იმისათვის, რომ აფხაზეთში, კანდიდატმა „საპრეზიდენტო არჩევნებში“ მონაწილეობა მიიღოს და კენჭი იყაროს, საჭიროა აფხაზური ენის ტესტის ჩაბარება. სოხუმში გადაწყვიტეს, რომ ეს ტესტი კიდევ უფრო გაამკაცრონ და შესაძლოა „პრეზიდენტობის“ მსურველები „კანონით დაავალდებულონ, რომ სატელევიზიო გამოსვლებისას მხოლოდ აფხაზურად ისაუბრონ.

„ჩვენთვის ჩვენი სტრატეგიული პარტნიორების აზრი ფასეულია, მაგრამ არავითარ შემთხვევაში არაა ფასეული ის აზრი, რომელიც კოპირებული გადმოცემა ოპონენტების და ოპოზიციური სპექტრის აზრისა," ასე აფასებს „რეზონანსთან" უმრავლესობის დეპუტატი კობა კობალაძე ევროპარლამენტის სხდომაზე ევროპარლამენტარების მიერ საქართველოს ხელისუფლებისადმი მწვავე განცხადებებს, სადაც რეინტეგრაციის მინისტრი ქეთევან ციხელაშვილი და პარლამენტის ვიცე-სპიკერი კახა კუჭავაც ესწრებიან.

„როგორც ჩანს, მეორე მხარემ უფრო უკეთ იმუშავა და დაარწმუნა ისინი, რომ სიტუაცია მართლაც ისეთია, როგორსაც ისინი (ოპოზიცია) თვლიან," - ასე აფასებს „რეზონანსთან" ანალიტიკოსი ზაალ ანჯაფარიძე ევროპარლამენტარების მიერ „ქართული ოცნებისადმი" მწვავე კრიტიკულ განცხადებებს.

სახალხო დამცველის საკმაოდ სკანდალური მოხსენებამ ე.წ. მაყურებლის ინსტიტუტის გაძლიერებაზე საქართველოს პენიტენციალურ დაწესებულებებში იუსტიციის მინისტრი თეა წულუკიანის გაღიზიანება გამოიწვია. თუმცა, როგორც ირკვევა, იგივე საკითხი იყო წამოჭრილი ევროსაბჭოს წამების პრევენციის კომიტეტის 2018 წელს მომზადებულ დასკვნაშიც, სადაც ისიც კი ეწერა, რომ ზოგიერთ დაწესებულებაში ე.წ. მაყურებლები უცხოელ ექსპერტებს უკან დასდევდნენ და პატიმრებთან მათი საუბრის გაკონტროლებას ცდილობდნენ.

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძე „რეზონანსთან“ ამბობს, რომ ომბუდსმენის მიერ მის მოხსენებაში წარმოდგენილი ფაქტები პენიტენციურ დაწესებულებებში კრიმინალური სუბკულტურების არსებობის სიმართლეს არ შეესაბამება. მისი განცხადებით, სახელმწიფო სახალხო დამცველის აზრს მაშინ ითვალისწინებს, როდესაც საუბარი რეალურ პრობლემებზეა.

„სიტყვა არ გამიტეხია. ერთი შემთხვევაც არ ყოფილა, რომ მე ან ჩემი პარტიის რომელიმე წევრს მონაწილეობა მიეღო ამ შეხვედრებში, მითუმეტეს მოლაპარკების მაგიდასთან დავმსხდარიყავით იმ განცხადების შემდეგ, რომელიც გავაკეთე. მე განვაცხადე, რომ პროპორციულ საარჩევნო სისტემის გარდა სხვა პოლიტიკურ თემებზე სასაუბროდ რუსული ვექტორის პარტიებთან არ დავჯდებოდი და ამას ვასრულებ" - ასე ეხმაურება პარტია „კანონი და სამართალის" თავმჯდომარე თაკო ჩარკვიანი „ევროპული საქართველოს" ერთ-ერთი ლიდერის სერგი კაპანაძის განცხადებას, რომ თაკო ჩარკვიანს არ დაუტოვებია საარჩევნო სისტემასთან დაკავშირებით მოლაპარაკების ფორმატი და ის შეხვედრებში მონაწილოებას აგრძელებს.

„მგონია, რომ ეს სწორედ იმას ნიშნავს, რომ რამდენიმე თვეში მართლაც სამთავრობო ცვლილებები იქნება", - ასე აფასებს ანალიტიკოსი ვახტანგ ძაბირაძე „რეზონანსთან" იუსტიციის მინისტრია თეა წულუკიანის მიერ წარმოთქმულ სიტყვებს, რომელიც მან პარლამენტში სახალხო დამცველის ანგარიშის მოსმენის შემდეგ განაცხადა.

„ასეთ შემთხვევაში, ბუნებრივია, გამოძიება უნდა დაიწყოს სწორედ იმაზე, თუ ვინ არის ეს ხალხი, ვინ მფარველობს ამ ხალხს. ასე ხომ არ ხდება, ჰაერიდან ხომ არ მოდის? გარკვეული ხელის შეწყობა თუ არის, ვისგან არის ეს ხელის შეწყობა?" - ასე აფასებს „რეზონანსთან" საუბრისას საპარლამენტო უმრავლესობის წევრი ნუკრი ქანთარია სახალხო დამცველის, ნინო ლომჯარიას განცხადებას იმის შესახებ, რომ „ციხეში ე.წ. მაყურებლები თავისუფლად გადაადგილდებიან, შედიან საკნებში, აგროვებენ ე.წ. საერთოს, უგვარებენ პრობლემებს ადმინისტრაციას."

„ამ გამოსვლის შემდეგ შთაბეჭდილება დამრჩა, რომ აშშ-ს საელჩო საქართველოში გაცილებით უფრო აქტიური იქნება, ვიდრე ბოლო წელიწადნახევრის მანძილზე იყო, როდესაც ელჩის გარეშე ვიყავით დარჩენილები. ის (კელი დეგნანი) შესაძლოა „ქართული ოცნების" ხელისუფლების პირობებში ყველაზე აქტიური აშშ-ს ელჩი იყოს," - ასე აფასებს „რეზონანსთან" ანალიტიკოსი ხათუნა ლაგაზიძე საქართველოში ამერიკის ახალი ელჩის კელი დეგნანის დანიშვნას.

საკადრო ცვლილებები, რაზეც ბოლო პერიოდში საუბარი აქტიურად მიმდინარეობს, ანალიტიკოსთა ნაწილის თქმით, „ქართული ოცნების" რეიტინგსა და იმიჯს წინასაარჩევნოდ დადებითად ვერ შეცვლის, თუმცა, ნაწილი თვლის, რომ ერთგვარი არაფორმალური მმართველობის დასრულების შემთხვევაში, რასაც ოპოზიცია და საზოგადოების ნაწილი პარტია „ქართული ოცნების" თავმჯდომარე ბიძინა ივანიშვილის სახელს უკავშირებს, ხელისუფლების მიმართ შედარებით ლოიალურ დამოკიდებულებას გააჩენს, მაგრამ, ამასთან, საჭიროა ქვეყანაში სოციალური და ეკონომიკური მდგომარეობის გაუმჯობესებაც, წინააღმდეგ შემთხვევაში, ეს „ოცნებისთვის" არაფერს შეცვლის.

მსოფლიო ახალი საფრთხის წინაშე დგას, ბოლო პერიოდში ისედაც მომრავლებულ ვირუსებს შესაძლოა ჩინეთიდან ახალი ამოუცნობი მომაკვდინებელი ვირუსის ტალღაც შეემატოს. ჩინეთში ახალი უცნობი ვირუსით დაინფეცირებულთა რიცხვი მკვეთრად გაიზარდა, 20 იანვრის მდგომარეობით, ექიმებმა 198 დადასტურებული შემთხვევა დაარეგისტრირეს.

„თუ „ქართული ოცნება" არანაირ შეთანხმებაზე არ წავა, ვერ ვხედავ ამ შემთხვევაში აქციების, ბლოკირებისა და პიკეტირების აზრს, რადგან აშკარა იქნება, რომ ქართულმა ოცნებამ უარი თქვა გონივრული გადაწყვეტილების მიღებაზე და როდესაც უკვე ასეთი უარია, მაშინ პიკეტირება ვერ აიძულებს მიიღოს სწორი გადაწყვეტილება," - აცხადებს „მთელ კვირასთან" საუბრისას კონსტიტუციონალისტი ვახტანგ ხმალაძე კვირას „ოცნებასა" და ოპოზიციას შორის მოლაპარაკების ჩაშლის კომენტირებისას.