„ქართული ოცნების" აღმასრულებელი დირექტორის, ირაკლი კობახიძის თქმით, თბილისში 7-ის ნაცვლად 8 საარჩევნო ოლქი იქნება. ჟურნალისტებთან საუბრისას მან განაცხადა, რომ ეს გადაწყვეტილება მმართველმა გუნდმა ოპოზიციასთან შეთანხმებით მიიღო და დასძინა, რომ თბილისისთვის ერთი დამატებითი მანდატი ერთ-ერთ რეგიონს გამოაკლდება და ამასთან დაკავშირებით საბოლოო გადაწყვეტილება დღეს მიიღებენ.

მსოფლიოში კორონავირუსისგან გამოწვეული სიკვდილიანობა დაახლოებით 2.3%-ს შეადგენს,ლეტალური შემთხვევები ძირითადად მაღალასაკოვან ადამიანებში ფიქსირდება, 80% სიკვდილიანობის 60 წელს გადაცილებულ ასაკობრივ ჯგუფზე მოდის, რომელთაგან 50%-ს თანხმლები დაავადებებიც უფიქსირდებოდათ.

საქართველოს პარლამენტის დამოუკიდებელმა დეპუტატმა დავით ჭიჭინაძემ ჟურნალისტებთან საუბარში განაცხადა, რომ მხარს არ უჭერს საკანონმდებლო ცვლილებებს:

უმაღლესი საგანმანათლებლო დაწესებულებების ნაწილი დისტანციური სწავლების რეჟიმში გადადის. სკოლებში კი არდადეგები სავარაუდოდ გახანგრძლივდება. როგორც განათლების სამინისტროში „რეზონანსს" უთხრეს, ყველაფერი დამოკიდებულია არსებულ მდგომარეობაზე. იმ შემთხვევაში თუკი ქვეყანაში ეპიდმდგომარეობა შეიქმნება, სკოლებში სწავლა 16 მარტს აღარ განახლდება.

ოპოზიციამ შესაძლოა საარჩევნო სისტემასთან დაკავშირებით მმართველ პარტიასთან მიღწეული შეთანხმება თავად ჩაშალოს. მიზეზად ოპოზიციის ცალკეულ წარმომადგენელთა პატიმრობაში ყოფნა სახელდება. ოპოზიცია მათ პოლიტპატიმრებად მიიჩნევს, აცხადებს, რომ შეთანხმების ერთ-ერთი პუნქტი მათ გათავისუფლებას გულისხმობს და თუ ეს არ მოხდა, „მაშინ ეს შეთანხმება არ არსებობს“. მმართველი პარტია კი ამ მიმართულებით რაიმე შეთანხმების არსებობას გადაჭრით უარყოფს. 

„ოცნებაში“ გადაჭრით უარყოფენ გავრცელებულ ცნობას, რომ საარჩევნო სისტემაზე ოპოზიციასთან მიღწეულმა შეთანხმებამ მმართველ პარტიაში შიდა დაპირისპირება გამოიწვია. მათი ცნობით, ამ საკითხზე არც ბიძინა ივანიშვილსა და არც „ოცნების“ მაჟორიტარებს შორის არ გამართულა საგანგებო შეხვედრა.

„მიუხედავად იმისა, რომ მემორანდუმში ბლოკების საკითხი შესული არ არის, ვთვლი, რომ მოქმედ ნორმაში ბლოკების შექმნის უფლება უნდა დარჩეს და ეს იქნება დამატებითი კონსულტაციების საკითხი“, - ასე ეხმაურება პარტია „თავისუფალი საქართველოს“ ლიდერი კახა კუკავა პარლამენტის ვიცე-სპიკერ მამუკა მდინარაძის განცხადებას, რომ ბლოკების შექმნის საკითხი დღეს ღიად არის და არ გამორიცხავს, რომ ამ თემასთან დაკავშირებით კონსულტაციები გაიმართოს.

ოფიციალური ინფორმაციით, ამ ეტაპზე საქართველოში კორონავირუსის გავრცელების გამო კარანტინში რჩება 178 ადამიანი, ხოლო სტაციონარში, მეთვალყურეობის ქვეშ იმყოფება - 56 პირი. კიდევ უფრო მეტია იმ მოქალაქეების რაოდენობა, რომლებიც, ხელისუფლების რეკომენდაციით, თვითიზოლაციის რეჟიმში იმყოფებიან. თუმცა, უკვე დაფიქსირდა შემთხვევები, როდესაც მოქალაქეები თვითიზოლაციის წესებს არღვევენ და კარანტინიდან გაქცევას ცდილობენ.

„ნებისმიერ შემოთავაზებას მივიღებთ ოპოზიციისგან და ნებისმიერი ადამიანისგან ოლქების გადანაწილების თაობაზე. თუმცა, 30 მაჟორიტარი ის ლიმიტია, რომლის გაზრდის შემთხვევაშიც არაადეკვატური იქნებოდა ნებისმიერი დაყოფა“, - ასეთი კომენტარი გააკეთა საპარლამენტო უმრავლესობის წევრმა გიორგი ვოლსკიმ „რეზონანსთან“.

„საგანელიძეს უნდა ჰკითხოთ ვის გულისხმობს, რა საფუძვლები აქვს. ალბათ აქვს რაღაცა საფუძველი... საზოგადოება ჭრელია..." - ასე აფასებს უმრავლესობის დეპუტატი ნუკრი ქანთარია „საპარტნიორო ფონდის" აღმასრულებელი დირექტორის, დავით საგანელიძის განცხადებას.

იუსტიციის უმაღლესმა საბჭომ უზენაესი სასამართლოს თავმჯდომარის თანამდებობაზე მოსამართლე ნინო ქადაგიძის კანდიდატურა შეარჩია. როგორც „რეზონანსთან" იუსტიციის უმაღლესი საბჭოს არამოსამართლე წევრი ნაზი ჯანეზაშვილი საუბრობს, ქადაგიძესთან დაკავშირებით არსებობს კითხვები. იმ ფაქტს, რომ ამ თანამდებობაზე არ დასახელდა უზენაესი სასამართლოს მოსამართლის, შალვა თადუმაძის კანდიდატურა, იმით ხსნის, რომ ხელისუფლებამ და „კლანმა" ვეღარ გაბედა ამ ფიგურის წინ წამოწევა.

პარასკევს 6 მარტს სოხუმიდან კოდორის ხეობისკენ მიმავალ ერთადერთ გზაზე მდებარე გვირაბი ნაწილობრივ ჩამოინგრა. ამის შესახებ გულრიფშის რაიონის სოფელ აჟარის დე ფაქტო გამგებელმა სერგეი ჯონუამ განუცხადა „სპუტნიკ აბხაზიას". გარკვეული რისკის ფასად, ავტომობილებს გვირაბში გავლა ჯერ კიდევ შეუძლიათ, თუმცა, დე ფაქტო ხელისუფლების ცნობით, გვირაბის კონსტრუქცია იმდენად არამყარია, რომ ახლო მომავაში შესაძლოა მთლიანად ჩამოინგრეს.