მთავრობა ლარის კურსის გასამყარებლად სავალუტო ინტერვენციას განახორციელებს. ეს ერთადერთი საშუალებაა, რაც მმართველ პარტიას ამომრჩევლების კეთილგანწყობას დაუბრუნებს, მაგრამ რეალური შედეგის მისაღებად ლარი, სულ მცირე, 20 პუნქტით უნდა გამყარდეს, რასაც ექსპერტების ნაწილი სკეპტიკურად უყურებს. ყველაზე ოპტიმალურ შემთხვევაში, შესაძლოა, კურსი 2,65-მდე დაიყვანონ.

პარტია "თავისუფალი საქართველოს" ლიდერი კახა კუკავა მეორე ტურში გასულ არცერთ კანდიდატს მხარს არ დაუჭერს, რადგან მიიჩნევს, რომ ეს იქნება მხარდაჭერა იმ მანკიერი საარჩევნო სისტემისა, რომელიც საქართველოში არსებობს.

"მეორე ტურში "ნაცმოძრაობა", თავისი თითოკაციანი პარტიებით იმაზე მეტ ხმას ვერ აიღებს, რაც პირველ ტურში აიღო, რადგან მას დაუპირისპირდება ის სერიოზული მუხტი, რომელიც საზოგადოებაში გაჩნდა" - აცხადებს პოლიტოლოგი ვახტანგ მაისაია, რომელსაც "რეზონანსი" მეორე ტურის მოსალოდნელ შედგებზე ესაუბრა.

„ხელისუფლება ძალიან დელიკატურ სიტუაციაშია; ერთი მხრივ, მან ამ გამოწვევას რაღაცით უნდა უპასუხოს. საზოგადოება აღშფოთებულია იმით, რაც ხდება, - ე.წ. საზღვრის გადმოწევით. თუმცა, მეორე მხრივ, ხელისუფლებას არ აქვს მნიშვნელოვანი ბერკეტები ამ პრობლემის მოსაგვარებლად"

არჩევნების პირველი ტურიდან 10 დღე გავიდა და ამ ხნის განმავლობაში სალომე ზურაბიშვილი არც მედიასთან და არც ამომრჩეველთან არ გამოჩენილა. ოპოზიცია ქილიკით აცხადებს, რომ "ოცნებამ" ის გადამალა.

ლარის კურსის კატასტროფული ვარდნის გამო ამომრჩევლები გაღიზიანებული და აგრესიულები გახდნენ. მოქალაქეების ის კატეგორიაც კი, რომელიც მმართველი პარტიის მიმართ დადებითად იყო განწყობილი, ამბობს, რომ "ქართული ოცნების" მხარდაჭერილი კანდიდატის სასარგებლოდ არჩევნი გაუჭირდება. თუკი ხელისუფლებამ ლარი სასწრაფოდ არ გაამყარა 12-15 პუნქტით მაინც, მათი მარცხი გარდაუვალია.

ეროვნული ბანკის სავალუტო რეზერვი კიდევ ერთხელ შემცირდა. სად ქრება ეს თანხა, უცნობია. სპეციალისტების ვარაუდით, შესაძლოა, მას სახელმწიფო ვალის მომსახურებისთვის იყენებენ. ფაქტია, რომ ბოლო პერიოდში სებ-ს არც ერთი დოლარი არ დაუხარჯავს ეროვნული ვალუტის გასამყარებლად. მიუხედავად ამისა, რეზერვი პერმანენტულად მცირდება.

ლარის არნახულმა გაუფასურებამ პროდუქტის მორიგი გაძვირება გარდაუვალი გახადა. დისტრიბუტორები არ მალავენ, რომ უახლოეს დღეებში სურსათზე ფასი კიდევ გაიზრდება. სამომხმარებლო ბაზარზე არანაკლებ გავლენას ახდენს საწვავის გაძვირებაც, რაც ასევე მზარდია. პირველ რიგში, იმპორტული საქონლის ფასი მოიმატებს, განსაკუთრებით კი მედიკამენტების ღირებულება გაიზრდება.