„ჩემს პოზიციას გეტყვით, თუ რატომ წავიდოდა სურკოვი - მიმაჩნია, რომ მას შემდეგ, რაც ვოლოდიმირ ზელენსკი უკრაინის ხელისუფლებაში მოვიდა, რუსები მის პოზიციებზე უფრო იოლად მუშაობენ და არ გამოვრიცხავ, რომ სურკოვი რუსეთის ხელისუფლების ზელენსკის პოზიციებთან დაახლოებას ხელს უშლიდა", - ასე აფასებს „რეზონანსთან" შერიგებისა და სამოქალაქო თანასწორობის საკითხებში ყოფილი სახელმწიფო მინისტრი პაატა ზაქარეიშვილი, რუსეთის პრეზიდენტის თანაშემწის ვლადისლავ სურკოვის მიერ თანამდებობის დატოვებას.

„კრიტიკულ წერილებს, რომელიც ხელისუფლებამ აშშ-ის კონგრესმენებისგან მიიღო, პასუხი აუცილებლად გაეცემა, მაგრამ რა ფორმით - ვერ გეტყვით. ამაზე მსჯელობა უმრავლსეობაში არ ყოფილა და არც ფრაქციის სხდომა ჩატარებულა", - განაცხადა „რეზონანსთან" „ოცნების" დეპუტატმა რევაზ არველაძემ.

„კონგრესმენების წერილები, მათი კრიტიკა ივანიშვილისა და მმართველი გუნდის მისამართით, ნამდვილად არ ნიშნავს იმას, რომ მათი კრიტიკის გამო ხელისუფლების დღეები დათვლილია. პირადად ივანივშილის მიმართ სანქციები ნაკლებად არის მოსალოდნელი, მაგრამ „ოცნების" სრულიად უგუნური და პოლიტიკურ იდიოტიზმამდე მისული მოქმედების შედეგად საბოლოოდ არაფერია გამორიცხული", - ასე აფასებს ექსპერტი პეტრე მამარაძე დასავლელი პარტნიორების მხრიდან ბოლო დღეებში გახშირებულ კრიტიკულ მოსაზრებებს საქართველოს ხელისუფლების მიმართ.

უკრაინული საინფორმაციო წყაროები საქართველოს ექს-პრეზიდენტის და ოდესის ოლქის ყოფილი გუბერნატორის მიხეილ სააკაშვილის, უკრაინაში მორიგ თანამდებობაზე ალაპარაკდნენ. მათი ცნობით, სააკაშვილი ოდესის მერის არჩევნებში მონაწილეობას გეგმავს.

"ივანიშვილს ვაძლევთ დიალოგის საშუალებას, კიდევ აქვს ვადა საგაზაფხულო სესიაზე დაიწყოს საკონსტიტუციო ცვლილებები; წინააღმდეგ შემთხვევაში რჩება ერთი მოთხოვნა - ივანიშვილის ჩამოცილება ხელისუფლებიდან. თუ ამ გადაწყვეტილებას არ მიიღებს, შეიძლება პროპორციული არჩევნების თემა გვიანიც იყოს და პროცესები პირადად მისთვის ძალიან მძიმედ წარიმართოს" - ასე აფასებს "თავისუფალი საქართველოს" ლიდერი კახა კუკავა მიმდინარე პოლიტიკურ პროცესებს.

სახალხო დამცველი კონფიდენციალური ინფორმაციის გასაჯაროების გამო იუსტიციის მინისტრის სისხლის სამართლებრივი პასუხისმგებლობის დაყენებას გეგმავს. ნინო ლომჯარია თეა წულუკიანს ფარულ თვალთვალში ადანაშაულებს. საკითხი ეხება, იუსტიციის სამინისტროს მიერ, სახალხო დამცველთან შეთანხმების გარეშე, „მატროსოვის" ციხეში ლომჯარიასა და ოპოზიციის ლიდერების შეხვედრის შესახებ გასაჯაროვებულ ინფორმაციას. ამ საკითხზე პენიტენციური სამსახური განცხადებას ავრცელებს, სადაც წერია, რომ საპატიმროში ომბუდსმენის ვიზიტის გასაიდუმლოების ვალდებულება არ აქვთ.

გაერთიანებული კომისიის სხდომაზე, თბილისის საკრებულოს „ქართული ოცნების" დეპუტატები „ნაციონალური მოძრაობის" წევრ ლევან ხაბეიშვილს ფიზიკურად გაუსწორდნენ. დაპირისპირებაში დეპუტატები ავთანდილ ცინცაძე, ირაკლი ზარქუა, გიორგი ჩაკვეტაძე და ალექსანდრე ხუჯაძე მონაწილეობდნენ. ხაბეიშვილს დაზიანებები თვალის არეში აღენიშნება. ოპოზიცია ამბობს, რომ ეს იყო წინასწარ დაგეგმილი თავდასხმა, რასაც საპარლამენტო უმრავლესობის წევრი ნუკრი ქანთარია „სისულელეს" უწოდებს.

„საზოგადოება უნდა მიხვდეს, რომ თუ ასე გაგრძელდა საქართველო დასავლეთის მხარდაჭერას დაკარგავს და როცა არჩევნებზე მივლენ, მათ უნდა იცოდნენ, რომ თუ „ქართულ ოცნებას" გამოუვიდა ფარსი, მაშინ დასავლეთისგან აღარ უნდა გვქონდეს გვერდში დგომის იმედი," - ასე აფასებს „რეზონანსთან" შერიგებისა და სამოქალაქო თანასწორობის საკითხებში ყოფილი სახელმწიფო მინისტრი პაატა ზაქარეიშვილი კონგრესმენებისა და ევროპარლამენტარების კრიტიკას მმართველი გუნდის მისამართით.

თბილისის საქალაქო სასამართლოში ხმაური იყო დღესაც; ხორავას ქუჩაზე დავით სარალიძის განზრახ ჯგუფურად მკვლელობაში ბრალდებული მიხეილ კალანდიას პროცესი მიმდინარეობს, სადაც ზაზა სარალიძემ დაცვის მხარეს ფოტოები შეაყარა და სხდომათა დარბაზი ხმაურით დატოვა. სარალიძის განცხადებით, მისი აგრესია კალანდიას უფლებადამცველების მისამართით არის, რადგანაც ამბობენ, რომ მისი შვილი მოკვლის ღირსი იყო. მომხდარი ფაქტის შემდეგ კალანდიას ადვოკატმა ზურაბ თოდუამ თქვა, რომ სარალიძემ პასუხი ხელისუფლებას უნდა მოთხოვოს და არა მათ.

„ახალი ვირუსის საქართველოში გავრცელების რისკი სხვა ქვეყნების მსგავსად არსებობს. ჩვენი პროგნოზით, საქართველოში, ისევე როგორც სხვა ქვეყნებში, შესაძლოა, ვირუსის ექსპორტი მოხდეს. ეს ნიშნავს, რომ იმ ადამიანებს, რომლებიც ჩინეთიდან საქართველოში ჩამოდიან, პოტენციურად შეიძლება, იქცნენ ვირუსის გადამტანად.განსაკუთრებით, ეს ეხება იმ ადამიანებს, ვინც ჩინეთის იმ რეგიონებიდან ჩამოდიან, სადაც ვირუსი გავრცელდა," - ამის შესახებ საქართველოს პრველ არხს ჯანდაცვის მსოფლიო ორგანიზაციის საქართველოს ოფისის ხელმძღვანელმა სილვიუ დომენტემ განუცხადა.

„პროპორციულს გამოემშვიდობონ, გამოემშვიდობებიან მაშინ, თუ ხელისუფლებას საკონტიტუციო უმრავლესობა ექნება და კონსტიტუციაში ცვლილებებს შეიტანს, თუ ვერ შეიტანს, მაშინ არსებული ჩანაწერი დარჩება და 2024 წლის შემდგომი არჩევნები უკვე პროპორციული სისტემით ჩატარდება".

ბოლო დროს დასავლეთის დიპლომატებისგან საქართველოსადმი მომატებულ კრიტიკაში ძირითადი აქცენტები ჩავარდნილ პროპორციულ საარჩევნო სისტემაზე, 20 ივნისის ინციდენტზე და ანაკლიის პორტზეა გაკეთებული, იქონიებს თუ არა ეს გავლენას საქართველოს საერთაშორისო იმიჯზე, ამის შესახებ ექსპერტები ამბობენ, რომ მომატებული კრიტიკის გამო, ნელ-ნელა„გლობალურ პოზიციებს ვკარგავთ".