მას შემდეგ რაც დავით გარეჯის საკითხის ირგვლივ სიტუაცია არ ლაგდება, სულ უფრო ხშირად მიდის იმაზე საუბარი, როგორ შეიძლება ამ პრობლემის გადაწყვეტა. პრემიერმა გახარიამ განაცხადა, რომ 11 ოქტომბერს გარეჯის სამონასტრო კომპლექსი სასულიერო პირებისთვის გაიხსნებოდა და ეს ალიევსა და მას შორის შეთანხმების შედეგია. თუმცა მეორე დღეს სასულიერო პირებმა მრევლის გარეშე სამონასტრო კომპლექსში ასვლაზე უარი განაცხადეს.

რუსეთი შავ ზღვაში სამხედრო საზღვაო წვრთნებს იწყებს, სადაც მონაწილეობას მიიღებენ როგორც სამხედრო მოსამსახურეები, ასევე სპეციალური სამხედრო ტექნიკა, წვრთნების დროს განხორციელდება ბალისტიკური და ფრთოსანი რაკეტების გაშვებაც, რეალურად, შესაძლოა ამ წვრთნებმა საქართველო საფრთხის წინაშე უკვე მეორედ დააყენოს.

"პარტიის, როგორც ორგანიზაციული სტრუქტურის შექმნა რთული პროცესია, რამდენად მოახერხებენ, ამ მოკლე ხანში გამოჩნდება"- ასე ეხმაურება კონსტიტუციონალისტი ვახტანგ ხამალაძე გავრცელებულ ინფორმაციას იმის თაობაზე, რომ მამუკა ხაზარაძე ოქტომბერში უკვე პარტიას ქმნის.

სირიის სამთავრობო არმიის დანაყოფი თურქეთის საზღვრიდან 30 კმ-ში ქალაქ ტელ ტამერში შევიდა, ტრამპის მიერ თურქეთის ჯართან შეტოვებულმა სირიელ ქურთებმა გამოსავალი იპოვეს,ისინი ბაშარ ასადის მთავრობას, რომელიც აქამდე მათი დაუძნებელი მტერი იყო, ჩრდილოეთ რეგიონში სამთავრობო ძალების გაგზავნის შესახებ შეუთანხმდნენ, რათა მათ თურქეთის სამხედრო ოპერაციის შეჩერება შეძლონ და ქვეყნის სუვერენიტეტი და საზღვარი დაიცვან.

გორის რაიონული სასამართლომ ხაშურში, ყოფილი მეუღლის მკვლელობაში ბრალდებულ 32 წლის ირაკლი დეკანოიძეს აღკვეთის ღონისძიების სახით პატიმრობა შეუფარდა. ბრალდების მხარეს მოსამართლე სრულად დაეთანხმა. ბრალდებული დეკანოიძის პატიმრობაში დატოვების მიზეზად პროკურორი მიხეილ ბერიაშვილი რამდენიმე გარემოებას ასახელებდა, კერძოდ, განსაკუთრებული სისასტიკით ჩადენილ დანაშაულს, აღნიშნული დანაშაულის ჩადენის შემდეგ მიმალვას და მოწმეებზე შესაძლო ზეწოლის საფრთხეს, ბრალდებულის წარსულში ნასამართლეობის ფაქტს (პოლიციის თანამშრომელზე თავდასხმა).

„საქართველო იმსახურებს აშშ-სთან თავისუფალი ვაჭრობის შეთანხმების გაფორმებას“, - ამ სათაურით გამოქვეყნდა სტატია გავლენიან ამერიკულ გამოცემა National Interest-ში. სტატიაში აღშინულია ბოლო წლებში საქართველოს მიღწევები ეკონომიკის სფეროში და გაწეული სამუშაობები ეკონომიკის ლიბერალიზაციის კუთხით.

„მედიისთვის მეორეჯერ უარის თქმა ნიშნავს იმას, რომ მას „ბოლოს და ბოლოს თავი დაანებონ", - ასე ეხმიანება „რეზონანსთან" ანალიტიკოსი არჩილ გამზარდია პრეზიდენტ სალომე ზურაბიშვილის მიერ გამოცემულ შეწყალების სკანდალურ საქმესთან დაკავშირებით შესახებ ჟურნალისტების მიერ დასმულ კითხვებზე მეორე უარს.

საქართველოს ორ სტარტეგიულ მოკავშირეს - აშშ-სა და თურქეთს შორის ურთიერთობა ბოლო დღეებში უკიდურესად დაიძაბა. თუქრული არმიის სირიაში შეჭრისა და აშშ-ის მოკავშირე ქურთების საბრძოლო შენაერთების წინააღმდეგ ფართომასშტაბიანი ბრძოლის დაწყების შემდეგ, ოფიციალური ვაშინგტონი ანკარას მკაცრი სანქციებით ემუქრება. თურქეთის ხელისუფლება კი, თავის მხრივ, დასავლეთს სირიელი მიგრანტებისათვის საზღვრების გახსნით აშინებს. როგორ შეიძლება აისახოს ეს საქართველოზე?

საპრლამენტო ფრაქცია „ნაციონალური მოძრაობა“ თემირლან მაჩალიკაშვილის საქმეზე დროებითი საგამოძიებო კომისიის შექმნის ინიციატივით გამოდის და 15 ოქტომბერს პარლამენტის ბიუროს შესაბამისი დადგენილების პროექტს წარუდგენს. დაუჭერს თუ არა მხარს „ოცნება“ მაჩალიკაშვილის საქმეზე დროებითი საგამოძიებო კომისიის შექმნას? „ოცნების“ დეპუტატი ლადო კახაძის აზრით, ვიდრე ოფიციალურად გამოძიება ჯერ არ დასრულებულა, პარალელურ რეჟიმში ახალი საგამოძიებო კომისიის შექმნა მიზანშეწონილი არ იქნება.

აპირებს თუ არა „ქართული ოცნება“ უზენაესი სასამართლოს მოსამართლეობის კანდიდატებს მხარი დაუჭიროს? რა გავიგეთ მოსამართლეების გასაუბრების პირველი ეტაპიდან და ვინ არიან ის კანდიდატები, რომლებიც მმართველი გუნდის მხარდაჭერას იმსახურებენ? „რეზონანსთან“ მმართველი პარტიის დეპუტატები აცხადებენ, რომ კანდიდატების გასაუბრებით მიღებული სურათი სახარბიელო არ არის, თუმცა არის რამდენიმე კანდიდატი, რომელსაც მხარს დაუჭერენ. შერჩევის კრიტერიუმი კი მათი წარსული და სასამართლო საქმეები იქნება. 

„რაიმე განსაკუთრებით რთულ პროცესებს არ ველოდები ელადის ეკლესიის მიერ უკრაინის ეკლესიის დამოუკიდებლობის აღიარების გამო. ეს უფრო მეტად მისცემს ბიძგს კარგ პროცესებს, რადგან ელადის ეკლესიას აქვს საკმაოდ დასაბუთებული არგუმენტები იმასთან დაკავშირებით, თუ რატომ აღიარა მან უკრაინის ეკლესია", - ასე შეაფასა „რეზონანსთან" საუბრისას თეოლოგმა ლადო ნარსიამ ელადის მართლამდიდებელი ეკლესიის წმინდა სინოდის მიერ უკრაინის მართლმადიდებელი ეკლესიის დამოუკიდებლობის აღიარება.

„მე რომ მარიამ კუბლაშვილის ადგილას ვიყო, ყველას ვუჩივლებდი სასამართლოში. რა უფლება აქვთ, რომ ადვოკატს ბრალს სდებენ მისი კლიენტის დაცვისთვის?! ვინც მარიამ კუბლაშვილზე რამეს ამბობს, იმ უფლებადამცველებს უთხარით - ზაზა ხატიაშვილი გირჩევთ, რომ კბილები გამოირეცხეთ და ისე ისაუბრეთ მარიამ კუბლაშვილზე-თქო. ის არის ადვოკატი და გაერო-ს კონვენცია იცავს მას", - განაცხადა „რეზონანსთან" საუბრისას ადვოკატმა ზაზა ხატიაშვილმა თანაშემწეზე სექსუალურ ძალადობაში დადანაშაულებული დეპუტატის, ილია ჯიშკარიანის ადვოკატ მარიამ კუბლაშვილის კრიტიკაზე საუბრისას.