ავტოსაგზაო შემთხვევების თავიდან აცილების მიზნით, საქართველოს გზებზე ე.წ. შავი წერტილები განისაზღვრება. პირველ ეტაპზე მოხდება არაუმეტეს 300-მეტრიანი მონაკვეთის დადგენა, სადაც 3 წლის განმავლობაში დაფიქსირდება არანაკლებ 4 საგზაო შემთხვევა, რომელსაც მოჰყვა ადამიანის გარდაცვალება ანდა ჯანმრთელობის მძიმე დაზიანება.

ბოლო ორი დღეა აქტიურად განიხილება ექსპრეზიდენტ გიორგი მარგველაშვილის პოლიტიკაში შესაძლო დაბრუნების საკითხი, რასაც ანალიტიკოსთა ნაწილი დადებითად აფასებს და აღნიშნავს, რომ ყოფილი პრეზიდენტის დაბრუნება დღევანდელი პოლიტიკური ვითარებისთვის მნიშვნელოვანი ცვლილება იქნება. თავად მარგველაშვილი არ გამორიცხავს, რომ გაერთიანებულ ოპოზიციას შეუერთდეს, რაც ანალიტიკოს რამაზ საყვარელიძის თქმით, ოპოზიციურ სპექტრს გააძლიერებს, თუმცა მეტ რეიტინგს ვერ შესძენს.

„ამ წუთში მოლაპარაკებას და დიალოგს სხვა ალტერნატივა არ აქვს, ჩვენ ამავდროულად საპროტესტო აქციებსაც ვაგრძელებთ, საერთაშორისო ზეწოლის იმედიც გვაქვს და ვფიქრობთ, რომ ხელისუფლება რაღაც დათმობებზე წამოვა, ყოველ შემთხვევაში ეს წინადადება ისეთია, რომელიც ამ ეტაპზე პრობლემას მოხსნიდა," - ასე აფასებს „რეზონანსთან" პატრიოტთა ალიანსის პოლიტიკური მდივანი გოჩა თევდორაძე ალიანსისვე ლიდერის ირმა ინაშვილის საარჩევნო სისტემასტან დაკავშირებულ ინიციატივას.

ანაკლიის პორტის პროექტის გაურკვეველი ვადით შეჩერების შემდეგ, ,,ეიპიემ ტერმინალს ფოთმა” კიდევ ერთხელ შეიტანა განაცხადი ნავსადგურის გაფართოებასთან დაკავშირებით. როგორც კომპანიაში ამბობენ, მათი მტკიცე განზრახვაა, ააშენონ ღრმაწყლოვანი პორტი ფოთში. ახლა ჯერი ეკონომიკის სამინისტროზეა, მისცემს თუ არა ,,ეიპიემს” ანაკლიის ალტერნატიული პროექტის განვითარების საშუალებას.

„ეს ჩემი იდეა იყო, ერთიანი კანდიდატი დაგვეყენებინა მაჟორიტარულ ოლქებში, ამას ვამბობ 2016 წლიდან. მაშინ მსხვილმა პოლიტიკურმა პარტიებმა ამ იდეას მხარი არ დაუჭირეს, რატომ მოვილაპარაკოთ კუკავასთან და 2%-იან პარტიებთანო. მაგრამ ცხოვრება მწარეა და როცა ცხვირი დაარტყეს, მიხვდნენ რომ ეს იდეა სწორი ყოფილა," - ასე ეხმაურება პარტია „თავისუფალი საქართველოს" ლიდერი კახა კუკავა საარჩევნო სისტემასთან დაკავშირებით შექმნილ ჩიხურ სიტუაციას.

„როდესაც ასეთ უმძიმეს დანაშაულს ჰქონდა ადგილი და ხელისუფლებამ ეს იცოდა, ამ ბრალის წაყენება თავის დროზე უნდა მომხდარიყო და ეს პროცესი „ფაჩიკოს გარმონივით" არ უნდა ყოფილიყო გაწელილი, ასეთ დანაშაულზე დანდობა არ შეიძლება," - ასე აფასებს „რეზონანსთან" ექსპერტი უსაფრთხოების საკითხებში ვახტანგ მაისაია თბილისის ყოფილი მერის, გიგი უგულავას დაპატიმრებას.

პრეზინდენტმა ხელისუფლებასა და ოპოზიციას შორის დიალოგის განახლების საკითხზე ელჩებს მიმართა. მისი პრესსამსახურის მიერ გავრცელებულ განცხადებაში საუბარია იმის შესახებ, თუ რა შეიძლება გააკეთოს სალომე ზურაბიშვილმა დიალოგის გასაახლებლად. თუმცა, პოლიტიკურ და ანალიტიკურ წრეებში ამ საკითხს პესიმისტურად უყურებენ და აღნიშნავენ, რომ პრეზიდენტის მონაწილეობა მხარეთა შორის დიალოგის აღდგენის მიზნით წარუმატებელი იქნება, რადგან ზურაბიშვილი პოლიტიკოსებს შორის დიდი ავტორიტეტით არ სარგებლობს.

ორ ექვსი წლის  გოგონაზე გარყვნილი ქმედების გამო 35 წლის მამაკაცი დააკავეს. მას პოლიცია 8 თვის განმავლობაში ეძებდა.  გ. ჯ.  8 წელს პატიმრობაში გაატარებს. ერთი მოზარდი მისი დისშვილია, მეორე კი მეზობელი. ბავშვები თანაკლასელები არიან. როგორც ერთ-ერთი გოგონას დედა ყვება, პირველი შემთხვევა გ.ჯ-ს  სახლში მოხდა, მეორე ერთ-ერთი სოფლის თონეში. 

"ჯერ კიდევ ცხოვრებაში აქა აუგეს ეკლესია დავითს მსახურებისთვის. მე-9 საუკუნეში სხვა გაჩნდა, ქვისა, ივერიის ღვთისმშობლისადმი მიძღვნილი და მონასტრად სახელდებული, ათონელი ბერების გამგეობაში მყოფი" - ასე აღწერს პლატონ იოსელიანი მამადავითის მთაზე პირველი ეკლესიის აშენებას.

13 000 დოლარი  ჩვილის სანაცვლოდ-სამშობიარო „ბაიებიდან“ სავარაუდოდ გაშვილების მიზნით ბავშვის გაყიდვას ცდილობდნენ, სადაც ახალშობილის დედამ საკეისრო კვეთით იმშობიარა. თუმცა გამოძიების ინფორმაციით, დედა ექიმებთან შეთანხმებით მოქმედებდა და ბავშვის მყიდველიც მათ მოძებნეს. ხოლო  აღებული თანხის გაყოფასუაზე  აპირებდნენ. კლინიკაში „რეზონანსს“ უდასტურებენ, რომ ამ საავადმყოფოს ორი ექიმია დაკავებული, თუმცა ამაზე ღიად საუბარი არავს სურს და მედიასთან კონტაქტსაც ერიდებიან. 

უკრაინის ყოფილმა პრეზიდენტმა პეტრო პოროშენკომ 2015 წლის 12 თებერვალს დონბასში კონფლიქტის მოგვარების შესახებ „მინსკი 2"-ის შეთანხმების დეტალები გაამხილა - ამის შესახებ მან გაზეთ „უკრაინსკაია პრავდაში" გამოქვეყნებულ სტატიაში ისაუბრა.

"მოლაპარაკების ჩაშლა, რა თქმა უნდა, ხელისუფლების ინიციატივით მოხდა; ეს აშკარაა, მაგრამ არ ვარ დარწმუნებული, რომ ოპოზიცია დაუმორჩილებლობაზე წავა" - ასე ეხმაურება ექსპერტი და ანალიტიკოსი დემურ გიორხელიძე ოპოზიციის განცხადებას, რომ ხელისუფლებასთან ყველანაირ მოლაპარაკებას წყვეტს და სახალხო დაუმორჩილებლობის რეჟიმზე გადადის.