"აქ არის პრინციპის საკითხი, თორმე რა პრობლემაა, "რუსთავი 2" სხვა შენობაშიც გააგრძელებს მაუწყებლობას, მაგრამ დარწმუნებული ვარ, რომ გვარამია, რომელიც იურისტია, ბოლო ბერკეტს გამოიყენებს "რუსთავი 2"-ის დასაცავად" - ასე ეხმაურება პარტია "კანონი და სამართალის" თავმჯდომარე თაკო ჩარკვიანი "რუსთავი 2"-ის ირგვლივ განვითარებულ მოვლენებს.

„ომი რას ნიშნავს?! ფიზიკურად უნდა შემეხოს ვინმე, შეურაცხყოფა უნდა მომაყენოს? რა უნდა მოხდეს, მითხარით?! მე იქ მისვლის პრობლემას ვერ ვხედავ. ცივილიზებულ სამყაროში ვცხოვრობთ, დემოკრატიულ ქვეყანაში ვცხოვრობთ და მე ვერ ვხედავ პრობლემას. ნებისმიერი ადამიანი, სადაც არ უნდა მივიდეს, რაც არ უნდა მიუღებელი იყოს, მას ომით და ფიზიკური ძალადობით დახვდნენ... რომ მივიდე და დაველაპარაკო, რა უნდა მოხდეს?!... ვიღაც ფიზიკურად დამიპირისპირდება, სროლას და ომს დაიწყებს?!"- აცხადებს ქიბარ ხალვაშის ადვოკატი და ხალვაშის მიერ „რუსთავი 2"-ის ახალ გენდირექტორად დანიშნული პაატა სალია.

„ყველა სამართლიანი გადაწყვეტილება არ იწვევს-ხოლმე სამართლიანობის დადგენას, ამ ეტაპზე მოგვწონდა თუ არა რუსთავი 2, ან ვიზიარებდით თუ არა მათ ხედვას, იყო ერთ-ერთი ფხიზელი სივრცე მედიაში, ბუნებრივია ამის გაქრობა სახელმწიფოსთვის და მათ შორის ხელისუფლებისთვისაც არასასურველი იქნება," - ამბობს „რეზონანსთან" მედიაექსპერტი არჩილ გამზარდია რუსთავი 2-ის საქმეზე სტრასბურგის სასამართლოს გადაწყვეტილების კომენტირებისას.

„გვარამია საუბრობს თავის შრომით კონტრაქტზე კომპანიასთან. მესაკუთრეები შეიცვალნენ და ვინც ის დანიშნა, ისინი მესაკუთრეები აღარ არიან. ახლა მესაკუთრე ქიბარ ხალვაშია, რომელსაც, როგორც მესაკუთრეს, უფლება აქვს სამსახურიდან კომპანიის გენერალური დირექტორი გაათავისუფლოს," - აცხადებს „რეზონანსთან" უფლებადამცველი და იურისტი ლია მუხაშავრია „რუსთავი 2"-ის საქმეზე სტრასბურგის სასამართლოს მიერ გამოტანილ გადაწყვეტილებაზე, რომლის მიხედვითაც ტელეკომპანია ქიბარ ხალვაშს ეკუთვნის.

"მე ვფიქრობ, რომ ხელისუფლებასა და "რუსთვი 2"-ის ადმინისტრაციას შორის უკვე არის შეთანხმება. "რუსთვი 2" გააგრძელებს მაუწყებლობას მესამე არხზე და არც გვარამია დაკარგავს თავის ბიზნესს. ქიბარ ხალვაშს დაუბრუნდება ტელეკომპანია, მაგრამ ალბათ მალე ესეც შეიცვლება და სხვა მფლობელი ეყოლება" - ასე ეხმაურება "თავისუფალი საქართველოს" ლიდერი კახა კუკავა "რუსთავი 2"-ის საქმესთან დაკავშირებით სტრასბურგის სასმართლოს გადაწყვეტილებას.

„ვინმეს მოსწონს თუ არა, გადაწყვეტილება მიღებულია. ახლა მისი ეჭვქვეშ დაყენება უკვე პრო კი არა, ანტი-დასავლურ განწყობებს შექმნის," - ასე ეხმაურება ანალიტიკოსი გია ხუხაშვილი „რუსთავი 2"-ის საქმეზე სტრასბურგის სასამართლოს მიერ გამოტანილ გადაწყვეტილებას, რომლის მიხედვითაც ტელეკომპანია ქიბარ ხალვაშს ეკუთვნის.

„ქიბარ ხალვაშს უკვე შეუძლია დაიწყოს თავისი საკუთრების გადმოფორმების პროცესი"- ასეთია "ქართული ოცნებისა" და პარლამენტის წევრის ალექსანდრე (ნუკრი) ქანთარიას კომენტარი სტრანსბურგის სასამართლოს მიერ რუსთავი 2-ის საქმეზე გამოტანილ განაჩენზე.

„რუსთავი 2"-ის საქმეზე სტრასბურგის სასამართლოს გადაწყვეტილებას გამოეხმაურა საქართველოს ექსპრეზიდენტი და ოდესის ოლქის ყოფილი გუბერნატორი მიხეილ სააკაშვილი. მან ფეისბუქში ვიდეო მიმართვა გაავრცელა:

"რუსთავი 2"-ის ამჟამინდელ ხელმძღვანელობასა და ქიბარ ხალვაშ შორის სასამართლო დაპირისპირების ეპოპეა ამ უკანასკნელის გამარჯვებით დასრულდა - ადამიანის უფლებათა ევროპულმა სასამართლოს მიერ ახლახან მიღებული გადაწყვეტილებით ტელეკომპანია "რუსთავი 2" ფაქტობრივად ქიბარ ხალვაშს მიაკუთვნა.

20-21 ივნისის აქციის დარბევიდან 27 დღე გავიდა და გამოძიების პროცესში ბრალდებულების თანაფარდობა უკვე ასეთია: 12 მომიტინგე 2 პოლიციელის წინააღმდეგ. დაკავებები ისევ გაგრძელდება, ამას შს სამინისტროც აანონსებს, რომელიც აცხადებს, რომ უწყება აგრძელებს დანაშაულში მონაწილე სხვა პირების იდენტიფიცირებას და მტკიცებულებების მოპოვებისთანავე გაგრძელდება შესაბამისი სამართლებრივი რეაგირება.

„კიდევ უფრო მაგარი კაცია გახარია", „გახარიას გადადგომა დღეს იქნებოდა სამშობლოს ღალატი, პირდაპირი მნიშვნელობით".... - ამ სიტყვებით შეაფასა შს მინისტრი „ქართული ოცნების" თავმჯდომარემ, ბიძინა ივანიშვილმა და დაადასტურა, რომ გახარია არსად არ წავა და რომ, ამ ძალოვანი მინისტრის შენარჩუნება მისთვის ძალიან მნიშვნელოვანია.

"ბიძინა ივანიშვილის მესიჯბოქსი არის უცვლელი და არც ცდილობს გადახედვას. იმედი აქვს, ვიდრე ეს მესიჯბოქსები მუშაობს, რიტორიკა არ უნდა შეცვალოს.