„ეს პროცესები სათავეს წინა წლებში დაწყებული შიდა კონფლიქტებიდან იღებს, რომელიც უკავშირდება, როგორც ღირებულებით კონფლიქტებს, ასევე სხვადასხვა ჯგუფების ინტერესთა დაჯახებას. როგორც ჩანს, ვერ მოხერხდა ამ ინტერესთა დაბალანსება და შეჯერება," - იურიდიული კომიტეტის ყოფილი თავმდჯომარის, ეკა ბესელიასა და მმართველი გუნდის გარკვეული ნაწილის დაპირისპირებას ანალიტიკოსი ზაალ ანჯაფარიძე „რეზონანსთან" საუბრისას ასე აფასებს.

"ფაქტია, რომ ბესელიამ დუმლში არ გაცვალა თავისი პოზიცია და ვიცესპიკერობა და კაბინეტი არ აირჩია," - ასე ეხმაურება საპარლამენტო უმრავლესობის წევრი, ნუკრი ქანთარია "ქართული ოცნების" თავმჯდომარის, ბიძინა ივანიშვილის განცხადებას, რომ პარლამენტის იურიდიულ საკითხთა კომიტეტის ყოფილი თავმჯდომარე, ეკა ბესელია გუნდის და გუნდურობის წინააღმდეგ წავიდა, რის გამოც დღის წესრიგიდან მისი პარლამენტის თავმჯდომარის მოადგილედ არჩევის საკითხი მოიხსნა.

ყოველი მეორე მარჯვენასაჭიანი მანქანა ტექდათვალიერებას ვერ გადის. ყველაზე მეტად პრობლემა მანქანებს ფარების რეგულირებასა და საქარე მინასთან დაკავშირებით აქვს. შარშანდელთან შედარებით, ინსპექტირების ცენტრებში მიმართვამ 4-ჯერ მოიმატა. რაც შეეხება საჭეგადატანილებს, ტექნიკურ მოთხოვნებთან შესაბამისობაში მოსაყვანად მძღოლებს რამე განსაკუთრებული მოთხოვნა არ აქვთ. მთავარი პირობაა, რომ საჭის გადატანის თარიღი 2018 წლის 1-ელ იანვრამდე ფიქსირდებოდეს. მარჯვენასაჭიანი და საჭეგადატანილი მანქანების მძღოლებს მოუწევთ, რომ ყურადღება ფარებს, საქარე მინებსა და სავალ ნაწილებს მიაქციონ.

"ქართულ ოცნებაში" დაწყებული დაპირისპირების ტალღა უფრო მწვავდება. მიუხედავად პარტიაში შექმნილი მძიმე ვითარებისა, სადაც, როგორც ჩანს, ორივე ჯგუფს თავისი მომხრეები ჰყავს, პარტიის თავმჯდომარე ბიძინა ივანიშვილის პოზიცია ამ დრომდე უცნობია.

"ოცნების" შიგნით თუ წინააღმდეგობა გამწვავდა, რა თქმა უნდა, ეს მის იმიჯზე იმოქმედებს და ამას ოპოზიცია თავის სასარგებლოდ გამოიყენებს, ამიტომ უნდა იყვნენ ფრთხილად", - ასე აფასებს ისტორიკოსი გიორგი ოთხმეზური მმართველ პარტიაში მიმდინარე პროცესებს.

მიწის უფასო რეგისტრაციის ვადა უკვე მერამდენედ გახანგრძლივდა და ამჯერად 2019 წლის 1-ელ ივლისამდე გაგრძელდა. საჯარო რეესტრსა და მთავრობაში ამტკიცებენ, რომ რეგისტრაცია წარმატებით მიმდინარეობს და მოსახლეობის აქტივობა მაღალია, მაგრამ სპეციალისტები პირდაპირ ამბობენ, რომ პროგრამას უამრავი ხარვეზი აქვს და ამიტომ მისი ეფექტი მცირეა. შესაბამისად, შეიძლება, სარეგისტრაციო პერიოდი კიდევ გახანგრძლივდეს.

სხვა პროდუქტებსა და მომსახურებასთან ერთად, 2019 წელს საქართველო გაძვირებული საფოსტო ტარიფებითაც შეხვდა. მომხმარებლები აღშფოთებულნი არიან, რადგან ზოგიერთ სერვისზე ფასი 4-ჯერ გაიზარდა. წელს ფოსტის პრივატიზება იგეგმება, რამდენადაც სახელმწიფო კომპანია დღეს წამგებიან ბიზნესთა შორისაა, სავარაუდოა, რომ, გასხვისების შემდეგ, ტარიფები კიდევ მოიმატებს.

რა ბერკეტი აქვს მოსკოვს, რომ მართლმადიდებელმა ეკლესიებმა უკრაინის ეკლესიის ავტოკეფალია არ აღიარონ და რა პოზიციას დაიჭერს საქართველო - ეს არის თემა, რომელიც 6 იანვრის შემდეგ მთავარი კითხვაა მართლმადიდებელ სამყაროში.

თეოლოგების თქმით, უკრაინის საკითხზე რა პოზიციას დააფიქსირებს საქართველოს საპატრიარქო, ეს იქნება ერთგვარი ლაკმუსის ქაღალდი, საქართველოს ეკლესია მართლაც დამოუკიდებელია, თუ რუსეთის გავლენის ქვეშ იმყოფება.

„ტრამპი ცდილობს, რომ საზღვარზე კედლის აღმართვით ბარიერი დააწესოს. ეს კედელი რომც აიგოს, გარკვეულწილად, შესაძლოა შეამციროს მიგრანტთა ტალღა, თუმცა არც ის არის გამორციხული, რომ არალეგალური მიგრაცია ვერც ამან შეაჩეროს.

მიუხედავად იმისა, რომ ღორის გრიპით უკვე 10 ადამიანი გარდაიცვალა, დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ, განაცხადა, რომ ეპიდემიის ზღვარზე არ ვართ. მსგავსი შინაარსის განცხადება გააკეთა ჯანდაცვის მინისტრმა, დავით სერგენკომაც, თუმცა, მდგომარეობა კვლავ მძიმეა.

გარდაცვალების ერთ-ერთი ბოლო შემთხვევა გორში დაფიქსირდა, სადაც 22 წლის ქალი დაიღუპა. პარალელურად, კარანტინია გამოცხადებული არაერთ კლინიკაში, მათ შორის ფოთში.

"იუსტიციის უმაღლესი საბჭოს მიერ უზენაესი სასამართლოს წევრობის კადიდატების სიასთან დაკავშირებული მსჯელობა მნიშვნელოვანია, მაგრამ რად უღირს "ოცნებას" ამისთვის კიდევ ერთხელ დაკარგოს საზოგდაოების ნდობა, ეს ხომ მომავალი არჩევნებისთვის მუდმივად სალაპარაკო თემა იქნება"- ასე აფასებს პოლიტოლოგი ვახტანგ ძაბირაძე მმართველ პარტიაში მიმდინარე პროცესებს.

"დღეს უკვე "ქართულ ოცნებას" ერთიანობა აღარ სჭირდება - 2020 წლის არჩევნებისთვის "ოცნება" ერთი პოლიტიკური ძალის სტატუსით რომ წარსდგეს, შეიძლება ბევრად უფრო სავალალო შედეგები მიიღოს," - ეს განცხადება პოლიტოლოგმა, არჩილ გამზარდიამ უმრავლესობაში არსებულ დაპირისპირებაზე კომენტირებისას გააკეთა.