ბელარუსის პრეზიდენტის, ალექსანდრე ლუკაშენკოს თქმით, ევრაზიული ინტეგრაციის პროცესი უშედეგოა და რეგრესის გზას ადგას. ამის შესახებ ბელარუსის ლიდერმა 5 მარტს ინტეგრაციულ სტრუქტურებში მონაწილეობისა და ევროპულ ორგანიზაციებთან თანამშრომლობასთან დაკავშირებული საკითხების განხილვის შეხვედრაზე განაცხადა - იუწყება ბელარუსის საინფორმაციო სააგენტო „ბელტა".

7 მარტს „პატრიოტთა ალიანსი" სააპელაციო სასამართლოსთან სააპელაციო სასამართლოს უვადოდ დანიშნული მოსამართლის, ლევან მურუსიძის გადადგომის მოთხოვნით მასშტაბურ მსვლელობას მართავს, რომელიც დიდუბის ხიდიდან დაიწყება და სააპელაციო სასამართლოსთან მიტინგით დასრულდება. ამასთან დაკავშირებით „რეზონანსი" პარტიის პოლიტიკურ მდივანს, გოჩა თევდორაძეს ესაუბრა.

„ღარიბაშვილის შემოსვლა ნიშნავს იმას, რომ ნეობოლშევიკები - ეს ახალგაზრდა ბიჭები მიდიან, რომლებიც პოლიტკოსებად ვერ გაიზარდნენ“, - ასე ეხმიანება პოლიტოლოგი პაატა ზაქარეიშვილი ირაკლი ღარიბაშვილის პოლიტიკაში დაბრუნებას, რომელიც „ოცნების“ პოლიტიკური მდივნის თანამდებობას დაიკავებს.

აშშ საქართველოში, ბალკანეთისა და ბალტიის სახელმწიფოებში რუსეთის საინფორმაციო გავლენასთან ბრძოლისთვის მილიონობით დოლარს გამოყოფს. უახლოესი ორი წლის განმავლობაში შეიქმნება ცენტრები, რომელიც აშშ-ის მოკავშირე ქვეყნებში რუსეთის საინფორმაციო გავლენის წინააღმდეგ იმუშავებს. ცენტრების მთავარი ფუნქცია იქნება სხვადასხვა ქვეყანაში საზოგადოებრივ აზრზე მოსკოვის გავლენის აღმოჩენა და აღმოფხვრა.

„გააჩნია რა უფლებამოსილებით დაბრუნდა; პოლიტიკის შესაცვლელად დააბრუნეს თუ მხოლოდ იმიტომ, რომ „ქართული ოცნების" ძველი გუნდი არ წასულიყო „ოცნებიდან", ეს არის ჯერ გასარკვევი. თუ რაღაცა უფლებამოსილება და პოლიტიკურ პროცესზე გავლენის მოხდენის შესაძლებლობა ექნება, შეიძლება რაღაცა შეცვალოს კიდეც, თუმცა, თუ ამის რესურსი არ მისცეს და პარტიის შიგნით იგივე მოცემულო შენარჩუნდება, რაც დღეს არის, მხოლოდ ირაკლის დაბრუნებით, პარტიაში ვითარების გაჯანსაღება მაინც ძნელი იქნება," - აცხადებს „ქართული ოცნებიდან" წამოსული დეპუტატი გედევან ფოფხაძე ირაკლი ღარიბაშვილის პოლიტიკაში დაბრუნების შესახებ „რეზონანსთან" საუბრისას.

ანალიტიკოსი გია ხუხაშვილი ყოფილი პრემიერ-მინისტრის ირაკლი ღარიბაშვილის პოლიტიკაში დაბრუნებას კრიტიკულად ხვდება. ხუხაშვილმა „რეზონანსთან“ განაცხადა, რომ მისთვის ღარიბაშვილი არანაირ ფიგურას არ წარმოადგენს და ამიტომაც მასზე კომენტარს არ გააკეთებს. 

ავტომობილების ტექდათვალიერების პირობები მკაცრდება. ბოლო დროს პერიოდული ტექნიკური ინსპექტირების რეგლამენტში თითქმის მუდმივად შედის ცვლილება, რისი მიზანიც ავტოპარკის განახლებაა. თუკი აქამდე ვიზუალურ ეფექტს ნაკლები ყურადღება ექცეოდა, ამიერიდან ეს პირობაც მკაცრად იქნება განსაზღვრული და ე.წ. "დაშპაკლული", მინარტყამი (ნაავარიევი) მანქანები ტექდათვალიერებას ვერ გაივლიან.

დედაქალაქში ავტობუსების ტაბლოებზე სრული ქაოსია. მგზავრები უმეტესად ვერც იგებენ, რამდენი ხანი უნდა ელოდონ ტრანსპორტს. აცდენაა ტაბლოებსა და ინტერნეტაპლიკაციას შორისაც, რომელიც ლოდინის დროის დაგეგმვას უნდა უწყობდეს ხელს. პრობლემის შესახებ მერიაში იციან და ამბობენ, რომ მის მოსაგვარებლად აქტიური მუშაობა მიმდინარეობს. პროგრამა სატესტო რეჟიმში უკვე წარმატებით ამოქმედდა, თუმცა კონკრეტული ვადა, როდის გამოსწორდება ხარვეზი, კვლავ უცნობია.

ქართველი ემიგრანტებისთვის და მათთვის, ვისაც უცხოეთში წასვლის სურვილი ახლა გაუჩნდა, მდგომარეობა სულ უფრო რთულდება. ვიზალიბერალიზაციის შემდეგ შენგენის ზონაში წასვლა საკმაოდ ადვილია, თუმცა იქ ფეხის მოკიდება წარმოუდგენლად გართულდა. სამუშაოს საძებნელად ჩასულ ქართველებს ხშირად რამდენიმე ქვეყნის შეცვლა უწევთ, სანამ სათანადო სამსახურს იპოვიან. მანამდე კი მძიმე პირობებში უხდებათ ცხოვრება.

მუნიციპალიტეტები საბიუჯეტო სახსრების ფლანგვას არხეინად აგრძელებენ. მილიონობით ლარი ისე იხარჯება ბიუჯეტიდან, რომ გაკეთებულ საქმეს ან ვერავინ ხედავს, ან იმდენად უხარისხოდაა შესრულებული, რომ, ფაქტობრივად, ხელახლა გასაკეთებელია, რაც ცხადია, დამატებით ფინანსურ რესურსს მოითხოვს. არაერთი დადასტურებული ფაქტის მიუხედავად, ხელისუფლება პრობლემის მოსაგვარებლად ვერაფერს აკეთებს.

„ქართული ოცნებიდან" დეპუტატების წასვლა გრძელდება. ბოლო 2 კვირაში „ოცნებას" უკვე 7-კაციანი დანაკარგი აქვს. უმრავლესობის რიგები კიდევ ორმა დეპუტატმა დატოვა - გია ჟორჟოლიანმა და მირიან წიკლაურმა, თუმცა ისინი არა ეკა ბესელიას „ამბოხებულთა" ჯგუფს უერთდებიან, რომლებსაც ფრაქციის ჩამოსაყალიბებლად სწორედ 2 დეპუტატი აკლდებათ, არამედ ფრაქცია „პატრიოტთა ალიანსს" და ამით „პატრიოტები" უკვე მეორედ გადაურჩებიან ფრაქციის სტატუსის დაკარგვას.

„თიბისი ბანკის" დამფუძნებელმა მამუკა ხაზარაძემ პარლამენტში საფინანსო-საბიუჯეტო კომიტეტის სხდომაზე სიტყვით გამოსვლისას განაცხადა, რომ მას და მის პარტნიორს ბადრი ჯაფარიძეს ხელისუფლებიდან ემუქრებოდნენ.