ლაშა თორდია ადასტურებს, რომ ვიდეოში, რომელიც სოციალურ ქსელში გავრცელდა, ნამდვილად თავად არის და 2016 წელს გარკვეულ ინციდენტს ჰქონდა ადგილი, თუმცა დეტალებზე არ საუბრობს.

"ქართული ოცნების" თავმჯდომარე მამუკა მდინარაძემ გუშინ, ბერლინში, კონსტიტუციურ კანონპროექტთან დაკავშირებით განაცხადა, რომ პრეზიდენტთან მიმართებაში, ვენეციის კომისიის ექსპერტებს კრიტიკული ან რაიმე სახის შენიშვნა არ ექნებათ.

გუშინ საკონსტიტუციო ცვლილებებზე ბერლინში იმსჯელეს. გერმანიის საერთაშორისო თანამშრომლობის საზოგადოების მხარდაჭერით მიმდინარე კონფერენციაზე საკონსტიტუციო ცვლილებები ვენეციის კომისიის მდივანსა და ექსპერტებს საქართველოს პარლამენტის თავმჯდომარე ირაკლი კობახიძემ გააცნო.

საქართველოს სხვადასხვა რეგიონში ბოლო რამდენიმე დღის განმავლობაში ძლიერი წვიმისა და სეტყვის შედეგად გლეხები დაზარალდნენ. ისინი ცენტრალურ ხელისუფლებას დახმარებას სთხოვენ. ადგილობრივების განცხადებით, განადგურდა მოსავლის დიდი ნაწილი.

ე.წ ციანიდის საქმის სასამართლო პროცესი გუშინ ხმაურის ფონზე მიმდინარეობდა. დეკანოზ გიორგი მამალაძის შემდეგ სხდომა პროტესტის ნიშნად დატოვეს მისმა ადვოკატებმა - ამის მიზეზი კი პროკურატურის მხრიდან სხდომის დახურვა გახდა.

სახელმწიფო აუდიტის სამსახურის უფროსი ლაშა თორდია გუშინ არასამთავრობო სექტორის წარმომადგენლებს შეხვდა და ყოფილ მთავარ პროკურორ ოთარ ფარცხალაძესთან დაპირისპირების ფაქტის შესახებ ინფორმაცია მიაწოდა. შეხვედრა აუდიტის სამსახურში 15:00 საათზე გაიმართა.

ევროკავშირის სპეციალურმა წარმომადგენელმა სამხრეთ კავკასიისა და საქართველოს კრიზისების საკითხებში ჰერბერტ ზალბერმა, ოკუპირებული "სამხრეთ ოსეთის" ე.წ. პრეზიდენტ ანატოლი ბიბილოვს ე.წ. არჩევნებში გამარჯვება და თანამდებობის დაკავება მიულოცა.

თავდაცისა და უშიშროების კომიტეტის თავმჯდომარე ირაკლი სესიაშვილის მიერ პარლამენტისთვის წარდგენილი კანონპროექტის მიხედვით, წვევამდელის მიერ სამხედრო სამსახურისთვის თავის არიდება, მათ შორის ავადმყოფობის სიმულაციით, სხეული თვითდაზიანებით, ყალბი დოკუმენტის გამოყენებით ან სხვაგვარად მოტყუება, დაისჯება ჯარიმით ან თავისუფლების აღკვეთით სამ წლამდე.

სასოფლო-სამეურნეო მიწის უცხოელებზე გასხვისება, საზოგადოებისთვის კვლავ აქტუალური საკითხია. აღნიშნულთან დაკავშირებით საუბარი საკონსტიტუციო ცვლილებების სახალხო განხილვაზე იყო. გუშინ სახალხო განხილვა თბილისში გაიმართა, სადაც დიასპორის საკითხებში სახელმწიფო მინისტრის ყოფილმა მოადგილემ, სანდრო ბრეგაძემ განცხადება გააკეთა.

არასამთავრობო ორგანიზაციები გენერალურ აუდიტორ ლაშა თორდიაზე მომხდარ თავდასხმასთან დაკავშირებით ამ დრომდე განხორციელებული საგამოძიებო მოქმედებების შესახებ ინფორმაციის დროულად გასაჯაროებას მოითხოვენ.

აშშ-ის "ეროვნულ-დემოკრატიული ინსტიტუტის" მიერ ჩატარებული კვლევის თანახმად, გამოკითხულთა 63% ფიქრობს, რომ საქართველოსთვის ყველაზე დიდი საფრთხე რუსეთია. ამასთან, გამოკითხულთა 47%-ს მიაჩნია, რომ საქართველოში მუშაობს რუსული პროპაგანდა.

სკოლის მოსწავლეებს რეპროდუქციული და სქესობრივი ჯანმრთელობისა და უფლებების ძირითად საკითხებთან დაკავშირებით სემინარები ჩაუტარდებათ. აღნიშნული რეკომენდაცია პარლამენტს ომბუდსმენმა მიაწოდა, რომელიც ადამიანის უფლებათა დაცვის კომიტეტმაც გაიზიარა.