმაციით კი, იგი პოლიციის უფროსს მისსავე კაბიონეტში ფიზიკურად დაუპირისპირდა. 

დღეს საქართველოს უფრო მეტი საფუძველი აქვს, რომ კორონავირუსის ეპიდემია დასრულებულდა გამოაცხადოს, ვიდრე სლოვენიას, რომლის მთავრობამაც შაბათს ოფიციალურად გამოაცხადა კორონავირუსი დამარცხებულად და მომავალი კვირიდან ყველა დაწესებულ შეზღუდვას აუქმებს - ამის შესახებ „რეზონანსთან" საუბარში ინფექციური საავადმყოფოს დირექტორმა თენგიზ ცერცვაძემ განაცხადა.

აფხაზეთის ე.წ. ძალოვანი სტრუქტურების ყოფილი ან მოქმედი მაღალჩინოსნები შესაძლოა „რესპუბლიკის" ხელმძღვანელობის წინააღმდეგ ტერორისტულ აქტს, ან სახელმწიფო გადატრიალებსაც კი გეგმავენ. ამის შესახებ მინიშნება თავად მოქმედმა ე.წ. პრეზიდენტმა ასლან ბჟანიამ გააკეთა სოხუმში აღმოჩენილ იარაღის მასშტაბურ სამალავზე საუბრისას.

პრეზიდენტ სალომე ზურაბიშვილის ნაბიჯს, რომელმაც 15 მაისს „ევროპული საქართველოს" ერთ-ერთი ლიდერის გიგი უგილავას და თავდაცვის ყოფილი მინისტრის ირაკლი ოქრუაშვილი შეწყალების აქტი გამოსცა, უმრავლესობის წევრი რევაზ არველაძე გაუმართლებელს უწოდებენ. მისი თქმით, პრეზიდენტის არგუმენტები დამაჯერებელი არ იყო და უგულავასა და ოქრუაშვილის პატიმრობაში ყოფნა ქვეყანაში კრიზისს ვერ გამოიწვევდა.

ევროპის კონტინენტზე პირველი ქვეყანა, რომელიც ოფიციალური მონაცემების საფუძველზე აცხადებს, რომ დაამარცხა კოვიდ-19, სლოვენიაა. ახალ კორონავირუსზე ტესტირების შედეგები იუწყება, რომ ბოლო ორი კვირის განმავლობაში სლოვენიაში ინფიცირებულთა რაოდენობა აღარ იზრდება - მხოლოდ 7 შემთვევა დღეში. ამის შესახებ სლოვენიის მთავრობა ოფიციალურ ვებგვერდზე განცხადებას ავრცელებს.