საბჭოთა პერიოდიდან მოყოლებული საქართველოში სხვადასხვა პროფილის ლაბორატორია არსებობდა მათ შორის თბილისში, ასათიანის ქუჩაზე გახსნილი იყო "შავი ჭირის საწინაღმდეგო სადგური", სადაც 70 წლის განმავლობაში შავი ჭირის, ჯილეხის, ბრუცელიოზის პათოგენებზე მუშაობდა. 2004 წელს აშშ-ს მთავრობასა და საქართველოს მთავრობას შორის დადებული ხელშეკრულების საფუძველზე დაიწყო რიჩარდ ლუგარის სახელობის საზოგადოებრივი ჯანდაცვის კვლევის ცენტრის მშენებლობა, დაავადებათა კონტროლის და საზოგადოებრივი ჯანმრთელობის ეროვნული ცენტრის ბაზაზე.

კორონავირუსთან ბრძოლის პირობებში, როდესაც თითქმის მთელი საქართველო დისტანციური მუშაობისა და სწავლების რეჟიმზე გადავიდა, „პატრიოტთა ალიანსის" წევრი ემზარ კვიციანი არჩევნების პროცესის ჩატარებასაც ხელისუფლებას დისტანციური სისტემით ურჩევს.

"დღეს სასამართლო ხელისუფლების მიმართ ბევრი საყვედური ითქმის როგორც ქვეყნის შიგნით, ისე ქვეყნის ფარგლებს გარეთ, რაც პირადად ჩემთვის, როგორც სამართლის სპეციალისტისთვის ძალიან საწყენია. ყოველთვის მიმაჩნდა, რომ სახელმწიფოში სასამართლო ხელისუფლება გამორჩეული უნდა იყოს თავისი ობიექტურობით და სამართლიანობით და ხელისუფლების შტოებს შორის, თუ ვინმეს უნდა ჰქონდეს საზოგადოების მხრიდან ყველაზე მაღალი ხარისხის ნდობა, ეს არის სასამართლო ხელისუფლება" - ასე ეხმაურება ტექნიკური უნივერსიტეტის სპიკერი, პროფესორი ჯემალ გახოკიძე პარლამენტის მიერ უზენაესი სასამართლოს თავმჯდომარის დამტკიცებას.

იმ შემთხვევაში თუკი ქვეყანაში ახალი კორონავირუსის მაღალი გავრცელების რისკი შეიქმნება, საგანმანათლებლო დაწესებულებებში არდადეგები, რომელიც პირველ აპრილამდე გადაიდო, შესაძლოა კიდევ გახანგრძლივდეს. ამის შესახებ ჯანდაცვის მინისტრმა, ეკატერინე ტიკარაძემ უწყებათაშორისო საკოორდინაციო საბჭოს სხდომის შემდეგ განაცხადა.

არსებული ვითარების გამო, რომელიც ახალი კორონავირუსით არის გამოწვეული, ანალიტიკოსი ზაალ ანჯაფარიძე არ გამორიცხავს, რომ მიმდინარე წლის საპარლამენტო არჩევნები საერთოდ არ ჩატარდეს. მისი თქმით, ამ შემთხვევაში ადამიანების ჯანრთელობა უფრო მნიშვნელოვანია, ვიდრე არჩევნები. თუმცა, თუკი უზრუნველყოფილი იქნება შესაბამისი გარემო, რომელიც საზოგადოებას საფრთხეს თავიდან აარიდებს, საკონსტიტუციო ცვლილებების განხილვა შესაძლებელია.

ქვეყანაში კორონა ვირუსთან დაკავშირებული საფრთხის გამო საქართველოში კიდევ რამდენიმე შეზღუდვა წესდება. საგანგებო მდგომარეობის გამოცხდება არა, მაგრამ იქამდე აღარც არაფერი გვაშორებს. პრემიერმა გიორგი გახარიამ განაცხადა, რომ ქვეყანა კორონა ვირუსის გავრცელების ეტაპზე გადადის. 

„ბიძინა ივანიშვილი თუ გადაწყვეტს, რომ გამოვიდეს საჯაროდ და მიმართოს ხალხს, ის გამოვა“, - ასე ეხმაურება უმრავლესობის დეპუტატი ნუკრი ქანთარია ოპოზიციის მოთხოვნას, რომ ბიძინა ივანიშვილმა მმართველი პარტიის სახელით მიმართოს ხალხს, თუ რას აპირებს ამ მძიმე ვითარებაში.

ჩინეთის ქალაქ უხანში მოღვაწე ექიმებმა, საიდანაც მსოფლიოში კორონავირუსის გავრცელება დაიწყო, აცხადებენ, რომ დღეს ევროპელი ექიმები ზუსტად იგივე შეცდომას უშვებენ, რაც მათმა ჩინელ კოლეგებს მოსდიოდათ ეპიდემიის საწყის ეტაპზე და რამაც ჩინეთი პრაქტიკულად კრიტიკულ ზღვარამდე მიიყვანა. ამის შესახებ სააგენტო „ბლუმბერგი“ წერს. ეს შეცდომა კი თავად სამედიცინო პერსონალის არასაკმარისის დაცულობა იყო.

სომხეთში ახალი კორონავირუსის კიდევ რვა შემთხვევა გამოვლინდა და ჯამში ინფიცირებულთა რაოდენობა უკვე 72-ს შეადგენს. ამის შესახებ სომხეთის ჯანდაცვის სამინისტროს პრესსამსახურის მიერ გავრცელებულ განცხადებაშია ნათქვამი.

„საგანგებო მდგომარეობის შემთხვევაში, კონსტიტუციის ცვლილების პროექტი არ განიხილება, თუმცა, სავსებით შესაძლებელია ახლავე დაიწყოს საყოველთაო განხილვის პროცესი და ათვლილი იქნას ის ერთვიანი ვადა. თუ ეს არ გაკეთდა, მაშინ ცვლილებები კონსტიტუციაში ვერ შევა და არჩევნები ჩატარდება არსებული სისტემით, რაც იქნება შეთანხმების პირობის დარღვევა", - აცხადებს კონსტიტუციონალისტი ვახტანგ ხმალაძე „რეზონანსთან" იმაზე საუბრისას, თუ საგანგებო მდგომარეობის გამოცხადების შემთხვევაში, როგორ შეიძლება გაგრძელდეს ახალ საარჩევნო სისტემაზე გადასვლის პროცესი.

რუსეთის საპატრიარქო მღვდლებს რეკომენდაციას აძლევს, რომ მორწმუნეებს ხელი არ გაუწოდონ საკოცნელად, ღვმთისმსახურების დასრულების შემდეგ კი ჯვარზე არ აკოცნინონ, უბრალოდ თავზე დაადონ ჯვარი. „რეზონანსი" დაუკავშირდა საქართველოს საპატრიარქოს იმის გასაგებად, ხომ არ არის მოსალოდნელი მსგავსი რეკომენდაციის გაცემა, რომ ხელზე მთხვევა და ჯვარზე ამბორი დროებით აიკრძალოს, რაზეც საპატრიარქოს პრეცენტრის ხელმძღვანელმა, დეკანოზმა ანდრია ჯაღმაიძემ გაგვიცხადა, რომ ჯერჯერობით ეს საკითხი დღის წესრიგში არ დგას.

„თუ პანიკა გაგრძელდა, შეიძლება საქონლის დეფიციტიც გააჩინოს, ანუ ადამიანებს სახლში თაროზე ჰქონდეთ პროდუქტი დალაგებული და მაღაზიაში აღარ იყოს და ახალი მყიდველისთვის აღარ დარჩეს. მგონია, რომ ამის თავის არიდებას ცდილობს ამჟამად ხელისუფლება ამ მოწოდებით", - ასე აფასებს „რეზონანსთან" პოლიტოლოგი რამაზ საყვარელიძე უმრავლესობის დეპუტატის რომან კაკულიას ბიზნესმენებისადმი მიმართვას კორონავირუსთან დაკავშირებული პანიკის გამო, პროდუქტების რეალიზაციაზე შიდა კონტროლის დაწესებასთან დაკავშირებით.