საპარლამენტო უმრავლესობის ლიდერის - არჩილ თალაკვაძის განცხადებით, მმართველ გუნდში არ ყოფილა საბოლოო მსჯელობა იმაზე, მოხდება თუ არა პრეზიდენტის არაპირდაპირი წესით არჩევის 2024 წლამდე გადავადება. როგორც თალაკვაძემ განაცხადა, ამ საკითხზე გუნდში შეთანხმებული პოზიცია ამ დროისთვის არ არის.

"ამ ფორმით პროტესტის გამოხატვა პრეზიდენტის ინსტიტუტს არ შეეფერება, - ასე გამოეხმაურა პარლამენტის იურიდიულ საკითხთა კომიტეტის თავმჯდომარე ეკა ბესელია პრეზიდენტის გადაწყვეტილებას, არ მოიწვიოს პარლამენტის რიგგარეშე სესია საკონსტიტუციო ცვლილებების განსახილველად.

საქართველოს კათოლიკოს-პატრიარქმა ილია მეორემ ქადაგებისას ბრძანა, რომ კონსტიტუციურ მონარქიას ქვეყანაში მშვიდობა შემოაქვს. მისივე თქმით, საქართველოში ამაზე საუბარი ადრეა, თუმცა წარსულის გამოცდილებიდან ეს მმართველობა უნდა გავაანალიზოთ.

იურიდიულ საკითხთა კომიტეტში "საზოგადოებრივი მაუწყებლის" შესახებ კანონში ცვლილებებთან დაკავშირებით შეხვედრა გაიმართა, სადაც კომიტეტის თავმჯდომარე ეკა ბესელიამ აღნიშნა, რომ ცვლილებებზე სამუშაო ჯგუფმა მუშაობა, პრაქტიკულად, დაასრულა. მისივე თქმით, ცვლილებების შემუშავებაში აქტიურად იყო ჩართული როგორც საზოგადოებრივი მაუწყებელი, ასევე ექსპერტები და არასამთავრობო ორგანიზაციები.

რამდენიმეთვიანი პაუზის შემდეგ პარლამენტის ყოფილი თავმჯდომარე დავით უსუფაშვილი აქტიურ პოლიტიკაში დაბრუნდა და გუშინ ცენტრისტული მიმართულების ახალი პოლიტიკური ძალის პრეზენტაცია გამართა.

უნდა შეიქმნას თუ არა პარლამენტში დროებითი საგამოძიებო კომისია აფგან მუხთარლის საქმესთან დაკავშირებით? ევროპარლამენტის მიერ საქართველოდან აზერბაიჯანელი ჟურნალისტის - აფგან მუხთარლის გატაცებასთან დაკავშირებით რეზოლუციის მიღების შემდეგ საქართველოს პარლამენტში კიდევ ერთხელ დაისვა ამ საქმეზე დროებითი საგამოძიებო კომისიის შექმნის საკითხი.

24 საერთაშორისო არასამთავრობო ორგანიზაცია საქართველოს პრემიერ-მინისტრისგან აფგან მუხთარლის საქმეზე განმარტებებს ითხოვს. აღნიშნული წერილი "რუსთავი 2"-მა მოიპოვა, ის ბრიუსელიდან საქართველოს მთავრობის ადმინისტრაციაში გადმოიგზავნა.

პარლამენტი მიმდინარე კვირის პლენარულ სხდომაზე განიხილავს მთავრობის საკანონმდებლო პაკეტს, რომელიც მარიხუანასა და მცენარე კანაფთან დაკავშირებით კანონმდებლობის ლიბერალიზაციას ითვალისწინებს. რამდენიმე კანონპროექტისგან შემდგარი პაკეტი პლენარული სხდომის დღის წესრიგშია ასახული.

სააპელაციო სასამართლომ რეპერების ჯგუფ "ბირჟა მაფიის" წევრები სასამართლო დარბაზიდან გაათავისუფლა. ცნობისთვის, გიორგი ქებურია და მიხეილ მგალობლიშვილი 9 ივნისს ნარკოტიკის შენახვა-ტარებისთვის დააკავეს და საქალაქო სასამართლომაც წინასწარი პატიმრობა შეუფარდა.

ვიცე-პრემიერი და განათლების მინისტრი ალექსანდრე ჯეჯელავა მუსიკალური ჯგუფის - "ბირჟა მაფიის" იმ კლიპს, სადაც პოლიციაა გაშარჟებული, სახელმწიფოებრიობის წინააღმდეგ გადადგმულ ნაბიჯად მიიჩნევს. თუმცა, მიუხედავად ამისა, მისი აზრით, ჯგუფის ორი წევრი სამართალდამცავებს ამის გამო არ დაუკავებიათ.

ჯერჯერობით დაუდასტურებელი ინფორმაციით, "რუსთავი 2"-ის გენერალურმა დირექტორმა ნიკა გვარამიამ თანამდებობა დატოვა. ამის შესახებ ინფორმაციას სხვადასხვა მედიასააგენტო ტელეკომპანიის თანამშრომლებზე დაყრდნობით ავრცელებს და აღნიშნავენ, რომ მან თანამდებობის დატოვების მიზეზად არხზე არსებული ფინანსური პრობლემები დაასახელა.

საარჩევნო სისტემის ცვლილების გამო საპარლამენტო უმრავლესობაში უთანხმოებაა. ფრაქციის - "ქართული ოცნება - რეგიონების განვითარებისთვის" თავმჯდომარე კახა ოქრიაშვილის ინფორმაციით, მაჟორიტარული სისტემის შენარჩუნებას დაახლოებით 75 დეპუტატი (მაჟორიტარები და არამაჟორიტარებიც) უჭერს მხარს.