ექიმი-ინფექციონისტი ირაკლი ხმალაძე საქართველოში ახალი კორონავირუსის ეპიდემიის პიკს არ ელოდება. როგორც მან „რეზონანსს" უთხრა, იმ შემთხვევაში თუ მიმდინარე პროცესის კონტროლი გაგრძელდება და ხელისუფლება წესებს კიდევ უფრო გაამკაცრებს, მსგავს ნიშნულზე საუბარი არ იქნება. თუმცა, თუკი პროცესი უმართავი გახდება, ეპიდემიის პიკი შეიძლება დაახლოებით ათასი პაციენტი იყოს.

მსოფლიო მოსახლეობის 20%, რაც დაახლოებით 1.7 მილიარდ ადამიანს შეადგენს, დღეის მდგომარეობით კოვიდ-19 ინფექციის შეჩერების მიზნით სოციალური იზოლაციის ზომებს დაექვემდებარა. ამის შესახებ ბრიტანული გამოცემა „გარდიანი" იუწყება ჯანდაცვის მსოფლიო ორგანიზაციაზე დაყრდნობით.

„ოპოზიციის ბოლო დღეებში გაკეთებულ ცალკეულ გამონათქვამებსაც არ სჭირდება შეგროვება, ისედაც მიხვდები, რომ პოლიტიკური ბრძოლა გრძელდება და გრძელდება ყველა მეთოდებით, მიზნის მისაღწევად" - ასე ეხმაურება ოპოზიციის კრიტიკულ შენიშვნებს, რომელიც კორონოვირუსთან დაკავშირებით ხელისუფლების მიერ გადაგმულ ნაბიჯებს ეხება.

საქართველო-სომხეთის საზღვართან, სომხეთის ტერიტორიაზე რუსეთის 300-ზე მეტი მოქალაქე იმყოფება, რომლებიც რამდენიმე დღეა უშედეგოდ ითხოვენ საქართველოს ტერიტორიაზე შემოსვლას. მათ გადაწყვეტილი აქვთ ერევანში, საქართველოს საელჩოსთან შეიკრიბონ და საქართველოს კონსულთან შეხვედრა მოითხოვონ. ამის შესახებ რუსული მედია წერს სომხეთის ტერიტორიაზე მყოფ რუსეთის მოქალაქეებზე დაყრდნობით.

საქართველოს მართლმადიდებელი ეკლესიის დავქმდებარებაში მყოფ ჩრდილოეთ ამერიკის ეპარქიაში, კორონავირუსის საფრთხის გამო, წირვა-ლოცვა მრევლის გარეშე აღევლინება. ასეთი გადაწყვეტილება ეპარქიის ხელმძღვანელმა მეუფე საბამ (ინწკირველი) მიიღო. ცაგერისა და ლენტეხის მიტროპოლიტი, მეუფე სტეფანე (კალაიჯიშვილი) „რეზონანსთან" საუბრისას არ აკონკრეტებს, ეწინააღმდეგება თუ არა ეს ნაბიჯი სინოდის ბოლო სხდომის გადაწყვეტილებას, თუმცა განაცხადა, რომ „ყველა ღვთის და სინდისის წინაშე აგებს პასუხს".

ქვეყანაში შექმნილი რეალობიდან გამომდინარე, 2020 წლის საპარლარენტო არჩევნების ჩატარება შესაძლოა კითხვის ნიშნის ქვეშ დადგეს. ანალიტიკურ და პოლიტიკურ წრეებში გაჩნდა მოსაზრება, რომ ხელისუფლებამ არსებული ვითარება შესაძლოა სათავისოდ გამოიყენოს და ახალი კორონავირუსის საბაბით, ოქტომბერში ჩანიშნული არჩევნები გადადოს, რაზეც „ქართულ ოცნებაში" აღნიშნავენ, რომ დღევანდელ ვითარებაში ხელისუფლების მიზანია ვირუსის გავრცელების პრევენციაა და არჩევნები არ გადაიდება, თუკი არსებული მდგომარეობა დასტაბილურდება.

ქვეყანაში არსებული ვითარების ფონზე, უნდა ითქვას, რომ საქართველოს კრიტიკული მდგომარეობა გადავლილი აქვს. მეტიც, ვითარების დასტაბილურება 15 აპრილამდეა მოსალოდნელი. ამის შესახებ „რეზონანსს" ასტროლოგი დავით ბუტიკაშვილი ესაუბრა. მისივე თქმით, მსოფლიო დღის წესრიგი თავის კალაპოტს დაახლოებით სამ კვირაში დაუბრუნდება და მთავარი საზრუნავი ეკონომიკური სიტუაციის გამოსწორება გახდება.

ჩაკეტილი ბოლნისი და მარნეული - პრემიერ გიორგი გახარიას განცხადების შემდეგ, უკვე რამდენიმე საათი გავიდა, რაც ორი რაიონი მკაცრი საკარანტინო რეჟიმზე გადავიდა. ამ  წუთებში რა ხდება ბოლნისსა და მარნეულში - „რეზონანსი“ ერთ-ერთ ადგილობრივს ესაუბრა. ადგილობრივი აჰმედ სულეიმანოვი გვიყვება, რომ მოსახლეობა ამ გადაწყვეტილებას დადებითად შეხვდა, რადგანაც მათი უსაფრთხოებიდან გამომდინარე ასე სჯობს. 

„დარჩი სახლში" - ეს კოვიდ-19-ით დაინფიცირებისაგან თავის არიდების ერთ-ერთი მთავარი რეკომენდაციაა, რომელიც ხელისუფლებამ გასცა, რა უნდა გააკეთოს სახლში დარჩენილმა თვითიზოლირებულმა ადამიანმა, რომ პანიკას არ აჰყვეს და ფსიქოლოგიური პრობლემები არ შეექმნას?

საქართველოს ოკუპირებულ ტერიტორიებზე კორონავირუსის ეპიდემიის გავრცელების თვალსაზრისით შესაძლოა კრიტიკული ვითარება შეიქმნას. დე ფაქტო ხელისუფლებები პრაქტიკულად არაფერს აკეთებენ საფრთხის პრევენციისა და მოსახლეობის დასაცავად. ცხინვალში რამდენიმე დღის წინ ჯანმრთელობის მსოფლიო ორგანიზაციის წარმომადგენლებიც არ შეუშვეს და მათგან დახმარების მიღებაზეც უარი თქვეს, აფხაზეთში კი კვირას „საპრეზიდენტო არჩევნები“ ჩაატარეს, თანაც ყოველგვარი დაცვითი საშუალების გარეშე. თბილისში იმედოვნებენ, რომ ეს ოკუპირებულ ტერიტორიებზე კორონავირუსის გავრცელების რისკს არ გაზრდის.

„დღეს ჩვენ ყველანი ერთ უბედურებაში ვართ, რასაც ეპიდემია ჰქვია. ამიტომ ეს თემა არ შეიძლება გახდეს სახელმწიფოსა და ეკლესიას შორის დაპირისპირების მიზეზი. ეს იწილო-ბიწილო რომ არ მომხდარიყო, თავიდანვე უნდა ყოფილიყო შეთანხმება, რა და როგორ გაკეთდებოდა. ახლა ორივე ვალდებულია, შემხვედრი ნაბიჯები გადადგან“ - ასე ეხმაურება პოლიტოლოგი ვახტანგ ძაბირაძე საგანგებო მდგომარეობის დროს დაწესებულ შეზღუდვას ადამიანების შეკრებასთან დაკავშირებით.

„შიში არის ადამიანის თავდაპირველი მყისიერი რეაქცია, რომელიც ირაციონალურიდან მომდინარეობს. ამიტომ განსაკუთრებული არაფერი ხდება. შიში გაივლის მაშინ, როცა პასუხისმგებლობას აიღებ შენს თავზე და შეასრულებ ყველა იმ რეკომენდაციას, რომელსაც ჯანდაცვის მუშაკები გასცემენ" - ასე აფასებს ფსიქოლოგი ნანა ჩაჩუა ახალი კორონავირუსის გამო მოსახლოებაში გაჩენილ შიშს.