პარლამენტმა, ხმათა უმრავლესობით, სახელმწიფო უსაფრთხოების სამსახურის უფროსის თანამდებობაზე წარდგენილ ვახტანგ გომელაურს მხარი დაუჭირა.

კრემლში ვიღაცამ გადაწყვიტა, რომ დაძაბულობა არა მხოლოდ უკრაინაში, არამედ საქართველოშიც გაამწვავოს, - ამის შესახებ აშშ-ის ყოფილმა ელჩმა საქართველოში უილიამ კორტნიმ განაცხადა. საოკუპაციო ხაზთან მიმდინარე მოვლენები მან "ამერიკის ხმის" ქართულ სამსახურთან ინტერვიუში შეაფასა.

საქართველომ განსაზღვრა თავისი გზა, როგორც მჭიდროდ ასოცირებულმა პარტნიორმა ევროკავშირთან, ჩვენი ორმხრივი ურთიერთობები ძლიერია და კიდევ უფრო ვითარდება, - ამის შესახებ ევროპული საბჭოს პრეზიდენტმა დონალდ ტუსკმა საქართველოს პრეზიდენტ გიორგი მარგველაშვილთან ერთად გამართულ პრესკონფერენციაზე განაცხადა.

პრემიერ-მინისტრი ირაკლი ღარიბაშვილი მიიჩნევს, რომ ქვეყნის შიგნით მოქმედი დესტრუქციული ძალები ევროპის ახალგაზრდული ოლიმპიური ფესტივალის დაწყების წინ ცდილობენ სიტუაცია განსაკუთრებით დაძაბონ. ამის შესახებ ღარიბაშვილმა ჟურნალისტებს განუცხადა.

რამდენიმე დღის წინ ე.წ. სამხრეთ ოსეთთან არსებული დე ფაქტო საზღვრის ხაზი რამდენიმე ასეული მეტრით გადმოწიეს და საზღვრის აღმნიშვნელი ბანერიც დაამაგრეს.

საქართველოს საგარეო საქმეთა სამინისტროს ინფორმაციით, რუსეთის ფედერაციის მიერ განხორციელებული ეს პროვოკაციული ქმედება საქართველოს სუვერენიტეტისა და ტერიტორიული მთლიანობის ხელყოფას, საქართველოს კონსტიტუციის, საერთაშირისო სამართლის ნორმებისა და პრინციპების, აგრეთვე რუსეთის მიერ აღებული საერთაშორისო ვალდებულებების, მათ შორის, 2008 წლის 12 აგვისტოს ცეცხლის შეწყვეტის შესახებ შეთანხმების უხეშ დარღვევას წარმოადგენს, საფრთხეს უქმნის რეგიონში მშვიდობასა და უსაფრთხოებას.

საოკუპაციო ხაზის საქართველოს ტერიტორიის სიღრმეში გადმოწევის კვალდაკვალ, პრემიერი ირაკლი ღარიბაშვილი საზოგადოებას სიმშვიდისკენ მოუწოდებს და ამბობს, რომ ხელისუფლება გააზრებული გეგმით მოქმედებს. ოპონენტები თვლიან, რომ დაშვებულია შეცდომები საერთაშორისო თანამეგობრობის მობილიზების ჭრილში და რომ იმთავითვე გაუმართლებელი იყო რუსეთთან დათბობის პოლიტიკა.

რუსეთის საოკუპაციო ძალებმა 10 ივლისს ოკუპირებული ახალგორის რაიონის სოფელ ორჭოსანში და წითელ უბანში საზღვრის აღმნიშვნელი ბანერები აღმართეს.

საქართველოს საგარეო საქმეთა სამინისტროში რუსეთის მიერ საოკუპაციო ხაზის გადმოწევასთან დაკავშირებით გუშინ დიპლომატიური კორპუსის წარმომადგენლებთან შეხვედრა გაიმართა.

გუშინ 9 საათზე სუპერთასის ბილეთების გაყიდვა დაიწყო, მაგრამ როგორც აღმოჩნდა ბილეთების რეალიზაციასთან დაკავშირებით კვლავ პრობლემები გაჩნდა. გუშინ უკმაყოფილო გულშემატკივრებმა ფეხბურთის ფედერაციასთან საპროტესტო აქციაც კი გამართეს.

ზურაბ ჟვანიას დაცვის ყოფილმა უფროსმა გუშინ სასამართლო პროცესზე ექსპრემიერის გარდაცვალების დეტალებზე ისაუბრა და ის ფაქტები გაამხილა, რაზეც მანამდე, როგორც ამბობს, საკითხის დელიკატურობის გამო არ საუბრობდა.

საბერძნეთში მყოფი საქართველოს მოქალაქეები სამშობლოში მასობრივ დაბრუნებას არ აპირებენ, - ამის შესახებ მთავრობის დღევანდელი სხდომის შემდეგ ჟურნალისტებს დიასპორის საკითხებში სახელმწიფო მინისტრმა გელა დუმბაძემ განუცხადა.