ვფიქრობ, პრეზიდენტმა ბოდიში უნდა მოიხადოს თავისი მოხელის გადაცდომის გამო, - ასე გამოეხმაურა პარლამენტის ფრაქცია "ქართული ოცნების" თავმჯდომარე მამუკა მდინარაძე პრეზიდენტის საგარეო ურთიერთობათა მდივნის, თენგიზ ფხალაძის განცხადებას, რომლის შეფასებით, პარლამენტის თავმჯდომარე ირაკლი კობახიძემ ელჩებს "პარტიული დავალებები" მისცა.

ოპოზიციური პარტიების ერთობლივ გადაწყვეტილებას, რომ ხელისუფლებასთან საკონსტიტუციო პროექტთან დაკავშირებით დიალოგი გაიმართოს კონსენსუსის მიზნით, პარლამენტის ვიცე-სპიკერი გია ვოლსკი ეხმაურება და აცხადებს, რომ მმართველ პარტიაში აღნიშნულ შეხვედრასთან დაკავშირებით უმრავლესობა დღეს იმსჯელებს.

შინაგან საქმეთა სამინისტრომ გაერო-ში საქართველოს ახალგაზრდობის ყოფილ წარმომადგენელ თათია დოლიძის მიმართ განხორციელებული მუქარის ფაქტზე გამოძიება დაიწყო

სააკაშვილი არამხოლოდ უკრაინის, არამედ საქართველოს ოლიგარქიული მმართველობის მტერიც არის, აცხადებს "ნაციონალური მოძრაობის" ერთ-ერთი ლიდერი ხატია დეკანოიძე.

"20-მა ოპოზიციურმა პარტიამ მიიღო ერთი და მთავარი გადაწყვეტილება - ჩვენ ვართ მზად, შევხვდეთ ხელისუფლებას, მზად ვართ, რომ ყველა საკითხზე ვისაუბროთ და ორიენტირებული ვართ შეთანხმებასა და კონსენსუსზე," - ამის შესახებ ჟურნალისტებს ოპოზიციური პარტიების შეხვედრის დასრულების შემდეგ "ახალი მემარჯვენეების" ერთ-ერთმა ლიდერმა მამუკა კაციტაძემ განუცხადა.

უცხოელი არალეგალების წინააღმდეგ დღეს აღმაშენებლის გამზირზე "ქართველთა მარში" გაიმართება. აქციის ორგანიზატორ სანდრო ბრეგაძის თქმით, უნდა მოხდეს არაბი და ირანელი მოქალაქეების დეპორტაცია და მათ მიერ საქართველოში გახსნილი იმ კლუბების დახურვა, სადაც, მისივე თქმით, "ბავშვთა პროსტიტუცია" ხდება.

გუშინდელი მთავრობის სხდომაზე პრემიერ-მინისტრმა გიორგი კვირიკაშვილმა ვიცე-პრემიერი და ენერგეტიკის მინისტრი წარადგინა - ვიცე-პრემიერი მიხეილ ჯანელიძე, ენერგეტიკის მინისტრის კი ილია ელოშვილი იქნება.

გუშინ მთავრობის ადმინისტრაციიდან საგარეო საქმეთა სამინისტროს მიმართულებით "ახალი საქართველოს" აქცია-პერფორმანსი გაიმართა. "ახალი საქართველოს" წევრებმა მცოცავი ოკუპაცია გააპროტესტეს. აქციის მონაწილეებმა, სიმბოლურად, 400-მეტრიანი თოკი მთავრობის ადმინისტრაციიდან საგარეო საქმეთა სამინისტრომდე გააბეს.

საკონსტიტუციო ცვლილებებთან დაკავშირებით საქართველოს პრეზიდენტთან დაგეგმილი შეხვედრა ჩაიშალა. პრეზიდენტთან კონსტიტუციის პროექტზე მსჯელობაზე მმართველმა გუნდმა უარი თქვა.

ჰამბურგში დიდი ოცეულის სამიტი 7 ივლისს გაიხსნა. იმავე დღეს აშშ-ისა და რუსეთის პრეზიდენტების პირველი შეხვედრა გაიმართა. თეთრი სახლის მიერ გავრცელებული ინფორმაციით, დონალდ ტრამპისა და ვლადიმერ პუტინის შეხვედრა ნახევარ საათს უნდა გაგრძელებულიყო, თუმცა მოლაპარაკებამ დაახლოებით 2 საათსა და 15 წუთს გასტანა.

მცოცავი ოკუპაციის გაგრძელების გამო მესამე სექტორი უშიშროების ან კრიზისების მართვის საბჭოს საგანგებო შეკრებას ითხოვს. ორგანიზაციები სახელმწიფო სამსახურებისგან რუსეთთან მიმართებით ადეკვატურ რეაგირებას მოითხოვენ და ხელისუფლებას მოუწოდებენ, რომ მათი პოზიცია ამ კუთხითუფრო მკაფიო გახდეს.

1-ელ ივლისს "ქართულმა ოცნებამ" მერობის კანდიდატად კახა კალაძე ოფიციალურად დაასახელა. ამასთან დაკავშირებით გუშინ რეგიონული განვითარების და ინფრასტუქტურის მინისტრმა ზურაბ ალავიძემ განაცხადა, რომ კახი კალაძე პირველსავე ტურში გაიმარჯვებს.